Cavanşir Həmidli

Cavanşir Həmidli (20 oktyabr 1997, Çayrud, Lerik rayonu – 7 oktyabr 2020, Cəbrayıl rayonu) — Azərbaycan Respublikası Silahlı Qüvvələrinin əsgəri, İkinci Qarabağ müharibəsi şəhidi.

Cavanşir Həmidli
Cavanşir Namiq oğlu Həmidli
Şəxsi məlumatlar
Doğum tarixi	20 oktyabr 1997(1997-10-20)
Doğum yeri	Çayrud, Lerik rayonu, Azərbaycan
Vəfat tarixi	7 oktyabr 2020(2020-10-07) (22 yaşında)
Vəfat yeri	Cəbrayıl rayonu, Azərbaycan
Vəfat səbəbi	şəhid olmuşdur
Dəfn yeri	Lerik rayonu
Vətəndaşlığı	Azərbaycan
Milliyyəti	azərbaycanlı
Hərbi fəaliyyəti
Mənsubiyyəti	Azərbaycan Silahlı Qüvvələri
Xidmət illəri	2019–2020
Rütbəsi	əsgər
Döyüşlər	Vətən müharibəsi  • Cəbrayılın azad edilməsi  • Füzulinin azad edilməsi
Təltifləri

Həyatı

Cavanşir Namiq oğlu Həmidli 20 oktyabr 1997-ci ildə Lerik rayonunun Çayrud kəndində, ziyalı ailəsində anadan olub. Ailədə 6 nəfər olublar. Uşaqlıq illəri doğulduğu kənddə keçib. 2015-ci ildə şəhid Elşən Səfərov adına Çayrud kənd tam orta məktəbini bitirdikdən sonra Lənkəran Dövlət Universitetinin "İqtisadiyyat və idarəetmə" fakültəsinə qəbul olub. 2019-cu ildə universitetini bitirərək "Maliyyə" ixtisası ürə bakalavr dərəcəsi alıb.

Hərbi xidməti

2019-cu ilin iyul ayında Lerik rayon Hərbi komissarlığı tərəfindən həqiqi hərbi xidmətə çağırılan Cavanşir Həmidli Milli Ordunun "N" saylı "Həmlə" Əlahiddə Əməliyyat Taborunun xüsusi təyinatlısı kimi hərbi təlimlərə qatılıb və Füzuli-Cəbrayıl istiqamətində gedən döyüşlərdə şəhidlik zirvəsinə ucalıb.