Ceyhun Osmanlı

Ceyhun Yunis oğlu Osmanlı (30 yanvar 1982, Bakı) — ictimai-siyasi xadim, tədqiqatçı və analitik, Azərbaycan Respublikası Milli Məclisinin IV çağırış deputatı, "İrəli" İctimai Birliyinin təsisçisi və ilk sədri (2008–2012), Azərbaycan Yaşıllar Hərəkatınının sədri, TLM – Təşəbbüslər və Layihələr Mərkəzinin təsisçisi və direktoru.

Ceyhun Osmanlı
Azərbaycan Respublikasının Milli Məclisinin IV çağırış deputatı
7 noyabr 2010 – 1 noyabr 2015
Seçki dairəsi	2010 — 63 saylı Sabirabad birinci
Əvvəlki	Pənah Hüseyn
Sonrakı	Elçin Quliyev
"İrəli" İctimai Birliyinin sədri
24 dekabr 2008 – 5 may 2012
Əvvəlki	Vəzifə təsis edildi.
Sonrakı	Rauf Mərdiyev
Şəxsi məlumatlar
Doğum tarixi	30 yanvar 1982(1982-01-30) (42 yaş)
Doğum yeri	Bakı, Azərbaycan SSR, SSRİ
Təhsili	Bakı Dövlət Universiteti (1999–2005), Azərbaycan Dövlət İqtisad Universiteti (2006–2015)
Fəaliyyəti	ictimai xadim, tədqiqatçı, analitik[d]
Elmi fəaliyyəti
Elmi dərəcəsi	iqtisad üzrə fəlsəfə doktoru[d]
Elmi adı	dosent
ceyhunosmanli.az

Həyatı

Ceyhun Osmanlı 30 yanvar 1982-ci ildə Bakı şəhərində anadan olmuşdur. 1989–1999-cu illərdə Bakıda orta təhsil almış, 1999-cu ildə Bakı Dövlət Universitetinə daxil olmuşdur. 2003-cü ildə politologiya ixtisası üzrə bakalavr pilləsini, 2005-ci ildə həmin ixtisas üzrə magistr pilləsini fərqlənmə diplomu ilə bitirmişdir.

Ceyhun Osmanlı 2006-cı ildə Azərbaycan Dövlət İqtisad Universitetinin aspirantura pilləsinə daxil olmuş və 2015-ci ildə iqtisadiyyat üzrə fəlsəfə doktoru elmi dərəcəsini almışdır. Dosentdir.

2007-ci ildə Varşava Universiteti və Polşa Təhlükəsizlik Akademiyası tərəfindən təşkil edilən "SENSE" proqramının, 2008-ci ildə Harvard Universitetinin "Liderlər inkişafda" proqramının, 2018-ci ildə İsveçin KTH Kral Texnologiya İnstitutunun "Milli və institutsional səviyyədə keyfiyyətin təminatı" proqramının, Litvanın EKT – İqtisadi Konsaltinq və Tədqiqat Mərkəzinin "Ali təhsil müəssisələrində keyfiyyətin təminatı sisteminin inkişafı" proqramının, 2019-cu ildə Böyük Britaniyanın "EduCare Learning Ltd."-nin "Gənclərin qorunması" proqramının, Böyük Britaniyanın Midlseks Universitetinin "Keyfiyyətin təminatı sistemlərinin yaradılması və inkişafı" proqramının iştirakçısı olmuşdur. 2019-cu ildə İsveçrənin Montrö Biznes Məktəbinin fəxri professoru adına layiq görülmüşdür. 2012-ci ilin aprel ayından Texasın fəxri vətəndaşıdır.

Azərbaycan, rus, ingilis və türk dillərini bilir. Üç övladı var.

İctimai fəaliyyəti

Universitet illərindən ictimai fəaliyyətə başlayan Ceyhun Osmanlı 1999-cu ildə "Azərbaycan Könüllüləri" İctimai Birliyini təsis etmişdir. 2000-ci ilin sentyabr ayından 2006-cı ilin iyun ayınadək həmin ictimai birliyin prezidenti olmuşdur. "Azərbaycan Könüllüləri" İctimai Birliyi 2005-ci ildə Avropa Şurasının Baş katibi Terri Devis tərəfindən Avropada ən yaxşı birliklərdən biri kimi xüsusi sertifikata layiq görülmüşdür.

Ceyhun Osmanlı 2002-ci ilin noyabr ayında Avropa Şurası Gənclər Məsələləri üzrə Məsləhət Şurası və Proqram Komitəsinin üzvlüyünə seçilmiş və 2005-ci noyabrınadək mərkəzi Strasburqda yerləşən bu qurumda fəaliyyət göstərmişdir. Bu illər ərzində Ceyhun Osmanlı Avropa Gənclər Fondunun qərarlarının qəbulunda iştirak etmiş, müxtəlif ölkələrdə qurumun fəaliyyətilə bağlı mühazirələrlə çıxış etmişdir.

2004–2006-cı illərdə Azərbaycan Respublikası Gənclər Təşkilatlarının Milli Şurasının baş katibi, 2006–2009-cu illərdə isə Qafqazda ilk Gənclər Parlamenti olan Azərbaycan Gənclər Parlamentinin sədri olmuşdur.

Ceyhun Osmanlı 2005-ci ildə "İrəli" gənclər hərəkatının həmtəsisçilərindən biri olmuşdur. 2008-ci ildə bu hərəkat ictimai birliyə çevrildikdə onun sədri seçilmiş və 2012-ci ilin may ayınadək bu ictimai birliyə rəhbərlik etmişdir.

2008-ci ildə Azərbaycan Respublikasında keçirilən Prezident seçkilərində Prezidentliyə namizədliyi irəli sürülmüş İlham Əliyevin vəkili olmuşdur. 2009-cu ildə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasına üzv seçilmişdir.

2010-cu ildə 63 saylı Sabirabad birinci seçki dairəsindən dördüncü çağırış Azərbaycan Respublikası Milli Məclisinin deputatı seçilmişdir. Parlamentin Beynəlxalq münasibətlər və parlamentlərarası əlaqələr komitəsinin, eləcə də Estoniya, İordaniya, Latviya, Meksika parlamentləri ilə əlaqələr üzrə işçi qruplarının üzvü olmuşdur.

Ceyhun Osmanlı 2010–2015-ci illərdə "Euronest" Parlament Assambleyasının Azərbaycan nümayəndə heyətinin üzvü olmuşdur. Dünya Bankı və Beynəlxalq Valyuta Fondunun Parlament Şəbəkəsinin İdarə Heyətinin üzvü seçilmişdir.

Ceyhun Osmanlı 2017–2019-cu illərdə Odlar Yurdu Universitetinin prorektoru, 2018–2019-cu illərdə isə "Azərbaycan universitetlərində keyfiyyətin təminatı mərkəzlərinin yaradılması" layihəsinin iştirakçısı və "British School in Baku"-nun idarə heyətinin üzvü olmuşdur. 2019-cu ilin dekabr ayında Azərbaycan Yaşıllar Hərəkatını (Azerbaijan Green Movement) təsis etmişdir. TLM – Təşəbbüslər və Layihələr Mərkəzinin təsisçisi və direktorudur.

Xarici keçidlər

• Dr. Ceyhun Osmanli. "Snap parliamentary elections could kick-start a new democratic era in Azerbaijan". Euronews (ingilis). 2019-12-10. 2023-02-13 tarixində arxivləşdirilib. İstifadə tarixi: 2023-02-13.
• Ceyhun Osmanli. "Azerbaijan's sporting model". Al Jazeera (ingilis). 2015-07-06. 2023-02-13 tarixində arxivləşdirilib. İstifadə tarixi: 2023-02-13.
• Dr. Ceyhun Osmanli. "Remapping the EU's energy partners to ensure energy security & diversification". EU Today (ingilis). 2023-03-16. 2023-03-26 tarixində arxivləşdirilib. İstifadə tarixi: 2023-03-16.
• Dr. Ceyhun Osmanli. "Father's Will: Resolution of the Karabakh conflict as a Policy Priority of National Leader Heydar Aliyev". EU Today (ingilis). 2022-05-13. 2023-02-13 tarixində arxivləşdirilib. İstifadə tarixi: 2023-02-13.
• Ceyhun Osmanli. "Azerbaijan was effective in countering radicalisation". Euractiv (ingilis). 2015-07-27. 2023-02-13 tarixində arxivləşdirilib. İstifadə tarixi: 2023-02-13.
• Dr. Ceyhun Osmanli. "Azerbaijan: Snap elections are coming – and a new generation of politicians". Euractiv (ingilis). 2019-12-04. 2023-02-13 tarixində arxivləşdirilib. İstifadə tarixi: 2023-02-13.
• "Azerbaijan was effective in countering radicalisation". EU Reporter (ingilis). 2021-12-23. 2023-02-13 tarixində arxivləşdirilib. İstifadə tarixi: 2023-02-13.
• "Dr.Ceyhun Osmanli, Author at Modern Diplomacy". Modern Diplomacy (ingilis). 2023-02-13 tarixində arxivləşdirilib. İstifadə tarixi: 2023-02-13.
• Ceyhun Osmanli. "Azerbaijan holds the key to stopping ISIS". European Business Review (ingilis). 2023-02-13 tarixində arxivləşdirilib. İstifadə tarixi: 2015-08-27.
• Dr. Ceyhun Osmanli. "Nancy Pelosi's visit to Armenia". Pakistan Observer (ingilis). 2023-02-13 tarixində arxivləşdirilib. İstifadə tarixi: 2022-09-23.
• Ceyhun Osmanlı. "Azerbaycan: Avrupa ile Asya arasında yeni bir Enerji ve Ulaşım Merkezi". Euronews (türk). 2021-12-23. 2023-02-13 tarixində arxivləşdirilib. İstifadə tarixi: 2023-02-13.
• Selçuk Eren. "Kardeş ülke 21 yaşında". Sabah (türk). 2012-10-18. 2023-02-13 tarixində arxivləşdirilib. İstifadə tarixi: 2023-02-13.
• "The agreement was reached to stop the Azerbaijan's Anti-Terror Operation in Karabakh: quo vadis?". Modern Diplomacy (ingilis). 2023-09-21. 2023-09-27 tarixində arxivləşdirilib. İstifadə tarixi: 2023-09-27.
• "Modern Diplomacy опубликовал статью Джейхуна Османлы об антитеррористических мероприятиях Азербайджана". haqqin.az (rus). 2023-09-21. 2023-09-27 tarixində arxivləşdirilib. İstifadə tarixi: 2023-09-27.
• "Azərbaycanın Qarabağdakı antiterror tədbirlərinin səbəb və nəticələri - TƏHLİL". oxu.az (az.). 2023-09-21. 2023-09-27 tarixində arxivləşdirilib. İstifadə tarixi: 2023-09-27.
• "Ceyhun Osmanlının "Modern Diplomacy"də məqaləsi yayımlandı: "Azərbaycanın yeni hədəfləri"". oxu.az (az.). 2023-03-04.
• ""İlin gənci" sorğusu başa çatdı". 2009-12-09. 2009-12-09 tarixində orijinalından arxivləşdirilib.