Elçin Quliyev (siyasətçi)

Eyni ad-soyadlı hərbçi üçün baxın: Elçin Quliyev (hərbçi).

Elçin Quliyev (12 sentyabr 1960, Sabirabad rayonu) — Azərbaycan Respublikası Milli Məclisinin V çağırış deputatı, Yeni Azərbaycan Partiyası Nərimanov rayon təşkilatının sədri

Elçin Quliyev
Yeni Azərbaycan Partiyası Nərimanov rayon təşkilatının sədri
Vəzifədədir
1 noyabr 2024-cü ildən
Azərbaycan Respublikası Milli Məclisinin V çağırış deputatı
2015 – 2019
Seçki dairəsi	2015 — 63 saylı Sabirabad şəhər birinci seçki dairəsi
Əvvəlki	Ceyhun Osmanlı
Sonrakı	Kamal Cəfərov
Azərbaycan Respublikasının Milli Depozit Mərkəzinin İdarə heyətinin sədr müavini
2022 – 2023
Şəxsi məlumatlar
Doğum tarixi	12 sentyabr 1960
Doğum yeri	Sabirabad, Azərbaycan SSR
Vətəndaşlığı	Azərbaycan
Partiya	Yeni Azərbaycan Partiyası
Təhsili	Azərbaycan Dövlət İqtisad Universiteti (UNEC)
Fəaliyyəti	siyasətçi
Təltifləri

Həyatı

Sabirabad şəhərində anadan olub. 1977-ci ildə Sabirabad şəhəri, S. Vurğun adına 3 saylı şəhər orta məktəbini bitirib. 1977-1981-ci illərdə Azərbaycan Xalq Təsərrüfatı İnstitutunun (Azərbaycan Dövlət İqtisad Universiteti-UNEC) maliyyə-kredit ixtisası üzrə təhsil alıb.

1981-ci ildə SSRİ Dövlət Bankının Sabirabad filialında iqtisadçı kimi fəaliyyət göstərib.

1981-1983-cü illərdə Hərbi xidmətini başa vurub.

1984-1990-cı illərdə SSRİ Dövlət Bankının Sabirabad filialında mühasib, böyük iqtisadçı, 1-ci dərəcəli iqtisadçı, 1991-1998-ci illərdə Səhmdar Kommersiya Aqrar Sənaye Bankının kredit şöbəsində aparıcı iqtisadçı və baş iqtisadçı vəzifələrində çalışıb.

Ailəlidir, 2 övladı var.

İctimai-siyasi fəaliyyəti

1998-1999-cu illərdə İlkin qeyri-bank kredit birliyində İdarə heyətinin sədri vəzifəsində çalışıb.

1999-2000-ci illərdə Azərbaycan Respublikası Baş Dövlət Vergi Müfəttişliyinin Sabirabad rayonu üzrə Vergi Müfəttişliyinin rəisi vəzifəsində çalışıb.

2000-2001-ci illərdə Azərbaycan Respublikası Vergilər Nazirliyinin Sabirabad rayonu üzrə Dövlət Vergilər Şöbəsinin rəisi vəzifəsində çalışıb.

2001-2002-ci illərdə Azərbaycan Respublikası Vergilər Nazirliyinin 2 saylı Ərazi Vergilər İdarəsinin rəis müavini və rəisi vəzifələrində çalışıb.

2002-2006--cı illərdə Azərbaycan Respublikası Vergilər Nazirliyinin 5 saylı Ərazi Vergilər İdarəsinin rəis müavini vəzifəsində çalışıb.

2006-2007-ci illərdə Azərbaycan Respublikası Standartlaşdırma, Metrologiya və Patent üzrə Dövlət Agentliyinin 7 saylı Ərazi İdarəsinin rəisi vəzifəsində çalışıb.

2007-2010-cu illərdə Azərbaycan Respublikası Standartlaşdırma, Metrologiya və Patent üzrə Dövlət Komitəsinin Aparatında şöbə rəisi vəzifəsində çalışıb.

2010-2015-ci illərdə Azərbaycan Respublikası Metrologiya və Patent üzrə Dövlət Komitəsinin Aparat rəhbərinin müavini və aparat rəhbəri vəzifələrində çalışıb.

2015-2019-cu illərdə Azərbaycan Respublikasının Milli Məclisinə keçirilmiş seçkilərdə 63 saylı Sabirabad şəhər birinci seçki dairəsindən V çağırış Milli Məclisin deputatı seçilib.

2022-2023-cü illərdə Azərbaycan Respublikasının Milli Depozit Mərkəzinin İdarə heyətinin sədr müavini vəzifəsində çalışıb.

Dövlət qulluğunun baş müşaviridir.

Yeni Azərbaycan Partiyasının üzvüdür.

Mükafatları

Azərbaycan Xalq Cümhuriyyətinin "100 illik" medalı və Azərbaycan Respublikasının Milli Məclisinin "Parlament" medalı ilə təltif olunub.