Ehud Barak

Ehud Barak (12 fevral 1942^[…]) — İsrailin Müdafiə naziri. 2008-ci il dekabr ayının 27-də HƏMAS hərəkatının nəzarət etdiyi Qəzzə zolağında İsrail ordusunun keçirdiyi hərbi əməliyyatlara rəhbərlik edir.

Ehud Barak
ivr. ‏אהוד ברק‏‎
İsrailin Baş naziri
6 iyul 1999 – 7 mart 2001
Əvvəlki	Benyamin Netanyahu
Sonrakı	Ariel Şaron
İsrail Silahlı Qüvvələrinin Baş Qərargah rəisi[d]
1 aprel 1991 – 1 yanvar 1995
İsrailin xarici işlər naziri[d]
22 noyabr 1995 – 18 iyun 1996
Əvvəlki	Şimon Peres
İsrailin müdafiə naziri[d]
6 iyul 1999 – 7 mart 2001
İsrailin müdafiə naziri[d]
18 iyun 2007 – 18 mart 2013
Əvvəlki	Əmir Peretz
Sonrakı	Moşe Yalon
İsrailin kənd təsərrüfatı və kənd inkişafı naziri[d]
24 iyun 2000 – 7 mart 2001
Knesset üzvü[d]
17 iyun 1996 – 7 iyun 1999
Knesset üzvü[d]
7 iyun 1999 – 9 mart 2001
Knesset üzvü[d]
24 fevral 2009 – 17 yanvar 2011
Knesset üzvü[d]
17 yanvar 2011 – 5 fevral 2013
Şəxsi məlumatlar
Doğum adı	אהוד ברוג
Doğum tarixi	12 fevral 1942(1942-02-12)[…] (82 yaş)
Təhsili	Stenford Universiteti, Yerusəlim Yəhudi Universiteti
Fəaliyyəti	siyasətçi, diplomat, zabit
Hərbi xidmət
Qoşun növü	İsrail Silahlı Qüvvələri
Döyüşlər	Altıgünlük müharibə, Zəiflətmə müharibəsi, Yom Kippur müharibəsi, Livan müharibəsi (1982)[d]
Rütbəsi	general-leytenant
Vikianbarda əlaqəli mediafayllar

Həyatı

Ehud Barak (Bruq) 1942-ci il fevral ayının 12-də Fələstin mandatlığındakı Mişmar Haşaronda anadan olub.

Atası İsrael Litvanın Panevejis şəhərindəndir. Anası Ester isə Polşanın paytaxtı Varşavadandır.

1959-cu ildə sıravi desant kimi İsrail ordusunun sıralarına qoşulan Ehud həmin il soyadı Bruqu Barak kimi dəyişir. 1964-cü ildə Fransada xüsusi təyinatlılar komandiri kursunu bitirdikdən sonra İsrailin və ABŞ-nin hərbi akademiyalarında təhsilini davam etdirir. 1967 və 1973-cü il müharibələrində, habelə Livana qarşı hərbi əməliyyatlarda iştirak edir.

Ehud 1968-ci ildə Qüdsdəki Hibryu Universitetinin Fizika və Riyaziyyat fakültəsindən məzun olur. 1978-ci ildə isə Kaliforniyanın Stanford Universitetində mühəndis iqtisadiyyatı ixtisası üzrə magistratura pilləsi üzrə təhsilini başa vurur. Ehud 1979-cu ildə 37 yaşında ikən briqada generalı rütbəsinə yüksəlir.

1973-cü ildə Beyrutda Fələstin Azadlıq təşkilatının (FAT) üç liderinin aradan qaldırılması aktını təşkil edir. 1982-ci ildə isə İsrail ordusunun Baş Qərargahın Planlaşdırma İdarəsinin sədri vəzifəsini icra edən Barak 1987-ci ildə həmin qərargahın rəis müavini təyin olunur. Orduda xidmət edərkən gələcək həyat yoldaşı Naava ilə tanış olur. Ehudun Naava ilə izdivacından üç qızı dünyaya gəlir. 2003-cü ilin avqustunda isə cütlük boşanır. Bundan bir müddət sonra Ehud Barak Nili Priel ilə ailə həyatı qurur.

1991-ci ildə İsrail ordusunun Baş Qərargah rəisi vəzifəsinə təyin olunan E. Barak bu postda 1995-ci ilə qədər qala bilir. Baş Qərargah rəisi vəzifəsinə təyin olunan Barak elə həmin il general-leytenant rütbəsinə də yüksəldilir.

Siyasi fəaliyyəti

Ordu sıralarından tərxis olunduqdan sonra siyasi karyerasını qurmağa başlayan Ehud 1995-ci ilin iyulunda İsaak Rabinin hökumətində Daxili İşlər naziri vəzifəsini, 1995–96-cı illərdə isə Xarici İşlər naziri vəzifəsini icra edir. Ehud Barak 1996-cı ildə Avod partiyasından İsrail parlamenti Knessetə üzv seçilir. Ehud Knessetin Xarici İşlər və Müdafiə Komitəsinin üzvü kimi fəaliyyətini davam etdirir.

1999-cu ilin may ayını 17-də keçirilən parlament seçkilərində əsas rəqibi Benyamin Netenyahunu məğlub edərək, ölkənin Baş naziri olur. Ancaq qısa müddət sonra başlanan II Fələstin İntifadası onun siyasi islahatlar keçirmək istəyini puç edir. Bu ərəfədə Kemp-Deviddə Yasir Ərəfatla İsrail-Fələstin münaqişəsinin həlli ilə bağlı aparılan müzakirələrdə iştirak edir.

1997–2001-ci illəri arasında və 2007-ci ildən etibarən Avod (Əmək) partiyasına liderlik edir. 1999-cu ildə İsrailin 10-cu Baş naziri olan Ehud bu vəzifəni ancaq 2001-ci ilə qədər icra edə bilir. 2001-ci ildə keçirilən növbədənkənar seçkilərdə Likud partiyasının lideri Ariel Şarona məğlub olan Barak biznes karyerasını qurmaq üçün ölkə xaricinə üz tutur. E. Barak ABŞ-nin Elektron Tarix Sistemləri şirkətində məsləhətçi işləyir. O, bununla yanaşı, təhlükəsizlik işləri ilə məşğul olan şirkətlərdən biri ilə də əməkdaşlıq edir. Digər tərəfdən, Ehud Barak ABŞ kolleclərində tələbələrə Yaxın Şərq münaqişəsi ilə bağlı mühazirələr oxuyur.

2005-ci ildə siyasətə geri qayıtdığını elan edən E. Barak noyabr ayında Avod partiyasına liderlik uğrunda mübarizəyə qoşulsa da müvəffəqiyyətsizliyə uğrayır.

2007-ci ildə Avod partiyasının seçkilərdə qələbə qazanmasından sonra siyasi arenaya geri dönür. Həmin ilin iyul ayının 18-də isə Müdafiə naziri vəzifəsinə təyin olunur.