Elçin Hüseynov (müğənni)
Elçin Əlipənah oğlu Hüseynov (19 dekabr 1976, Hacıismayıllı, Cəlilabad rayonu) — Azərbaycanın estrada müğənnisi.[1][2][3][4]
| Elçin Hüseynov | |
|---|---|
| azərb. Elçin Əlipənah oğlu Hüseynov | |
| Ümumi məlumatlar | |
| Doğum tarixi | 19 dekabr 1976 (47 yaş) |
| Doğum yeri | |
| Vətəndaşlığı | |
| Milliyyəti | Azərbaycan |
| Atası | Əlipənah Hüseynov |
| Anası | Raya Hüseynova |
| Musiqiçi məlumatları | |
| Fəaliyyəti | müğənni |
| Fəaliyyət illəri | 1992 — h. h. |
| Janrlar | estrada, muğam, xalq musiqisi, klassik, pop |
| Əlaqələri | Sevda Yahyayeva, Cengiz Kurtoğlu |
| Təhsili | |
Həyatı redaktə
Hüseynov Elçin Əlipənah oğlu[5], 1976-cı il dekabr ayının 19-da Cəlilabad rayonunun Hacıismayillı kəndində ziyalı ailəsində anadan olmuşdur. 1982 ci ildə Haciismayilli kend orta məktəbin 1-ci sinifinə getmiş, 1992–1993-cü tədris ilində Cəlilabad rayon Hacıismayıllı kənd orta məktəbini və eyni zamanda paralel olaraq, musiqi məktəbini əla və yaxşı qiymətlərlə bitirmişdir.
1993–1996-cı illər ərzində Cəlilabad rayon mədəniyyət mərkəzində müğənni kimi fəaliyyət göstərmiş, demək olar ki, rayon üzrə keçirilən bütün dövlət tədbirlərində bir qayda olaraq yaxından iştirak etmişdir. Qabaqcıl fəaliyyətlərinə görə dəfələrlə Rayon İcra Hakimiyyəti başçısı, Rayon Təhsil və Mədəniyyət şöbələrinin fəxri fərmanları ilə təltif olunmuşdur.
1997–2002-ci illərdə Azərbaycan Dövlət Mədəniyyət və İncəsənət Universitetinin kulturalogiya fakültəsinin mədəniyyətşünaslıq ixtisasını bitirmişdir.
Azərbaycanın əməkdar artisti Sabir Mirzəyevdən üç il muğam, Bakı Musiqi Akademiyasında isə klassik estrada müğənnisi Teymur Əmrahdan iki il vokal dərsləri almışdır.
Şəxsi həyatı redaktə
2008-ci il may ayının 24-də ailə həyatı qurmuşdur — Raya, Röya, Pənah və Əli adlı 4 övladı var.[6]
Karyerası redaktə
25–26 ildir ki, fasiləsiz olaraq müğənni kimi fəaliyyət göstərən sənətçi rəhbərlik etdiyi "NİEL" orkestrın üzvləri ilə birlikdə Respublikamızda keçirilən dövlət tədbirlərində, üzvü olduğu Yeni Azərbaycan Partiyasının təşkil etdiyi konsertlərdə, rayonlarda, kəndlərdə, hərbi hissələrin əsgərləri qarşısında, qocalar evində, kimsəsiz uşaqlar evində, Bakı şəhəri və eyni zamanda Azərbaycanın sərhədlərindən uzaqlarda: Türkiyədə, Rusiyada, İran İslam Respublikasında[7], Ukraynada, Almaniyada və s. müxtəlif illərdə keçirilən konsertlərdə Azərbaycan mədəniyətini layiqincə təmsil etmiş və sənətinin yaradıcılıq gücündən peşəkarlıqla bəhrələnməyə səy göstərmişdir.[8]
1997–1998-ci illərdən etibarən efirlərdə olan sənətçi özünəməxsus ifaları ilə hər zaman Azərbaycan xalqının sevgisini və rəğbətini qazanmışdır. Azərbaycan Respublikasının Televiziya fondunda bir neçə solo konsertləri, Radio fondunda isə sənətçinin ifasında bir çox bəstəkar mahnıları, xalq mahnıları, təsnif və muğamlarından ibarət lent yazıları saxlanılır. Bu təbii ki, müğənnini bir el müğənnisi kimi çox sevindirmişdir.
Mahnı yaradıcılığı ilə daima məşğuldur, artıq 10 diskin, 20-dən cox ekran işinin müəllifi olmuşdur.
Diskoqrafiyası redaktə
Sinqlları redaktə
- Ana
- Həyatım
- Ay qız
- Baba
- Səndən başqa
- Düşdüm yollara
- Birdə gəlmə
- Niyə itirdin
- İki gözəl
- Öyrətdim
- İki ürək
- Yalanın adı
- Bu gün bizim
- Gözüm üstə
- Sevgi sevən
- Yol polisləri
- Badə
- Abi
- Zacepila
- Bomba
- Mənim olmalısan
- Soyadım
- Zalım həyat[9]
- Kim məni evləndirər
- Evlənmirəm
- Popuri
- Halay Türk
- Sarışınım
- Sən ağlama
- Qara zülfün darayım
- Ayrılıktan vaz geçelim biz (ft. Sevda Yahyayeva)
- Dağlara gedək
- Ey vətən
- Onlarda biri sənsən
- Məhəbbət
- Gozüm yoldadır
- Sevəndə ürək
- Güldür məni
- Cavanlıq
- Sevgi sevən[10]
- Yox bilən
- Şəkərim mənim
- Yox bilən
- Parə-Parə
Albomları redaktə
- 2000-ci il "Anama qurban"
- 2001-ci il "Hansını sevim görən"
- 2003-cü il "Ay qız sən oyna"
- 2004-cü il "Baba"
- 2005-ci il "Bir kimsəm də yox"
- 2007-ci il "İki ürək"
- 2011-ci il "Öyrətdim"
- 2013-cü il "Yalanın adı"
- 2016-cı il "Sən ağlama"
- 2019-cu il "Abi
Konsertləri redaktə
- 2002-ci ildə "Şəhriyar" adına mədəniyyət mərkəzində ilk solo konsert
- 2004-cü ildə məşhur türk müğənnisi Çengiz Kurtoğlu ilə birlikdə möhtəşəm məkanların birin də "İki dövlət bir millət" adlı konsert
- 2006-cı ildə "NİEL" məkanda solo konsert
- 2008-ci ildə türk müğənnisi Çingiz Kurtoğlu ilə birlikdə növbəti dəfə "Son gecə" adlı solo konsert
- 2010–2015-ci illər bir neçə rayonlarda, Milli Məclisə keçirilən seçkilər ilə bağlı silsilə şəkildə solo konsertlər
- 2017-ci il 19 Sentyabr da İran İslam Respublikasının paytaxtı Tehran şəhərində, "Vizarəti Kişvər" sarayında "NİEL" orkestrı ilə birlikdə konsert
- 2018-ci ildə də bir daha eyni məkanda, "Vizarəti Kişvər" sarayında "NİEL" orkestrı ilə birlikdə konsert
İstinadlar redaktə
- ↑ "- Elchin to Perform With 3 Azeri Singers". 2020-08-06 tarixində arxivləşdirilib. İstifadə tarixi: 2021-02-19.
- ↑ "- Elçin 1 aya 12 kiloqram arıqlayıb — Fotolar". 2023-07-08 tarixində arxivləşdirilib. İstifadə tarixi: 2021-02-19.
- ↑ "- Elçin oğlu ilə — Fotolar". 2023-07-08 tarixində arxivləşdirilib. İstifadə tarixi: 2021-02-19.
- ↑ "- "… müğənni qızla ailə qurmaq olmaz" — Elçindən qalmaqallı açıqlama". 2023-07-08 tarixində arxivləşdirilib. İstifadə tarixi: 2021-02-19.
- ↑ "- Koronavirusa yoluxub 16 kiloqram kökəldi". 2023-07-08 tarixində arxivləşdirilib. İstifadə tarixi: 2021-02-19.
- ↑ "- 4 uşaq atası olan Elçin övladları ilə — FOTO". 2021-11-14 tarixində arxivləşdirilib. İstifadə tarixi: 2021-02-19.
- ↑ "- Azərbaycanlı müğənnilər İranda konsert verəcək — fotolar". 2023-07-08 tarixində arxivləşdirilib. İstifadə tarixi: 2021-02-19.
- ↑ "- Müğənnilərimiz İranda konsert verdilər — fotolar+video". 2020-07-26 tarixində arxivləşdirilib. İstifadə tarixi: 2021-02-19.
- ↑ "- Elçinin "Zalım həyat"ı". 2023-07-08 tarixində arxivləşdirilib. İstifadə tarixi: 2021-02-19.
- ↑ "- Elçindən yeni mahnı: "Sevgi sevən"". 2023-07-08 tarixində arxivləşdirilib. İstifadə tarixi: 2021-02-19.
Xarici keçidlər redaktə
- Elçin Hüseynov kanalı — YouTube
- Elçin Hüseynov — Instagram səhifəsi
- Elçin Hüseynov — Facebook səhifəsi
