Elçin Həşimov

Azərbaycan tarzəni, Azərbaycan Respublikasının xalq artisti

Elçin Ləzgi oğlu Həşimov (5 sentyabr 1973, Bakı, Azərbaycan SSR) — Azərbaycan tarzəni, Azərbaycan Respublikasının əməkdar artisti (2007), Azərbaycan Respublikasının xalq artisti (2020).

Elçin Həşimov
Elçin Ləzgi oğlu Həşimov
Elchin Hashimov.jpg
Ümumi məlumatlar
Doğum tarixi (48 yaş)
Doğum yeri Bakı, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Musiqiçi məlumatları
Fəaliyyəti musiqiçi
Janr Muğam
Musiqi aləti Tar
Mükafatları "Azərbaycan Respublikasının xalq artisti" fəxri adı — 2020 "Azərbaycan Respublikasının əməkdar artisti" fəxri adı — 2007

Həyat və YaradıcılığıRedaktə

Elçin Həşimov 5 sentyabr 1973-cü ildə Bakıda anadan olub. Əslən Füzuli rayonunun Əhmədbəyli kəndindən olan Elçin Həşimov, Qara Qarayev adına 8 nömrəli musiqi məktəbində ilk musiqi təhsilini alıb. 1988—1992-ci illərdə Asəf Zeynallı adına musiqi texnikomunu fərqlənmə diplomu ilə bitirmişdir. 1992—1997-ci illərdə Bakı Musiqi Akademiyasında “tar” ixtisası üzrə məzun olub, hazırda Azərbaycan Milli Konservatoriyasının dosentidir, eyni zamanda Musiqi Kollecində Tar ixtisası üzrə muğam fənnindən tədris edir.

1999-cu ildən etibarən Azərbaycan Dövlət Akademik Opera və Balet Teatrının orkestr solistidir. Üzeyir Hacıbəyovun "Leyli və Məcnun" milli tamaşasında muğam solo partiyasını ifa edərək İstanbulda, Parisdə UNESCO-nun səhnəsində Qətər Respublikası, İsveçrədə, Tacikistanda və dünyanın digər ölkələrində bu tamaşa ilə çıxış etmişdir.Eyni zamanda Vasif Adıgözəlovun Natavan operasında, Şəfiqə Axundovanın Gəlin Qayası operasında,Tomris baletində,Üzeyr Hacıbəyovun O olmasın bu olsun operettasında ifa etmişdir. Strasburqda Azərbaycanın Avropa Şurasina qəbulu zamanı təmsil etmişdir. 2001-ci ildə Vaşinqtonda “Silkway” festivalında, 2002-cü ildə bütün dünya musiqiçiləri ilə birlikdə “Atlas Ensemble” orkestrində çıxış etmişdir. Səmərqənd beynəlxalq “Şorq Taronoleri” Musiqi Festivalında ikinci yeri qazanmışdır.

2005-ci ildə ilk dəfə keçirilən Televiziya Muğam Müsabiqəsində gənc xanəndələrin aşkar olunmasında xüsusi əmək göstərmişdir.

Xalq Artisti Xanəndə Mənsum İbrahimov və Kamança ifaçısı əməkdar artist Elnur Əhmədov ilə yaratdıqları Qarabağ Muğam qrupu ilə Azərbaycan milli musiqisini dünyanın bir çox ölkələrində tərənnüm etmişdirlər: ABŞ, Türkiyə, İngiltərə, Rusiya, Ukrayna, Belçika, Latviya, Belarusiya, İran, Vyetnam, Misir, Lyuksemburq, Norveç, Çin, Özbəkistan, İtaliya, Braziliya, Efiopiya, Küveyt, İspaniya, Hollandiya, Almaniya, Gürcüstan, Macarıstan, Danimarka, Fransa, İsveçrə və s.

2012-ci ildə Danimarkanın Kopenhagen şəhərində Womex musiqi Festivalında iştirak etmişdilər.

“Qarabağ” Triosu, bir neçə dövrdə milli musiqi və şərq melodiyalarından ibarət üç kompakt disk və xaricdəki konsert proqramları da daxil olmaqla üç DVD disk təqdim etmişdir.

Bununla yanaşı, dünya səviyyəsində möhtəşəm layihələri var. Bunlardan biri professor Siyavuş Kəriminin Cənubi Amerikadan olan musiqiçilərlə birlikdə “Salam Hola” adlı bir layihəsidir.

Digər layihə simfonik muğamdır. İzmirdə, Londonda, Minskdə, Kiyevdə simfonik orkestrlə birlikdə bu üçlüyün ifasında muğam dinlənildi. Drijor Xalq Artisti Professor Yalçın Adıgözəlov ilə birlikdə ifa etmişdilər.

2009-cu ildə Bakıda müğənni Tayyar Bayramovla birlikdə Gran-Pri mükafatını qazanan beynəlxalq bir muğam ifaçısının müsabiqəsi keçirildi.

Heydər Əliyev Fondunun Mükafatçısıdır.

Heydər Əliyev Fondunun dəstəyi ilə gənc xanəndələrin disk toplumunun Dəstgahlar və Ritmik muğamlar formasında hazırlanmasında iştirak etmişdir.

7 əsas muğamın solo variantında ifa etmişdir və qızıl fonda daxil edilmişdir.

2007-ci il 15 may Azərbaycan Respublikasının əməkdar artisti fəxri adına layiq görülmüşdür.

30 aprel 2014-cü ildə, 6 may 2015-ci ildə, 6 may 2016-cı ildə, 1 may 2017-ci ildə və 9 may 2018-ci ildə Prezident Mükafatına layiq görülmüşdür.

2020-ci il 30 dekabr Azərbaycan Respublikasının xalq artisti Fəxri adına layiq görülmüşdür.

FilmoqrafiyaRedaktə

Həmçinin baxRedaktə

İstinadlarRedaktə

Xarici keçidlərRedaktə

  • Elçin Həşimov — Rast muğamı (TAR) [1]
  • Elçin Həşimov — Zabul Segah muğamı (TAR) [2]
  • Mənsum İbrahimov — Şur muğamı (Elçin Həşimov — Tar, Elnur Əhmədov — Kamança) [3]
  • Mənsum İbrahimov, Təyyar Bayramov, Arzu Əliyeva — Qarabağ Şikəstəsi [4]