Elxan Hüseynov (kəşfiyyatçı)

Elxan Hüseynov (tam adı: Elxan Maarif oğlu Hüseynov; 12 mart 2000; Qaradağ rayonu, Azərbaycan13 dekabr 2020; Bakı, Azərbaycan) — Azərbaycan Silahlı Qüvvələrinin kəşfiyatçısı, ölümündən[1] sonra "Vətən uğrunda" medalı ilə təltif edilmiş Vətən müharibəsinin şəhidi [2].

Elxan Hüseynov
Elxan Hüseynov.jpg
Şəxsi məlumatlar
Doğum tarixi
Doğum yeri Qaradağ rayonu, Azərbaycan
Vəfat tarixi (20 yaşında)
Vəfat yeri Bakı, Azərbaycan
Dəfn yeri Biləsuvar rayonu, Azərbaycan
Vətəndaşlığı Azərbaycan Azərbaycan
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 2018 - 2020
Rütbə
Azərbaycan Silahlı Qüvvələrinin Quru Qoşunlarının əsgəri.png Əsgər
Döyüşlər Qarabağ müharibəsi
Vətən müharibəsi
 • Füzuli döyüşləri
 • Cəbrayıl döyüşləri
 • Zəngilan döyüşləri
 • Qubadlı döyüşləri
 • Şuşa döyüşləri
Təltifləri "Vətən uğrunda" medalı — 2020 "Cəbrayılın azad olunmasına görə" medalı — 2020 "Füzulinin azad olunmasına görə" medalı — 2020 "Şuşanın azad olunmasına görə" medalı — 2020

HəyatıRedaktə

Ailəsi Cəbrayıl rayonundan məcburi köçkün olan Elxan Hüseynov 12 mart 2000-ci ildə Qaradağ rayonununda anadan olub. Atası Maarif Hüseynov Cəbrayıl rayonu, Daşkəsən kəndindən, anası Sevil Xəlilova isə Ağdam rayonunun , Yusifcanlı kəndindəndir[3]. Orta məktəbi bitirdikdən snra 2018 -ci ildə həqiqi hərbi xidmətə yollanmışdır. Hərbi xidməti bitirdikdən sonra xüsusi təyinatlılarda MAHHXHQ əsgər kimi hərbi xidmətini davam etdirmişdir.

Hərbi xidmətiRedaktə

Qarabağın azadlığı uğrunda Azərbaycan ordusu sıralarında əməliyyatların ilk günlərindən döyüşlərə qatılan cəsur kəşfiyyatçı Elxan Hüseynov hamımızın mavi ekranlardan dönə-dönə izlədiyimiz Xudafərin körpüsünə üç rəngli bayrağımızı sancıb cənab Ali Baş Komandan İlham Əliyevə məruzə edən qrupun üzvülərindən biri olub, Füzulidən Şuşaya qədər şanlı döyüş yolu keçib, Zəfərə sayılı günlər qala - 6 noyabrda düşmən gülləsinə tuş gələrək yaralanıb. Onu döyüş meydanından təxliyə edən təcili yardım maşını isə minaya düşüb. Yenidən yaralanan Elxanı tapanda onun şəhid olduğunu düşünüblər. İki dəfə əməliyyat olunmasına baxmayaraq, onun həyatını xilas etmək mümkün olmadı, Elxan uzun müddət komada qaldıqdan sonra 13 dekabr şəhidlik zirvəsinə ucaldı[4].

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli sərəncamına əsasən Elxan Hüseynov ölümündən sonra "Vətən uğrunda" medalı ilə təltif edildi.[5].

SitatlarRedaktə

Ağdam rayonu, Yusifcanlı kəndindən məcburi köçkün olan anası Xəlilova Sevil Kərim qızı AZƏRTACa müsahibəsində Elxan Hüseynov haqqında demişdir:

  O, hər zaman deyərdi ki, böyüyüb torpaqlarımızın azad edilməsində iştirak edəcəyəm. Arzusuna da çatdı, Şuşaya qədər bütün döyüşlərdə iştirak etdi. Noyabrın 6-da yaralanan Elxanı hospitala apardılar. Bir neçə gün ərzində ondan xəbər ala bilmədik. Biz onu tapanda xəstəxanada komada idi. Həkim mənə oğlumun adını çağırmağımı dedi. O, komanda olsa belə səsimi eşidəndə əlimi sıxdı və “qardaşın Orxan gəlib” dedim. Onda isə əlini qaldırdı. Elxan 37 gün komada qaldıqdan sonra şəhidlik zirvəsinə ucaldı. Döyüşlər zamanı da imkan tapdıqca bizimlə əlaqə saxlayırdı. Bir dəfə zəng etdi ki, ata-baba yurdumuzu azad etmişik, Xudafərin azaddır, xəbərlərə baxarsınız. Onun ən ülvi arzusu torpaqlarımızın işğaldan azad olunmasını görmək idi. Elxan torpaqlarımızı görməklə yanaşı, bizim də 27 illik həsrətimizə son qoydu və biz doğma yurdumuzun azad edilməsinin sevincini yaşayırıq[6].  

Cəbrayıl rayonu, Daşkəsən kəndindən məcburi köçkün olan atası Maarif Hüseynov AZƏRTACa müsahibəsində Elxan Hüseynov haqqında demişdir:

  “Mənimlə məsləhətləşəndə bu arzusunu söylədi, mən razı olmasam da, təkidlə öz yolunu davam etdirdi. Onun döyüş yolu azad olunan bütün ərazilərimizdən keçib. Çünki onlar xüsusi təyinatlılardır. Onlar qəhrəmancasına döyüşərək torpaqlarımızı azad etdilər. Elxan Şuşa uğrunda əlbəyaxa döyüşlərdə mübarizə aparanlardan biridir. Təkcə Elxan 40-dan çox ermənini əlbəyaxa döyüşdə məhv edib. Noyabrın 6-da düşmən gülləsinə tuş gələrək yaralanıb. Onu döyüş meydanından təxliyə edən təcili yardım maşını isə minaya düşüb. Yenidən yaralanan Elxanı tapanda onun şəhid olduğunu düşünüblər. İki dəfə əməliyyat olunmasına baxmayaraq, onun həyatını xilas etmək mümkün olmadı, Elxan ötən gün şəhidlik zirvəsinə ucaldı[7].  

TəltifləriRedaktə

HaqqındaRedaktə

  • SİZİNLƏ QÜRUR DUYURUQ![12]
  • Günlərlə komada olan kəşfiyyatçı Elxan Hüseynov bu gün şəhadətə yüksəldi[13]
  • 44 günlük Vətən müharibəsində yaralanan Elxan Hüseynov[14]
  • Morqa aparılan əsgərimizin yaşadığı məlum olub.[15]
  • Yaralanan əsgər 2 gün morqda qalıb, yaşadığı məlum olub, xəstəxanaya aparılarkən minaya düşüb - FOTO[16]
  • Morqdan SAĞ ÇIXAN əsgərin ANASI DANIŞDI:[17]

Xarici keçidlərRedaktə

  • Azərbaycan Respublikası Prezidentinin Sərəncamı[18]
  • Azərbaycan Respublikası Prezidentinin Sərəncamı[19]
  • Hərbi qulluqçular “Vətən uğrunda” medalı ilə təltif edilib[20]
  • Elxan Hüseynov Maarif oğlu şəhid[21]
  • Şuşada əlbəyaxa döyüş zamanı 40-dan çox erməni hərbçisini məhv edən şəhidimiz Elxan Hüseynov[22]

İstinadlarRedaktə

  1. "Azərbaycan İkinci Qarabağ Müharibəsində şəhid olmuş 2802 hərbi qulluqçusunun adını açıqlayıb". bbc.com(azərb.)). 21.12.2020. 2020-12-28 tarixində arxivləşdirilib. İstifadə tarixi: 28.12.2020.
  2. "Şuşada əlbəyaxa döyüş zamanı 40-dan çox erməni hərbçisini məhv edən şəhidimiz Elxan Hüseynov - VİDEO". Azertag.az(azərb.)). 14.12.2020. 2020-12-28 tarixində arxivləşdirilib. İstifadə tarixi: 28.12.2020.
  3. "Şuşada əlbəyaxa döyüş zamanı 40-dan çox erməni hərbçisini məhv edən şəhidimiz Elxan Hüseynov - FOTO". News.milli.az(azərb.)). 16.12.2020. 2020-12-28 tarixində arxivləşdirilib. İstifadə tarixi: 28.12.2020.
  4. "Azərbaycanlı əsgər MORQDA DİRİLDİ". İctimaixeber.az(azərb.)). 14.12.2020. 2020-12-28 tarixində arxivləşdirilib. İstifadə tarixi: 28.12.2020.
  5. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". President.az(azərb.)). 15.12.2020. 2020-12-15 tarixində arxivləşdirilib. İstifadə tarixi: 28.12.2020.
  6. "Anası Sevil Xəlilova Elxan Hüseynov haqqında". Azertag.az(azərb.)). 14.12.2020. 2020-12-28 tarixində arxivləşdirilib. İstifadə tarixi: 28.12.2020.
  7. "Atası Maarif Hüseynov Elxan Hüseynov haqqında". Azertag.az(azərb.)). 14.12.2020. 2020-12-28 tarixində arxivləşdirilib. İstifadə tarixi: 28.12.2020.
  8. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". President.az(azərb.)). 15.12.2020. 2020-12-15 tarixində arxivləşdirilib. İstifadə tarixi: 28.12.2020.
  9. "Azərbaycan Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Prezidentinin 24.12.2020-ci il tarixli Sərəncamı". President.az(azərb.)). 24.12.2020. 2020-12-24 tarixində arxivləşdirilib. İstifadə tarixi: 28.12.2020.
  10. "Azərbaycan Silahlı Qüvvələrinin hərbi qulluqçularının "Füzulinin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". President.az(azərb.)). 25.12.2020. 2020-12-25 tarixində arxivləşdirilib. İstifadə tarixi: 28.12.2020.
  11. "Azərbaycan Silahlı Qüvvələrinin hərbi qulluqçularının "Şuşanın azad olunmasına görə" medalı ilə təltif edilməsi haqqında Azərbaycan Prezidentinin 29.12.2020-ci il tarixli Sərəncamı". President.az(azərb.)). 29.12.2020. 2020-12-29 tarixində arxivləşdirilib. İstifadə tarixi: 29.12.2020.
  12. "SİZİNLƏ QÜRUR DUYURUQ!". Cabrail-ih.gov.az(azərb.)). 24.12.2020. 2020-12-28 tarixində arxivləşdirilib. İstifadə tarixi: 28.12.2020.
  13. "Günlərlə komada olan kəşfiyyatçı Elxan Hüseynov bu gün şəhadətə yüksəldi". Agdam.info(azərb.)). 14.12.2020. 2020-12-28 tarixində arxivləşdirilib. İstifadə tarixi: 28.12.2020.
  14. "44 günlük Vətən müharibəsində yaralanan Elxan Hüseynov". Xeberekspress.az(azərb.)). 16.12.2020. 2020-12-28 tarixində arxivləşdirilib. İstifadə tarixi: 28.12.2020.
  15. "Morqa aparılan əsgərimizin yaşadığı məlum olub". Konkret.az(azərb.)). 28.11.2020. 2020-12-28 tarixində arxivləşdirilib. İstifadə tarixi: 28.12.2020.
  16. "Yaralanan əsgər 2 gün morqda qalıb, yaşadığı məlum olub, xəstəxanaya aparılarkən minaya düşüb - FOTO". Pravda.az(azərb.)). 28.11.2020. 2020-12-28 tarixində arxivləşdirilib. İstifadə tarixi: 28.12.2020.
  17. "Morqdan SAĞ ÇIXAN əsgərin ANASI DANIŞDI:". Yenilik.az(azərb.)). 2.12.2020. 2020-12-28 tarixində arxivləşdirilib. İstifadə tarixi: 28.12.2020.
  18. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". Mdu.edu.az(azərb.)). 15.12.2020. 2020-12-15 tarixində arxivləşdirilib. İstifadə tarixi: 28.12.2020.
  19. "Azərbaycan Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Prezidentinin 24.12.2020-ci il tarixli Sərəncamı". Mod.gov.az(azərb.)). 24.12.2020. 2020-12-24 tarixində arxivləşdirilib. İstifadə tarixi: 28.12.2020.
  20. "Hərbi qulluqçular "Vətən uğrunda" medalı ilə təltif edilib". Apa.az(azərb.)). 15.12.2020. 2020-12-28 tarixində arxivləşdirilib. İstifadə tarixi: 28.12.2020.
  21. "Elxan Hüseynov Maarif oğlu şəhid". Youtube.com(azərb.)). 15.12.2020. 2020-12-28 tarixində arxivləşdirilib. İstifadə tarixi: 28.12.2020.
  22. "Şuşada əlbəyaxa döyüş zamanı 40-dan çox erməni hərbçisini məhv edən şəhidimiz Elxan Hüseynov". Youtube.com(azərb.)). 15.12.2020. 2020-12-28 tarixində arxivləşdirilib. İstifadə tarixi: 28.12.2020.