Emin Sadıxov
Bu məqalədə heç bir məlumatın mənbəsi göstərilməmişdir. |
Emin Sadıxov və ya Əmin Sadıqzadə (təxəllüsü: Əmin Sadıq; 1905, Bakı – 1975, Bakı) — şair, jurnalist, tərcüməçi. "Gənc qızıl qələmlər" ədəbi cəmiyyətinin fəal qurucularından biri, "Vətən uğrunda" qəzetinin baş redaktoru olmuşdur.
| Emin Sadıxov | |
|---|---|
 | |
| Doğum tarixi | 1905 |
| Doğum yeri | |
| Vəfat tarixi | 1975 |
| Vəfat yeri | |
| Uşağı | |
| Fəaliyyəti | jurnalist, şair, tərcüməçi |
Həyatı
redaktəEmin Sadıx oğlu Sadıxov 1905-ci ildə Bakı şəhərində anadan olmuşdur. 1936-cı ildə Azərbaycan dilində çap edilən "Kommunist" qəzetinin müxtəlif şöbələrində şöbə müdiri, 1939-cu ildə Azərbaycan Radio Komitəsində baş redaktor vəzifələrində çalışmışdır. Emin Sadıxov 1941-ci ildə Azərbaycan Kommunist Partiyasının mərkəzi komitəsində Təbliğat və təşviqat şöbəsində işləmişdir. 1942-ci ildə Qızıl Ordu sıralarına daxil olaraq, 1945-ci ilin avqust ayına qədər "Vətən uğrunda" diviziya qəzetinin baş redaktoru vəzifəsində (baş leytenant rütbəsində) çalışmış, Qafqaz uğrunda döyüşlərdə fəal iştirak etmişdir.
Emin Sadıxov Böyük Vətən Müharibəsində "Almaniya üzərində qələbə uğrunda" medalı ilə təltif edilmişdir.
Emin Sadıxov müharibədən sonra 1945–1946-cı illərdə Azərbaycan Kommunist Partiyasının orqanı olan "Təbliğatçı" jurnalında məsul katib və redaktor müavini vəzifələrində çalışmışdır. O, 1948-ci ildə AK(b)P Bakı Şəhər Komitəsində sovet mədəni-maarif şöbəsinin müdiri vəzifəsində işləmişdir. Emin Sadıxov 1950–1951-ci illərdə "Kommunist" qəzetinin Xarici xəbərlər şöbəsinin müdiri vəzifəsini icra edilmiş, 1952-ci ildə Azərbaycan Teleqraf Agentliyində Tərcümələr şöbəsinə redaktor vəzifəsinə keçirilmişdir. 1957–1959-cu illərdə yenidən "Kommunist" qəzetinin Xarici xəbərlər şöbəsinin müdiri vəzifəsində işləmişdir.
Emin Sadıxov 1975-ci ildə Bakı şəhərində vəfat etmişdir.
Fəaliyyəti
redaktəEmin Sadıxov ixtisasca jurnalist olsa da, tərcüməçi kimi də fəaliyyət göstərmişdir. Siyasi və elmi ədəbiyyatın tərcüməsi ilə yanaşı, bədii-poetik tərcümələrlə də məşğul olmuşdur. O, 1930-cu ildə nəşr edilmiş "Əməlim və yolum" şeirlər kitabının müəllifidir.
Emin Sadıxov "Gənc qızıl qələmlər" ədəbi cəmiyyətinin fəal qurucularından biri, bu cəmiyyətin fəaliyyəti dövründə onun üzvü olmuşdur.
Görkəmli qazax şairi Cambulun "Batır ötəgən" poemasını Azərbaycan dilinə tərcümə etmiş, Aleksandr Puşkin və Mixail Lermontovdan poetik tərcümələrin müəllifidir.