Ermənistan Konstitusiya Məhkəməsi
Ermənistan Konstitusiya Məhkəməsi (erm. Հայաստանի Հանրապետության սահմանադրական դատարան) — Ermənistanda konstitusiyaya nəzarət üçün ən yüksək hüquqi qurum. 1995-ci ildə yaradılmışdır. İcraedici, qanunverici və digər məhkəmə orqanlarından asılı olmayan bir məhkəmə orqanıdır. Qanunların və digər qanunvericilik aktlarının konstitusiyaya uyğunluğuna nəzarətdən məsuldur. Ermənistan Konstitusiya Məhkəməsinin qanunu həm Ermənistan Konstitusiyasında, həm də Ermənistan qanunveriliciyində müəyyən edilmişdir.
| Ermənistan Konstitusiya Məhkəməsi | |
|---|---|
 Qurumun binası | |
_2018.jpg) | |
| Ümumi məlumatlar | |
| Ölkə |
 Ermənistan |
| Yurisdiksiya | Ermənistan |
| Yaradılma tarixi | 1995-ci il |
| Ştat sayı | 9 üzv (sədr daxil olmaqla) |
| Ünvan | Marşal Baqramyan prospekti 10, İrəvan |
| Rəhbərlik | |
| Rəhbər | yoxdur |
|
|
|
| Rəsmi saytı | concourt.am |
 Vikianbarda əlaqəli mediafayllar | |
Tarixi
redaktə1988-ci ilin dekabrında Sovet İttifaqı Konstitusiyasına edilən dəyişiklik əsasında Konstitusiyaya Nəzarət Komitəsi yaradılmışdır. SSRİ qanunvericiliyi ittifaqın hər bir respublikasında bir Konstitusiyaya Nəzarət Komitəsi yaratmağı nəzərdə tuturdu, lakin bu baş tutmamışdır.[1]
Konstitusiya Məhkəməsi haqqında qanun 20 noyabr 1995-ci ildə Ermənistan Milli Məclisi tərəfindən qəbul edilmiş və 6 dekabr 1995-ci ildə Ermənistan Prezidenti Levon Ter-Petrosyan tərəfindən imzalanmışdır. 5 və 6 fevral 1996-cı ildə Konstitusiya Məhkəməsinin üzvləri təyin olunmuşdur. Məhkəmə 6 fevral 1996-cı ildə işə başlamışdır.[1]
2008-ci ildəki prezident seçkilərindən sonra yaranan böhran və etiraz aksiyaları dalğası zamanı Konstitusiya Məhkəməsi hadisələr ilə bağlı istintaqın aparılması və Robert Köçəryanın həbs edilməsinin qarşısını almışdır.[2]
Məxməri inqilabdan sonra hakimiyyətə gələn Baş nazir Nikol Paşinyan Köçəryana qarşı məhkəmə işi başlatdırmış, lakin Konstitusiya Məhkəməsi yenə də Köçəryanın həbs edilməsinin qarşısını almışdır. Bundan sonra Paşinyan qurumun sədri Hrair Tovmasyana qarşı kampaniya başlatmışdır. O, əvvəlcə Tovmasyanı könüllü istefa verməyə çağırmış, sonradan isə ona qarşı iki cinayət işi açılmışdır. 2019-cu ilin ilin iyununda Ermənistan Milli Məclisinin qəbul etdiyi yeni qanunla Konstitusiya Məhkəməsinin 12 ildən artıq işləmiş 3 hakimi məhkəmədən uzaqlaşdırılmış, Tovmasyan sədrlikdən çıxarılmış, lakin məhkəmədə hakim kimi işində qalmışdır.[2]
İstinadlar
redaktə- ↑ 1 2 Sarkisyan, Luzin. "Understanding Armenia's Constitutional Court". EVN Report (az.). 23 fevral 2020. 2021-11-29 tarixində arxivləşdirilib. İstifadə tarixi: 14 sentyabr 2021.
- ↑ 1 2 Hüseynov, Nurlan. "Ermənistan seçkiləri - Paşinyanın davam edən mübarizəsi". Politicon.co (az.). Topçubaşov Mərkəzi. 24 may 2021. 28 March 2022 tarixində arxivləşdirilib. İstifadə tarixi: 14 sentyabr 2021.
Xarici keçidlər
redaktə
- concourt.am/english/index.htm — Ermənistan Konstitusiya Məhkəməsinin rəsmi saytı