Etibar Məmmədov (siyasətçi)

Azərbaycanlı siyasətçi

Məmmədov Etibar Səlidar oğlu (2 aprel 1955, Bakı) — Azərbaycan Milli İstiqlal Partiyasının qurucusu və ilk sədri, Azərbaycan Respublikası Milli Məclisinin I çağırış deputatı.

Etibar Məmmədov
azərb. Etibar Səlidar oğlu Məmmədov
Etibar Mammadov.jpg
Şəxsi məlumatlar
Partiya
Doğum tarixi 2 aprel 1955(1955-04-02) (66 yaş)
Doğum yeri

HəyatıRedaktə

Etibar Məmmədov 1955-ci il aprel ayının 2-də Bakı şəhərində anadan olmuşdur. 1972-ci ildə ADU-nun Tarix fakültəsinə daxil olur. Universitetdə təhsil alarkən gizli dərnəklərdə fəaliyyət göstərib, Cənubi Azərbaycan məsələsi ilə bağlı universitetin divar qəzeti üçün məqalə yazıb və bu yazıya görə universitetdən xaric edilir. [mənbə göstərin]

Bitirdiyi universitetdə müəllim kimi fəaliyyətə başlayan Etibar Məmmədov 1985-ci ildə "Rus çarizmi və Ali müsəlman silki XIX əsrdə" mövzusunda dissertasiya müdafiə edərək tarix elmləri namizədi dərəcəsi alıb.[mənbə göstərin]

1988-ci ildən AXC-nin Müvəqqəti Təşəbbüs Mərkəzinin yaradılmasında iştirak edib, onun ilk idarə heyətinə üzv seçilib.[mənbə göstərin]

1989-cu ildə tətil hərəkatına başçılıq edib. 1990-cı il yanvar hadisələrindən sonra Moskvada xarici jurnalistlər üçün mətbuat konfransı keçirərkən DTK tərəfindən həbs olunmuş, 9 ay Lefortovo həbsxanasında saxlanılmışdır.[mənbə göstərin] E.Məmmədovun azadlığa buraxılması üçün o dövrdə 1,5 milyon imza toplanmışdır.[mənbə göstərin] 1990-cı ilin dekabrında E.Məmmədov Ali Sovetin deputatı seçilib.

1991-ci ilin oktyabrında AXC-dən ayrılan E.Məmmədov Azərbaycan Milli İstiqlal Partiyasının yaradıldığını elan etmiş, və partiyanın I təsis qurultayında AMİP-in sədri seçilib.

1995–2000-ci illərdə Azərbaycan Respublikası Milli Məclisi I çağırışının üzvü olub.

1995-ci ildə Heydər Əliyevin sədri olduğu Azərbaycan Respublikası Konstitusiya Komissiyasının üzvü olub.[mənbə göstərin] 1998 və 2003-cü illərdə Azərbaycan Respublikası Prezidentliyinə namizəd olub.

İctimai fəaliyyətiRedaktə

Etibar Məmmədov siyasi prosesslərə tələbəlik dövründə qoşulmuşdur. Bakı Dövlət Universitetində təhsil alan E.Məmmədov burada gizli dərnəklərdə fəaliyyət göstərib. O, 1988-ci ildə başlamış xalq hərəkatına qoşulmuş və tanınmış simalarından birinə çevrilmişdir. E.Məmmədov AXC-nin təsis konfransında ilk İdarə Heyətinin üzvü seçilmişdir.

20 yanvar hadisələrində sonra 25 yanvar 1990-cı il tarixdə Etibar Məmmədov həbs olunaraq Lefortovo həbsxanasına aparılmış və 9 ay burada saxlanlılmışdır.[mənbə göstərin] 1–2 noyabr 1990-cı ildə Bakıda, Mərdəkanda Məhkəmə prossesi keçirilir. Etibar Məmmədov Məhkəmə zalından azad olunmuşdur.[mənbə göstərin]

Siyasi FəaliyyətiRedaktə

Etibar Məmmədov həbsdən azad olunduqdan sonra seçkilərdə namizəd olaraq iştirak edərək deputat seçilmişdir. [mənbə göstərin] 1991-ci ildə Azərbaycan Respublikası Parlamentində Demblokun həmsədri olub.[mənbə göstərin] 1991-ci ildə Azərbaycan Respublikasının Prezidenti tərəfindən yaradılmış Dövlət Müdafiə Şurasının üzvü olub.[mənbə göstərin] "Azərbaycanın Dövlət Müstəqilliyi haqqında" Konstitusiya Aktının həmmüəlifidir.[mənbə göstərin] Dövlət müstəqilliyinin tanınması ilə bağlı Türkiyə və Pakistanda olan Azərbaycan nümayəndə heyətinin rəhbəri olub.[mənbə göstərin]

ParlamentdəRedaktə

26 noyabr 1991-ci ildə təşkil edilən Azərbaycan Respublikası Ali Soveti Milli Şurasının tərkibinə daxil edilmişdir.[mənbə göstərin]

E. Məmmədov həmçinin "Azərbaycanın Dövlət Müstəqilliyi haqqında" Konstitusiya Aktının həmməlifidir.[mənbə göstərin]

AMİPRedaktə

3–4 iyul 1992-ci ildə AMİP-in təsis Qurultayı keçirilir və 17 iyul 1992-ci il tarixdə Milli Istiqlal Partiyası Ədliyyə Nazirliyi tərəfindən Azərbaycanda yaranmış ilk siyasi partiya kimi dövlət qeydiyyatından keçir. [mənbə göstərin]

1998,2003-cü illərdə isə Azərbaycan Respublikası Prezidentliyinə namizəd olaraq seçkilərə qatılır.

2004-cü ildə AMİP sədrliyindən istefa verən Etibar Məmmədov partiya Qurultayının qərarı ilə AMİP-in fəxri lideri elan olunub.

AiləsiRedaktə

Etibar Məmmədov 1986-cı ildə ailə həyatı qurmuşdur. İki oğlu, bir qızı var.

Qardaşı Eldar Məmmədov 29 mart 2010-cu ildə vəfat edib.[1]

Oğlu Ayxan Etibaroğlu AMİP Gənclər Təşkilatının sədridir.[2]

İstinadlarRedaktə

  1. "Etibar Məmmədovun qardaşı vəfat edib" (az.). modern.az. 29.03.2010, 15:25. 2016-03-04 tarixində arxivləşdirilib. İstifadə tarixi: 2015-06-03.
  2. "Arxivlənmiş surət". 2021-08-10 tarixində arxivləşdirilib. İstifadə tarixi: 2021-08-10.

Həmçinin baxRedaktə

Xarici keçidlərRedaktə