Fərhad Qaraşov
Bu məqalədəki məlumatların yoxlanıla bilməsi üçün əlavə mənbələrə ehtiyac var. |
Fərhad Qaraşov (tam adı: Fərhad Arif oğlu Qaraşov; 12 dekabr 1986, Bakı) — Azərbaycan biznesmeni, XXI Əsr Beynəlxalq Təhsil və İnnovasiya Mərkəzinin[2] Müşahidə Şurasının sədri,[3] Azərbaycan Nar İstehsalçıları və İxracatçıları Assosiasiyasının və Kiçik və Orta Biznesin İnkişafı Agentliyi yanında İctimai Şuranın sədri,[4][5] iqtisad üzrə fəlsəfə doktoru.[6][7]
| Fərhad Qaraşov | |
|---|---|
 | |
| Doğum tarixi | 12 dekabr 1986 (37 yaş) |
| Doğum yeri | |
| Uşağı | 2 |
| Atası | Arif Qaraşov[d] |
| Anası | Rəmziyyə Qaraşova[d] |
| Təhsili |
|
| Fəaliyyəti | ictimai xadim, iqtisadçı, iş adamı, investor, yaradıcı[d] |
| Elmi dərəcələri | |
| Mükafatları |
 |
| Üzvlüyü | |
 |
|
 Vikianbarda əlaqəli mediafayllar | |
Həyatı
Fərhad Qaraşov 1986-cı il dekabr ayının 12-sində Bakı şəhərində anadan olmuşdur.
1993–2003-cü illərdə Bakı şəhərindəki 248 nömrəli məktəbdə təhsil almışdır. 2003-cü ildə Azərbaycan Dövlət İqtisad Universitetinə daxil olmuşdur. 2003-2007 ci illərdə UNEC-də "Beynəlxalq İqtisadi Münasibətlər" fakultəsinin bakalavr dərəcəsini bitirmişdir. 2007–2010-cu illərdə isə UNEC-də "Beynəlxalq Ticarət" ixtisası üzrə magistr dərəcəsi almışdır.[mənbə göstərin]
2007–2008-ci illərdə Azərbaycan Respublikası Ədliyyə Nazirliyi Penitensiar Xidmətin Mühafizə Alayında hərbi xidmətdə olmuşdur.
2008–2012-ci illərdə Bakı Dövlət Universitetinin hüquq fakültəsini bitirərək ikinci təhsilini almışdır.[mənbə göstərin]
2016–2017-ci illərdə İngiltərədə Anglia Ruskin Universitetinin "Business Administration" ixtisası üzrə MBA dərəcəsi almışdır.[mənbə göstərin]
Ailəlidir. İki övladı var.
Əmək fəaliyyəti
2009-cu ildə Azərbaycan Beynəlxalq Bankının Problemli Kreditlərlə İş Departamentinin baş mütəxəssisi vəzifəsində çalışmışdır.[mənbə göstərin]
2009-2014-cü illər çərçivəsində "Kapital Bank" ASC-nin müxtəlif filiallarında müdir müavini, 2014-2017-ci illər ərzindı isə Nəsimi filialının müdiri vəzifəsində çalışmışdır. Həmçinin 2017-ci ildə "Kapital Bank" ASC-nin Yeni Azərbaycan Partiyasının Gənclər Təşkilatı sədri, daha sonra YAP Nəsimi təşkilatının Gənclər birliyinin sədr müavini seçilmişdir.[mənbə göstərin]
İctimai fəaliyyəti
2017-ci ildə Azərbaycan Nar İstehsalçıları və İxracatçıları Assosiasiyasının İdarə Heyətinin sədri seçilmişdir.
2018-ci ilin iyul ayında "XXI Əsr Beynəlxalq Təhsil və İnnovasiya Mərkəzi"-nin Müşahidə Şurasının və noyabr ayında Azərbaycan Respublikasının Kiçik və Orta Biznesin İnkişafı Agentliyi yanında İctimai Şuranın sədri seçilmişdir.[9]
2018- ci ildə Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının İdarə Heyətinin üzvü seçilmişdir.
2020-ci ildə Azərbaycan Respublikasının Qida Təhlükəsizliyi Agentliyi yanında İctimai Şuranın üzvü seçilmişdir.
Türk Dövlətləri Təşkilatının nəzdində Türk Ticarət və Sənaye Palatalar Birliyinin Audit Komitəsinin üzvü seçilmişdir.
2021-ci ilin avqust ayında İqtisadiyyat Nazirliyi yanında Ictimai Şuraya keçirilən seçkilərdə səs vermə yolu ilə üzvü - katibi seçilmişdir.[10]
Dövlət Statistika Komitəsi yanında Statistik Şuranın üzvü (Azərbaycan Respublikası Nazirlər Kabinetinin 2021-ci il 19 noyabr tarixli 356 nömrəli qərarı ilə təsdiq edilmişdir).[11]
Elmi və yaradıcı fəaliyyəti
2012–2015-ci illərdə Azərbaycan Dövlət Aqrar Universitetində "Aqrar sahədə innovativ və dayanıqlı sahibkarlıq mühitinin formalaşdırılmasının prioritetləri" mövzusunda müdafiə edərək iqtisad üzrə fəlsəfə doktoru elmi dərəcəsi almışdır.[12]
Soyağacı
- Milli qəhrəman Aqil Quliyevin bacısı oğludur.
- Azərbaycan Respublikası Daşınmaz Əmlakın Dövlət Reyestri Xidmətinin sabiq rəhbəri (2005-2009) Arif Qaraşovun oğludur.
Mükafatları
- 2017-ci ildə Azərbaycan Respublikasının İxracın və İnvestisiyaların Təşviqi Fondu tərəfindən sədrlik etdiyi Azərbaycan Nar İstehsalçıları və İxracatçıları Assosiasiyası “İlin ən fəal assosiasiyası” nominasiyasına layiq görülüb.[mənbə göstərin]
- 3 iyun 2019-cu ildə Azərbaycan Respublikasının iqtisadi inkişafına verdikləri töhfəyə və sahibkarlığın genişləndirilməsi ilə bağlı dövlət siyasətinin həyata keçirilməsində səmərəli fəaliyyətlərinə görə Azərbaycan Respublikasının Prezidenti İlham Əliyev tərəfindən təqdim olunan "Tərəqqi" medalına layiq görülüb.[13]
- İSNİ 2019 — Fərhad Qaraşova beynəlxalq səviyyəli sertifikat təqdim olundu.[mənbə göstərin]
İstinadlar
- ↑ 1 2 https://elibrary.ru/item.asp?id=21691437.
- ↑ "xxi əsr Beynəlxalq Təhsil və İnnovasiya Mərkəzi". 21century.edu.az. 2023-11-03 tarixində arxivləşdirilib. İstifadə tarixi: 2023-12-23.
- ↑ "İqtisadi Siyasət, Sənaye və Sahibkarlıq Komitəsinin iclasında". www.meclis.gov.az.
- ↑ ""Azərbaycan Respublikası Kiçik və Orta Müəssisələrə Kömək Mərkəzi İctimai Şurasının sədri"". www.smb.gov.az. 2023-04-01 tarixində arxivləşdirilib. İstifadə tarixi: 2023-12-23.
- ↑ "Əqli Mülkiyyət Agentliyinin İdarə Heyətinin sədri "Yaradıcı sənayelərdə problemlər və biznes imkanları"". copat.gov.az. 2022-06-30 tarixində arxivləşdirilib. İstifadə tarixi: 2023-12-23.
- ↑ "Azərbaycan Nar İstehsalçıları və İxracatçıları Assosiasiyasının növbəti iclası". Azpromo.az. 2023-12-19 tarixində arxivləşdirilib. İstifadə tarixi: 2023-12-23.
- ↑ "Azərbaycan narının brendi yaradılır". www.Azerbaijan-news.az. 2023-07-20 tarixində arxivləşdirilib. İstifadə tarixi: 2022-04-04.
- ↑ "İlham Əliyev XXIV Azərbaycan Beynəlxalq Qida Sənayesi və XII Azərbaycan Beynəlxalq Kənd Təsərrüfatı sərgiləri ilə tanış olub". President.az. 2023-12-23 tarixində arxivləşdirilib. İstifadə tarixi: 2023-12-23.
- ↑ "Kiçik və Orta Biznesin İnkişafı Agentliyi yanında İctimai Şura (FOTO)". Trend.Az. 29 noy 2018. 2018-11-30 tarixində arxivləşdirilib. İstifadə tarixi: 2019-02-26.
- ↑ "İqtisadiyyat Nazirliyi yanında İctimai şura". economy.gov.az. 2021-11-22 tarixində arxivləşdirilib. İstifadə tarixi: 2021-11-22.
- ↑ ""Əli Əsədov" qərar imzaladı". qafqazinfo.az. 19 noy 2021. 2021-11-22 tarixində arxivləşdirilib. İstifadə tarixi: 2021-11-22.
- ↑ "İqtisad üzrə fəlsəfə doktoru elmi dərəcəsi - Dissertasiya". 2019-03-02 tarixində orijinalından arxivləşdirilib. İstifadə tarixi: 2019-03-12.
- ↑ "Azərbaycan Respublikasında sahibkarlıq fəaliyyəti və sahibkarlarla iş sahəsində fərqlənən şəxslərin təltif edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az. 2022-04-04 tarixində arxivləşdirilib. İstifadə tarixi: 2022-04-04.