Faiq Qasımov (polkovnik-leytenant)

polkovnik-leytenant

Faiq Qasımov (tam adı: Faiq Qaçay oğlu Qasımov; 10 fevral 1974; Qubadlı, Azərbaycan27 sentyabr 2020; Füzuli, Azərbaycan) — Azərbaycan Silahlı Qüvvələrinin polkovnik-leytenantı, Vətən müharibəsinin şəhidi, Vətən Müharibəsi Qəhrəmanı.

Faiq Qasımov
Faiq Qasımov (polkovnik-leytenant).jpg
Şəxsi məlumatlar
Ləqəbi Dayı
Doğum tarixi
Doğum yeri Qubadlı, Azərbaycan
Vəfat tarixi (46 yaşında)
Vəfat yeri Füzuli, Azərbaycan
Dəfn yeri II Fəxri Xiyaban
Vətəndaşlığı Azərbaycan Azərbaycan
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 1992—2020
Rütbə
Azərbaycan Silahlı Qüvvələrinin Quru Qoşunlarının polkovnik-leytenantı.png Polkovnik-leytenant
Döyüşlər Qarabağ müharibəsi
Aprel döyüşləri
Vətən müharibəsi
 • Füzuli döyüşləri
Təltifləri Vətən Müharibəsi Qəhrəmanı
"Vətən Müharibəsi Qəhrəmanı" medalı "Azərbaycan Bayrağı" ordeni — 2020 "Vətən uğrunda" medalı — 2020 "Xocavəndin azad olunmasına görə" medalı — 2020 "Füzulinin azad olunmasına görə" medalı — 2020 III dərəcəli medalı "Hərbi xidmətdə fərqlənməyə görə" medalı "Azərbaycan Respublikası Silahlı Qüvvələri Veteranı" medalı I dərəcəli "Qüsursuz xidmətə görə" medalı II dərəcəli "Qüsursuz xidmətə görə" medalı III dərəcəli "Qüsursuz xidmətə görə" medalı "Azərbaycan Respublikası Silahlı Qüvvələrinin 10 illiyi (1991-2001)" yubiley medalı "Azərbaycan Respublikası Silahlı Qüvvələrinin 90 illiyi (1918-2008)" yubiley medalı "Azərbaycan Respublikası Silahlı Qüvvələrinin 95 illiyi (1918-2013)" yubiley medalı "Azərbaycan Ordusunun 100 illiyi (1918-2018)" yubiley medalı

Həyatı və hərbi xidmətiRedaktə

Faiq Qasımov 1974-cü il fevralın 10-da Qubadlı rayonunun Qayalı kəndində anadan olub.[1] 1981-1991-ci illərdə Qayalı kənd orta məktəbində təhsil alıb. Uşaq yaşlarından Əliyar Əliyevin məşqçiliyi altında idmanın güləş növü ilə məşğul olub. Orta məktəbi bitirdikdən sonra hərbi xidmətə yollanan Faiq hərbi xidmət müddətində Qarabağ müharibəsində iştirak etmiş, LaçındaQubadlıda topçu kimi Milli Qəhrəman Əliyar Əliyevin taborunda vuruşmuşdur. O, xidmətinə görə Qarabağ müharibəsi Veteranı adına layiq görülmüşdü. Hərbi xidməti bitirəndən sonra 1993-cü ildə Bakı Ali Birləşmiş Komandanlıq məktəbinə daxil olmuşdur. 1995-ci ildə həmin məktəbi bitirmişdir və həmin il tağım komandiri kimi Naxçıvan Muxtar Respublikasında fəaliyyətinə başlamışdır. 2009-cu ilədək Naxçıvan Muxtar Respublikasında cəbhə bölgəsində müxtəlif vəzifələrdə xidmət etmişdir. 2009-2012-ci ildə Balakəndə xidmətini davam etdirmişdir. Sonra öz istəyi və təkidi ilə Füzuliyə təyinatı verilmiş və burada xidmət etmişdir. Faiq Qasımov 2016-cı ilin aprel ayının 1-dən 5-ə qədər davam edən Dördgünlük müharibədə vuruşmuşdur və bu döyüşdə iştirakına görə Azərbaycan Prezidenti İlham Əliyev tərəfindən "Azərbaycan Bayrağı" ordeni ilə təltif edilmişdir. Faiq Qasımov "Hərbi xidmətdə fərqlənməyə görə", "Qüsursuz xidmətə görə", "Azərbaycan Silahlı Qüvvələri Veteranı", Azərbaycan Silahlı Qüvvələrinin yubiley medalları ilə təltif edilmişdir.

Vətən müharibəsiRedaktə

Polkovnik-leytenant Faiq Qasımov 27 sentyabr 2020-ci ildən başlayan Vətən Müharibəsində iştirak etmiş, səddin yarılması uğrunda gedən döyüşlərdə vuruşmuş və səddi yaran ilk hərbçilərimizdən biri olmuşdur. O, 27 sentyabr 2020-ci ildə Füzulinin azad edilməsi uğrunda gedən döyüşlərdə şəhid olmuşdur. 20 oktyabr 2020-ci ildə II Fəxri Xiyabanda dəfn edilmişdir. Vəsiyyətinə uyğun olaraq, qardaşı şəhid Həsənqulu Qasımovun oxuduğu "Bu Vətəndə bacılar geydilər qara, qaçanlar bilmədi qaçsınlar hara" sözləri ilə başlayan ağısının sədaları altında torpağa tapşırılmışdır.

Azərbaycanın ərazi bütövlüyünün bərpa edilməsində xüsusi xidmətlərinə və işğal olunmuş ərazilərin azad olunması zamanı düşmənin məhv edilməsi üzrə qarşıya qoyulmuş döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Azərbaycan Prezidenti İlham Əliyevin 09.12.2020-ci il tarixli Sərəncamına əsasən Faiq Qasımova ölümündən sonra "Vətən Müharibəsi Qəhrəmanı" adı verildi.[2]

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Faiq Qasımov ölümündən sonra "Vətən uğrunda" medalı ilə təltif edildi.[3]

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Faiq Qasımov ölümündən sonra "Füzulinin azad olunmasına görə" medalı ilə təltif edildi.[4]

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Faiq Qasımov ölümündən sonra "Xocavəndin azad olunmasına görə" medalı ilə təltif edildi.[5]

TəltifləriRedaktə

Xarici keçidlərRedaktə

  1. Qardaşı Birinci, özü İkinci Qarabağ savaşında şəhid oldu
  2. Şəhid qardaşının qisasını Vətən müharibəsində alan qəhrəmanımız
  3. Mayor Faiq Qasımov: 2016-cı ilin aprelində olduğu kimi, yenə də düşmən üzərində zəfər qazanacağıq
  4. Həsən Qorxmazın qardaşı şəhid oldu

İstinadlarRedaktə

  1. "Vətən müharibəsində şəhid olan hərbi qulluqçuların siyahısı" (PDF)(azərb.)). 08.12.2020. 2020-12-08 tarixində arxivləşdirilib (PDF). İstifadə tarixi: 08.12.2020.
  2. "Azərbaycan Silahlı Qüvvələrinin hərbi qulluqçularına "Vətən Müharibəsi Qəhrəmanı" adının verilməsi haqqında Azərbaycan Prezidentinin 09.12.2020-ci il tarixli Sərəncamı"(azərb.)). 09.12.2020. 2020-12-09 tarixində arxivləşdirilib. İstifadə tarixi: 08.12.2020.
  3. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.president.az (Azərbaycan Prezidentinin saytı)(azərb.)). 15.12.2020. 2020-12-15 tarixində arxivləşdirilib. İstifadə tarixi: 15.12.2020.
  4. "Azərbaycan Silahlı Qüvvələrinin hərbi qulluqçularının "Füzulinin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.president.az (Azərbaycan Prezidentinin saytı)(azərb.)). 25.12.2020. 2020-12-25 tarixində arxivləşdirilib. İstifadə tarixi: 25.12.2020.
  5. Azərbaycan Prezidentinin saytı (25.12.2020). "Azərbaycan Silahlı Qüvvələrinin hərbi qulluqçularının "Xocavəndin azad olunmasına görə" medalı ilə təltif edilməsi haqqında Azərbaycan Prezidentinin 25.12.2020-ci il tarixli Sərəncamı". www.president.az(azərb.)). 2020-12-25 tarixində arxivləşdirilib. İstifadə tarixi: 25.12.2020.
  6. "Azərbaycan Silahlı Qüvvələrinin hərbi qulluqçularına "Vətən Müharibəsi Qəhrəmanı" adının verilməsi haqqında Azərbaycan Prezidentinin 09.12.2020-ci il tarixli Sərəncamı". www.e-qanun.az (azərb.). 09.12.2020. 2020-12-09 tarixində arxivləşdirilib. İstifadə tarixi: 09.12.2020.