Əsas menyunu aç

Fatma Sultan (III Əhmədin qızı)

Fatma Sultan (d. 22 sentyabr 1704, İstanbul - ö. 3 yanvar 1733) - 23. Osmanlı padşahı III Əhmədin Əmətullah Banu Baş Qadın Əfəndidən doğulan qızıdır. Nevşəhərli Kürəkən İbrahim Paşanın xanımıdır.

Infobox-realisateur.png
Fatma Sultan
فاطمة سلطان

Doğum tarixi
22 sentyabr 1704(1704-09-22)
Doğum yeri İstanbul, Osmanlı imperiyası
Vəfat tarixi 3 yanvar 1733 (29 yaşında)
Vəfat yeri İstanbul, Osmanlı imperiyası
Dəfn yeriYeni Məscid
AtasıIII Əhməd
AnasıƏmətullah Banu Baş Qadın Əfəndi
Həyat yoldaşıSilahdar Əli Paşa, Nevşəhərli Kürəkən İbrahim Paşa

HəyatıRedaktə

III. Əhmədin, çoxu kiçik yaşlarında vəfat edən 30-a yaxın qızından ən böyüyü olan Fatma Sultan hələ 4 yaşında ikən qübbə vəziri Əbdürrəhman Paşayla nişanlandı. Ancaq daha sonra Silahdar Əli Paşa ilə evləndirildi. Suri sayılan bu nigahın nişanı 11 may 1709 tarixində kəsildi. Nigah isə 13 may tarixində bağlandı. Paşaqapısı yaxınlarında bir saray Fatma Sultan üçün təsis edildi. Toy şənlikləri isə 16 may tarixində başlandı. Silahdar Əli Paşa bütün dövlət adamlarına böyük hədiyyələr payladı. 1713 tarixində sədarətə alınan Əli Paşa 3 il sonra Petervaradin döyüşündə şəhid oldu və Fatma Sultan 12 yaşında dul qaldı. Vəzir Nevşəhərli İbrahim Paşa kürəkən namizədi olaraq seçildi və 19 fevral 1717 tarixində nigah bağlandı. Bir il sonra İbrahim Paşa sədarətə alındı.

Avropaya, əsasən də Fransız üslubuna heyran olan Fatma Sultan atasının Fransa ilə bağlı qəbul edəcəyi qərarlara böyük təzyiq göstərirdi. Fatma Sultanın xoş günləri 1730 tarixində baş verən Patron Xəlil üsyanı ilə başa çatdı. Atası III. Əhməd taxtdan endirildi, əri İbrahim Paşa edam edildi və mallarına əl qoyuldu. Fatma Sultan isə Köhnə Saraya sürgün edildi. Xəstələnməsi səbəbilə I. Mahmudun əmrilə Çırağan Sarayına göndərildi. 29 yaşında vəfat etdi və Yeni Məsciddə dəfn edildi.[1]

MənbəRedaktə

  1. Peirce , Leslie P. (1993) Imperial Harem : Women and Sovereignty in the Ottoman Empire 1993, Oxford University Press, ISBN 0-19-508677-5.