Flora Brovina
Flora Brovina (alb. Flora Brovina; 30 sentyabr 1949) — Kosovo-alban jurnalisti[1], şair və ictimai xadim[2].
| Flora Brovina | |
|---|---|
 | |
| Doğum tarixi | 30 sentyabr 1949 (75 yaş) |
| Fəaliyyəti | jurnalist, aktivist, şair, yazıçı, siyasətçi, pediatr |
.svg) |
|
 Vikianbarda əlaqəli mediafayllar | |
Bioqrafiyası
redaktə30 sentyabr 1949-cu ildə Kosovoda anadan olmuşdur. Onun ilir Brovin adlı bir qardaşı vardır.
Priştinadakı Tibb İnstitutunu bitirdikdən sonra pediatriya ixtisası üzrə Zaqrebdə təhsilini davam etdirir. Kosovaya qayıdan Flora, gündəlik Rilindja qəzetində jurnalist olaraq işə başlayır. Sonra Priştina xəstəxanasında pediatr kimi işə düzəlir. 1990-cı illərdə siyasi vəziyyət kəskinləşəndə Brovina hadisələrə biganə qalmayaraq zorakılıq aktları haqqında məlumat toplamağa başlayır, humanitar fəaliyyətlə məşğul olur və yetimlərin psixoloji reabilitasiya mərkəzinə rəhbərlik edərək uşaqlara yardım təşkil edir.
Kosovo müharibəsi əsnasında, 20 aprel 1999-cu ildə Brovina maskalı şəxslər tərəfindən qaçırılaraq naməlum bir yerə aparılır. Beləliklə NATO qüvvələri paytaxt Priştinanı alanda və Serbiya qoşunları ölkədən çıxarkən əsirlikdə olur. Qaçırılma ilə bağlı ilk xəbər, oğlunun qaçırılması ilə bağlı məlumatların mümkün qədər geniş yayılmasına çağırmaq üçün PEN Beynəlxalq Yazıçılar Dərnəyi ilə əlaqə saxladığı 24 aprel 1999-cu ildə ortaya çıxır[3]. Pojarevasdakı bir Serbiya həbsxanasına köçürülür və həbsdə olduğu ilk ayda, 200 saatdan çox sorğuya məruz qalır. 5-9 dekabr 1999-cu ildə bir məhkəmədə Yuqoslaviya Cinayət Məcəlləsinin 136-cı maddəsi ilə 'terror fəaliyyətində' günahlandırılır. Beynəlxalq təzyiqlər nəticəsində sərbəst buraxılmadan əvvəl il yarım Serb həbsxanalarında qalır[4].
Flora Brovina siyasi fəaliyyətlə məşğuldur. 2001-ci ildə Kosova Demokratik Partiyasından Kosova prezidentliyinə namizəd olur. Eyni partiyanın üzvü olaraq 2004-cü ildə Kosova Parlamentinə seçilir. Kosovar Albaniyalı Qadınlar Liqasına da rəhbərlik edir.
Bir sıra şeir toplularının müəllifidir:[5]
- "Vërma emrin tim" (1973),
- "Bimë e zë" (1979),
- "Luleborë" (1988),
- "Mat e çmat" (1995),
- "Thirrje e Kosovë" (1999).
2001-ci ildə şeirləri Nyu-Yorkda, Robert Elsi tərəfindən tərcümə olunur.
Mükafatlar
redaktə1999-cu ildə Flora Brovina İsveç PEN Klubundan bir mükafat alır və Amerika PEN Amerika Mərkəzi tərəfindən Barbara Goldsmith Freedom to Write Award mükafatına layiq görülür. Həm də Henrix Byoll Vəqfinin İnsan Hüquqları Mükafatı laureatıdır.
İstinadlar
redaktə- ↑ Flora Brovina Arxivləşdirilib 2016-04-17 at the Wayback Machine (ing.)
- ↑ List of the Deputies of the Kosovo Assembly Arxivləşdirilib 2016-04-24 at the Wayback Machine (ing.)
- ↑ "Освобождение косовской правозащитницы Флоры Бровины". 2016-04-16 tarixində arxivləşdirilib. İstifadə tarixi: 2021-05-21.
- ↑ Paediatrician Flora Brovina remains imprisoned in Kosovo Arxivləşdirilib 2023-07-20 at the Wayback Machine (ing.)
- ↑ Flora Brovina Arxivləşdirilib 2016-04-15 at the Wayback Machine (alb.)
Mənbə
redaktə- Flora Brovina (ing.)
- Flora Brovina | WISE Muslim Women (ing.)
- Kosovo's first lady (ing.)