Ghods Saeghe
İranın zərbə tipli “Ghods Saeghe” PUA-sı 2013-cü ildə Tehrandakı “Qhods Aviation” şirkətində hazırlanaraq istehsal edilib. PUA hazırda İran Silahlı Qüvvələrinin silahlanmasında istifadə olunur.[1]
| Ghods Saeghe | |
|---|---|
 | |
| Hazırlayan | Qüds Aviasiya Sənayesi Şirkəti, Tehran |
| İstehsalçı | Qüds Aviasiya Sənayesi Şirkəti, Tehran |
| Baş konstruktor | Qüds Aviasiya Sənayesi Şirkəti, Tehran |
| İstismara verilmə tarixi | 2013 |
| Status | Hal-hazırda istifadə olunur |
| İstismarçılar | İran Silahlı Qüvvələri |
 Vikianbarda əlaqəli mediafayllar | |
Konstruksiyası
redaktə
“Saeghe” aşağıda quraşdırılan delta qanadlara və uzunsov füzelyaja malikdir. İdarəetmə pərləri üfüqi stabilizator üzərində yerləşir. “Saeghe” tamamilə kompozit materialdan hazırlanır. PUA-nın konfiqurasiyasında 18.6 kVt (25 at gücündə) WAE-342 itələyici mühərrikdən istifadə edilir. Onun buraxılması üçün JATO adlanan qısa metal qollara malik katapultdan istifadə edilirdi. Pilotsuz vasitə quruya və ya suya paraşütlə enə bilir.
Versiyaları
redaktə“Saeghe” PUA-ları iki versiyada istehsal edilib. Birincisi, yalnız radio vasitəsilə idarəetmə sisteminə, digəri isə GPS və IR şüalanmalı idarəetmə sisteminə malikdir. Hər iki versiya katapult ilə buraxılır və paraşütlə endirilir.[2]
“Saeghe-1”
redaktə“Saeghe-1” PUA-sının uçuş trayektoriyası və manevrləri radio komandalarla idarə olunur. Bu variant N-Q-A 100 kimi də tanınır.
“Saeghe-2”
redaktə“Saeghe-2” daha inkişaf etmiş bir avionikaya sahibdir, pilotsuz vasitə ilə yerüstü idarəetmə stansiyası arasında telemetrik əlaqə mövcuddur. PUA-nın operatorun müşahidə zonasından kənarda idarə edilməsi GPS naviqasiyasına əsaslanır. “Saeghe-2” girosabit radar reflektoruna və üç ədəd IR sensora malikdir.
PUA-lar kiçik bir mikroavtobusda daşına bilən yerüstü idarəetmə stansiyasından idarə olunur. “Saeghe-2” ilk dəfə 2002-ci ildə havaya qalxıb.
Taktiki-Texniki Xüsusiyyətləri
redaktə- Uzunluğu: 2.81 m;
- Qanad açılımı: 2.6 m;
- Hündürlüyü: 0.7 m;
- Maksimum uçuş çəkisi: 60 kq;
- Mühərriki: 1×WAE-342 tipli cüt silindrli və porşenli mühərrik;
- Pərləri: iki oxlu;
- Maksimum sürəti: 250 km/saat;
- Döyüş radiusu: 50 km;
- Havada qalma müddəti: 45 dəq;
- Uçuş yüksəkliyi: 3355 m.
İstinadlar
redaktə- ↑ Martin Streetly, redaktorJane's All the World's Aircraft: Unmanned 2014–2015. London: IHS Jane's. 2014. səh. 362. ISBN 978-0-7106-3096-4.
- ↑ "Archived copy". 2011-10-05 tarixində orijinalından arxivləşdirilib. İstifadə tarixi: 2011-03-15.