Hüseynbala Ağaverdiyev

Hüseynbala Ağaverdi oğlu Ağaverdiyev (1888, Kürdəxanı, Bakı3 oktyabr 1937) — Azərbaycan inqilabçısı, dövlət xadimi.

Hüseynbala Ağaverdiyev
bayraq
Azərbaycan SSR xalq yerli sənaye komissarı
bayraq2
1935 – iyul 1937
SonrakıZəkəriyyə Balaxlinski
1935 – 16 may 1936
SədrHüseyn Rəhmanov
bayraq
Azneft Birliyi rəisinin müavini
bayraq2
1929 – 1934
bayraq
Azərbaycan Xalq Təsərrüfatı Şurasının sədri
bayraq2
1927 – 1929
bayraq
Azərbaycan Kommunist Partiyası Mərkəzi Komitəsinin I həmkatibi
bayraq2
21 yanvar 1926 – 1927[1]
ƏvvəlkiRuhulla Axundov
SonrakıNikolay Gikalo
Şəxsi məlumatlar
Doğum tarixi 1888
Doğum yeri
Vəfat tarixi 3 oktyabr 1937(1937-10-03)

Həyatı redaktə

1888-ci ildə Bakının Kürdəxanı qəsəbəsində doğulmuşdur. 1901-ci ildə atasının ölümündən sonra Balaxanıda alman milyoner Riderlin mədənlərində işləməyə başlayıb. 1917-ci ilin əvvəllərindən fəhlə hərəkatına qoşulmuş, Binəqədidə fəhlələr arasında inqilabi iş aparmışdır. Həmin ilin may ayında isə bolşevik hərəkatına qoşulmuşdur. Azərbaycanda sovet hakimiyyətinin qələbəsindən sonra Binəqədi RİK tərkibinə daxil olmuşdur. 1922–26-cı illərdə respublika Mədən Fəhlələri Həmkarlar İttifaqı Mərkəzi İdarə Heyətinin sədrinin müavini olmuşdur. 1926-cı ildə Azərbaycan Kommunist Partiyasının birinci katibi vəzifəsinin icrası Əliheydər Qarayev, Hüseynbala Ağaverdiyev və Levon Mirzoyandan ibarət katibliyə həvalə edilmişdi.[2] 1927–29-cu illərdə Azərbaycan SSR XTŞ-sədri, 1929–34-cü illərdə Azneft Birliyi rəisinin müavini işləmişdir. 1933-cü ildə ABŞ-yə işgüzar səfər etmişdir. 1935-ci illərdən Azərbaycan SSR XKS sədrinin müavini, həmçinin Xalq Yerli Sənaye komissarı vəzifəsində çalışmışdır. 1934-cü ildə Zaqafqaziya partiya təşkilatlarının VII qurultayında ÜİK(b) Zaqafqaziya Ölkə Komitəsinə, 1935-ci ildə isə Zaqafqaziya mərkəzi icraiyyə komitəsinə üzv seçilib.

Həbsi və ölümü redaktə

17 iyul 1937-ci ildə "Trotski-Zinovyevçi əksinqilabi təşkilatın fəaliyyətində iştirak" etməyə görə həbs edilmiş, 766-cı əmrlə I kateqoriya ilə güllələnməyə məhkum olunmuşdur. 3 oktyabr 1937-ci ildə edam olunmuş,[3] 24 dekabr 1956-cı ildə bəraət verilmişdir.[4]

Ailəsi redaktə

Ağaverdiyeva Xədicəxanım Xudaverdi qızı (d. 1902 — ö. 13 fevral 1944) ilə evlənmişdir. SSRİ MİK-nin 4 iyul 1934-cü il tarixli qərarına əsasən vətən xaininin həyat yoldaşı kimi 24 oktyabr 1937-ci il tarixdə saxlanılmış və 9 dekabr 1937-ci il tarixdə XDİK-in qərarına əsasən 8 il müddətinə azadlıqdan məhrum edilmişdir. Xədicəxanım Ağaverdiyeva 19 oktyabr 1956-cı il tarixdə Zaqafqaziya Hərbi Dairəsi Hərbi Tribunalının qərarına əsasən bəraət almışdır.[5] Övladları:

  • Sara Ağaverdiyeva (d.1922)
  • Törə Ağaverdiyeva (d.1925)
  • Lətifə Ağaverdiyeva (d.1929)
  • Şükufə Ağaverdiyeva (d.1934)

İstinadlar redaktə

  1. Эльдар ИСМАИЛОВ - Очерки по истории Азербайджана , Москва, 2010, Флинта [ölü keçid]
  2. Azərbaycan Tarixi (VI cild) , Bakı, Elm, 2008
  3. "Сталинские списки". 2016-03-04 tarixində orijinalından arxivləşdirilib. İstifadə tarixi: 2015-03-05.
  4. Kürdəxanı, Qarabağ nəşriyyatı, Bakı, 2008. səh. 360
  5. "Azerbaijan Gender Information Center". 2021-09-22 tarixində arxivləşdirilib. İstifadə tarixi: 2015-03-05.