Həsən Enami Təbrizi
Enami Oliya Həsən Əli Abbas oğlu — opera müğənnisi, Xalq artisti və Prezident mükafatçısı.[1]
| Həsən Enami Təbrizi | |
|---|---|
| Enami Oliya Həsən | |
 | |
| Doğum tarixi | |
| Doğum yeri | Təbriz |
| Vətəndaşlığı | Azərbaycan |
| Həyat yoldaşı | Nərminə Əfəndiyeva |
| Milliyyəti | Azərbaycanlı |
| İxtisası | Opera musiqisi |
| Təhsili | Bakı Musiqi Akademiyası |
| Fəaliyyəti | Opera musiqisi sahəsi |
| Fəaliyyət illəri | 1992-ci ildən |
| Tanınır | Musiqi sahəsində |
| Mükafatları |
 |
Həyatı
redaktəHəsən Enami 1967-ci ildə İran İslam Respublikasının Təbriz şəhərində anadan olmuşdur.[2] Azərbaycan Musiqi Antologiyasına əsasən müasir dövrdə Azərbaycanın ən məşhur opera sənətçilərindən biridir.[3]
Ailəsi
redaktəAzərbaycanın məşhur piano ifaçısı Nərminə Əfəndiyeva ilə evlidir. Biri qız, biri oğlan olmala iki övladları vardır.
Təhsili
redaktə1972-ci ildə ibtidai sinifə daxil olmuşdur. 1981–1985-ci illərdə Vəhdət İnturimental məktəbində təhsil almışdır. Məktəbi bitirdikdən sonra isə hərbi xidmətə yollanmış və 1988-ci ildə xidmətini tamamlamışdır.
Musiqiçi olması
redaktəUşaqlığından bəri musiqiyə qarşı heyranlıq hiss olmuş, lakin İran İslam İnqilabının musiqini qadağan etməsinə görə peşəkar musiqi təhsili almaq şansı olmamışdır. 14 yaşında ikən o video yazılardan Azərbaycan musiqisini öyrənməyə başlamışdır.[2]
1988-ci ildə hökumət özəl musiqi məktəblərinin açılmasına icazə verdi. Belə məktəblərdən birinə yazılan Həsən, burada musiqi nəzəriyyəsini və solfeggionu öyrəndi.
3 tenor konsertində iştirakından sonra opera oxumağa qərar vermiş və 1990-cı ildə təhsil almaq üçün Bakıya gəlmişdir. 2 il keçdikdən sonra Bakı Musiqi Akademiyasının vokal sinfinə qəbul ola bilmişdir. Bakı Musiqi Akademiyasının rektoru Fərhad Bədəlbəyli tərəfindən səsi çox bəyənilən Həsən burada pulsuz təhsil almışdır.
Mükafatları
redaktə- Azərbaycan Respublikasının incəsənət xadimlərinə veirlən ən ali mükafatı olan Xalq artısti fəxri adına layiq görülmüşdür.
- 1997-ci ilin dekabrında Bülbül adına 1-ci beynəlxalq vokal müsabiqəsində 2-ci yer mükafatçısı və ən yaxşı tenor adına layiq görülmüşdür.
- 1997-ci ildə Vokalçıların respublika üzrə müsabiqəsində birinci yerin sahibi olmuşdur.
- 1998-ci ildə isə Çaykovski adina beynəlxalq müsabiqənin diplomuna layiq görülmüşdür.
- 2002-ci ildə Azərbaycanın Əməkdar artisti fəxri adına layiq görülmüşdür.
- Prezident mükafatçısıdır.
Fəaliyyəti
redaktəHəsən Enami hazırda teatrın repertuarında olan bir sıra tamaşalarda tenor səs tembiri üçün nəzərdə tutulmuş partiyaları ifa edir və dövlət səviyyəsində keçirilən bir çox yubiley və rəsmi mərasimlərdə uğurla çıxış edir. Azərbaycan vokal sənətini Almaniya, Fransa, Rusiya, BƏƏ, Ukrayna, Finlandiya, Türkiyə, Boliviyada təmsil etmişdir.
Həsən Enami opera müğannisi olmaqla yanaşı, Azərbaycan Dövlət Simfonik Orkestri ilə birgə solist kimi də çıxış edir.
Opera repertuarı
redaktə- Cüzeppe Verdi, Mantua hersoqu, (Riqoletto)
- Cüzeppe Verdi, Alfredo, (Traviata)
- Cüzeppe Verdi, Radames, (Aida)
- Cüzeppe Verdi, Manriko, (Il trovatore)
- Cüzeppe Verdi, Rikkardo, (Un ballo in maschera)
- Giakomo Puccini, Kavaradossi, (Toska)
- Giakomo Puccini, Pinkerton, (Madam Batterflay)
- Giakomo Puccini, Rudolfo, (Bohema)
- Corc Bizet, Don Xose, (Karmen)
- Ruqqero Leonkavallo, Kanio, (Paqliacci)
İstinadlar
redaktə- ↑ "Hasan Anami Olya". 2020-01-30 tarixində arxivləşdirilib. İstifadə tarixi: 2018-09-07.
- ↑ 1 2 "Enami Oliya Həsən Əli Abbas oğlu". 2013-09-28 tarixində arxivləşdirilib. İstifadə tarixi: 2013-12-14.
- ↑ "İRAN AZƏRBAYCANLILARI II HISSƏ : XX ƏSRDƏ". 2023-07-23 tarixində arxivləşdirilib. İstifadə tarixi: 2018-09-07.