Mütalib Mitarov
Mütalib Mitaroviç Mitarov (23 fevral 1920 - 11 mart 2011) - Tabasaran şairi və yazıçısı, Dağıstanın xalq şairi. 2005-ci ildə “Sətirlərdə ömür” kitabına görə ədəbiyyat sahəsində Dağıstan Respublikasının Dövlət Mükafatı laureatı.
| Mütalib Mitarov | |
|---|---|
| Mütalib Mitaroviç Mitarov | |
| Doğum tarixi | 23 fevral 1920 |
| Doğum yeri | |
| Vəfat tarixi | 11 mart 2011 (91 yaşında) |
| Fəaliyyəti | yazıçı, şair, tərcüməçi |
| Fəaliyyət illəri | 1954-cü ildən |
| Əsərlərinin dili | tabasaran və rus dilləri |
| Mükafatları |
  |
Həyatı
redaktəMütalib Mitarov 1920-ci ildə Dağıstan Respublikasının Xiv rayonunun Kondik kəndində anadan olub. Baqautdin Mitarov Mütalib Mitarovun kiçik qardaşıdır.
Mitarov Böyük Vətən müharibəsində iştirak edib, Şimal cəbhəsində vuruşub. Müharibədə əlil olaraq vətəninə qayıdır.
Mütalib Mitarov Pedaqoji Texnikumu və Ali Partiya Məktəbini bitirmiş, daha sonra o, müxtəlif partiya və sovet vəzifələrində çalışmışdır. O, “Bilik” cəmiyyətində Xiv rayon komsomol komitəsinin birinci katibi, Sov.İKP Tabasaran rayon komitəsinin birinci katibi, respublikanın məişət xidməti naziri, Dağucpəqızın direktoru, o cümlədən Respublika Ədəbiyyat Muzeyinin direktoru vəzifələrində çalışmışdır.
Mütalib Mitarovun ilk nəşri 1937-ci ildə “Qırmızı Tabasaran” qəzetində çap olunub. Mitarovun ilk şeirlər kitabı “Xoşbəxtlik” adlanır. Onun bu kitabı 1954-cü ildə tabasaran dilində nəşr edilmişdir. Mütalib Mitarov 1953-cü ildən SSRİ Yazıçılar İttifaqının üzvüdür.
1960-cı ildə Moskvada, eləcə də Volqoqrad, Ulyanovsk və ölkənin digər şəhərlərində keçirilən Dağıstan incəsənət və ədəbiyyat ongünlüyünün iştirakçısı olmuşdur.
Mitarov onlarla şeir kitabının, o cümlədən rus dilinə tərcümə olunan kitabların müəllifidir. Mütalib Mitarov həmçinin Aleksandr Puşkinin, Mixail Lermontovun, Qafqaz xalqlarının müxtəlif şairlərinin əsərlərini tabasaran dilinə tərcümə etmişdir.
2002-ci ildə Dağıstan Kitab Nəşriyyatı şairin seçilmiş əsərlərindən ibarət “Sətirlərdə olan ömür” kitabını nəşr etdirib.
2005-ci ildə Mütalib Mitarov “Sətirlərdə ömür” kitabına görə ədəbiyyat sahəsində Dağıstan Respublikasının Dövlət Mükafatı laureatı olub.
Mütalib Mitarov 2011-ci ildə vəfat edib.
Mükafatları
redaktəŞair bir çox mükafatlara layiq görülmüşdür. O, mükafatlar aşağıdakılardır:
- "Vətən müharibəsi" ordeni
- "Sətirlərdə həyat" kitabına görə ədəbiyyat sahəsində Dağıstan Respublikasının Dövlət Mükafatı (2005)
Fəxri adları
redaktəMütalib Mitarovun aldığı fəxri adlar sırasında qeyd olunanlar vardır:
- Dağıstanın xalq şairi (1990)
- Dağıstan Muxtar Sovet Sosialist Respublikasının əməkdar mədəniyyət işçisi.
Xatirəsi
redaktəDagestanskiye Oqni şəhərində,[1] eləcə də Dərbənd rayonunun Rubas və bir çox kəndlərində küçələr Mütalib Mitarovun adını daşıyır.[2]
İstinadlar
redaktə- ↑ "Улица Муталиба Митарова на карте Дагестанских огней с номерами домов — MapData.ru" (rus). mapdata.ru. 2017-08-19 tarixində arxivləşdirilib. İstifadə tarixi: 2017-08-19.
- ↑ "Яндекс.Карты — подробная карта России и мира" (rus). yandex.ru. 2017-08-19 tarixində arxivləşdirilib. İstifadə tarixi: 2017-08-19.
Xarici keçidlər
redaktə- Митаров Муталиб Митарович
- Гасанов, Магомед Раджабович, «Поэт-воин, общественный деятель и наставник» (к 90-летию Муталиба Митарова)[ölü keçid], Махачкалинские Известия, № 7 (911), 26 февраля 2012.
- «Скончался известный табасаранский поэт Муталиб Митаров», РИА Дагестан, 15 марта 2011.