Məhərrəm Ağalaroğlu

Məhərrəm Ağalar oğlu Əliyev (18 noyabr 1985, Qışlaqabbas, İliç rayonu) — 18 noyabr 1985-ci il tarixində Naxçıvan Muxtar Respublikasının Şərur rayon Qışlaqabbas (keçmiş İbadulla Sovetliyi) kəndində təvəllüd almışdır.

Məhərrəm Ağalaroğlu
azərb. Məhərrəm Ağalar oğlu Əliyev‎
Doğum tarixi	18 noyabr 1985(1985-11-18) (39 yaş)
Doğum yeri	Qışlaqabbas, İliç rayonu, Naxçıvan MSSR, Azərbaycan SSR, SSRİ
Milliyyəti	Azərbaycanlı
İxtisası	Jurnalistika
Təhsili	Azərbaycan Beynəlxalq Universiteti
Fəaliyyəti	jurnalist
Fəaliyyət illəri	2002 - günümüz

1992-ci ilin 1 sentyabr tarixində İbadulla kənd orta ümumtəhsil məktəbdə birinci sinfə getmiş, 2001-ci ildə isə ailəsi ilə birlikdə paytaxt Bakıya köçmüş və 236 saylı orta məktəbdə təhsini davam etmişdir.

236 Saylı məktəbdə təhsilini davam etdirən zaman 20 Yanvar, Xocalı soyqırımı kimi Azərbaycan xalqının tarixinə düşən qanlı səhifələrin ildönümünü şagird yoldaşları ilə birgə təşkil etmiş, həmin tədbirlərdən başlayaraq vətənpərvərlik və məhəbbət mövzularında şerlər yazmışdır. İlk şeri 2002-ci ildə "Xural" qəzetində, daha sonra bir sıra qəzetlərdə dərc olunmuşdur.

2003-cü ildə orta məktəbi bitirib Azərbaycan Beynəlxalq Universitetinin Jurnalistika fakültəsinə daxil olmuşdur. Universitetdə oxuyarkən mətbuatda məqalələri dərc olunmuşdur.

2007-ci ildə universiteti bitirib müddəti hərbi xidmətə getmiş və 2008-ci ilin iyul ayında Ermənistanla təmas xəttindən Manqa komandiri olaraq tərxis olunmuşdur.

2009-cu ildən müxtəlif KİV-lərdə ştatdankənar müxbir vəzifəsində işləmişdir. 2011-ci ildə "Üç nöqtə" qəzetində stat üzrə müxbir vəzifəsində işə başlayıb, 2012-ci ildə öz ərizəsi ilə qeyd edilən qəzetdən ayrılıb. Həmin ildən başlayaraq "İki sahil" qəzetində müxbir vəzifəsində çalışmaqdadır. Şerlərini Azərbaycanda Misra.az Arxivləşdirilib 2017-07-03 at the Wayback Machine saytından və Türkiyənin Siirkolik.com (İndiki Edebiyatla.com), Antoloji.com saytında dərc olunmaqdadır. Həmçinin, 2010-cu ildə xüsusi ilə universitetlərin Jurnalistika fakültəsində təhsil alan tələbələrin əyani təcrübə qazanması üçün Azərbaycan Respublikası Ədliyyə Nazirliyində "Oxucu" qəzetini qeydiyyatdan keçirib, lakin nəşr etirməyib. 12.08.2011-ci il tarixindən isə "Oxucu" ilə reallaşdıra bilmədiyi ideyasını Oxucu.info saytı vasitəsilə həyata keçirməyə çalışıb. Qeyd edilən tarixdən 2020-ci ilə qədər fəaliyyət göstərən Oxucu.info | Oxucu İnformasiya Agentliyinin təsisçisi və baş redaktoru olmuşdur.

Azərbaycanda jurnalistlər arasında keçirilən bir çox fərdi yazı müsabiqəsinin qaliblərindən olub.

Ailəlidir, 2 övladı var.

İstinadlar

https://ikisahil.az/author/meherrem-agalaroglu

http://ideologiya.az/2019/08/troya-atinin-əsgərləri-məhərrəm-agalaroglu/

http://www.anl.az/down/meqale/uc_noqta/2011/yanvar/152252.htm

https://www.turkishnews.com/tr/content/2011/07/14/tek-millet-cok-devletiz/

https://www.edebiyatla.com/uyeler/muharrem-agalaroglu-21339/siirleri

https://www.antoloji.com/muharrem-agalaroglu/

https://ek.anl.az/search/query?term_1=Məhərrəm+Ağalaroğlu&theme=e-kataloq