Maksim Şamil

Maksim Şamil və ya Maksim Müəllim (tam adı:Şamil Hümbət oğlu Cabbarov; 9 mart 1952, Daşkənd, Basarkeçər rayonu – 22 mart 2022, Bakı) — Azərbaycan şairi, baş müəllim.

Maksim Şamil
Cabbarov Şamil Hümbət oğlu
Doğum adı	Maksim
Doğum tarixi	9 mart 1952(1952-03-09)
Doğum yeri	Daşkənd, Basarkeçər rayonu, Ermənistan SSR, SSRİ
Vəfat tarixi	22 mart 2022(2022-03-22) (70 yaşında)
Vəfat yeri	Bakı, Azərbaycan
Dəfn yeri	Hövsan qəbiristanlığı
Milliyyəti	Azərbaycanlı
Uşaqları	Ceyhun, Cabir, Qətibə
Atası	Hümbət Cabbarov
Təhsili	Daşkənd kənd orta məktəbi[d], Azərbaycan Dövlət Pedaqoji Universiteti
Fəaliyyəti	şair, müəllim
Fəaliyyət illəri	1979–2022
Əsərlərinin dili	Azərbaycan dili
Üzvlüyü	Dədə Ələsgər Ədəbi Məclisi[d]
Mükafatları

Həyatı

Şamil Cabbarov 1952-ci ildə Göyçə mahalının Daşkənd kəndində anadan olub. 1971–1973-cü illərdə hərbi xidmət keçmişdir.

1979-cu ildə V. İ. Lenin adına Azərbaycan Dövlət Pedaqoji İnstitutunun riyaziyyat fakültəsini bitirmiş və doğma kəndində 1988-ci ilə qədər müəllim və dərs hissə müdiri işləmişdir.

Azərbaycan Kooperasiya Universitetinin riyaziyyat kafedrasında baş müəllim işləmişdir.

Yaradıcılığı

Onun çətinliyi artırılmış məsələ və misallardan ibarət "Riyaziyyat nəyi sevir" adlı kitabı riyaziyyat elminə böyük töhfədir.

"Tufandan tez yeli çatar" şeirlər kitabında Maksim Şamilin həyata baxışlarının ərməğanı olan ürək sözləri və şeirləri toplanmışdır. Şeirlər tərbiyəvi ruhda yazılmışdır. Ustadnamələrlə zəngin olan kitabda "Sabirsayağı" tənqidi şeirlər də çap olunmuşdur.

Kitabları

• "Ehtimal nəzəriyyəsi və riyazi statistika", (Teymurov Fərhad, Həsənov Əvəz və Əfəndiyev Məqsəd ilə birlikdə). Bakı, "Elm və təhsil" nəşriyyatı, 2012. — 228 səh. 500 nüsxə.
• "Riyaziyyat nəyi sevir". Çalışmalar (metodiki göstərişlər və həlləri ilə), Bakı, "Elm və təhsil", 2012. – 168 səh. 200 nüsxə.
• "Tufandan tez yeli çatar" (şeirlər), Bakı, "Nurlan", 2013. 200 nüsxə.
• "Ali riyaziyyat kursundan mühazirələr və məsələlər" (I, II hissə), Bakı, "Elm və təhsil" nəşriyyatı, 2013. — 368 səh. 100 nüsxə.
• "Ehtimal nəzəriyyəsinin qısa kursu" , Bakı-2016.
• "Ehtimal nəzəriyyəsinə dair çalışmaların həlli üsulları" , Bakı-2016.