Market adamı
Market adamı (コンビニ人間, Kombini ninqen?) – Yaponiya yazıçısı Sayaka Murata tərəfindən 2016-cı ildə nəşr olunmuş roman. Müəllifin sayca 10-cu romanıdır.[1]
| Market adamı | |
|---|---|
| yap. コンビニ人間 ing. Convenience Store Woman | |
 | |
| Orijinalın dili | yapon dili |
| Ölkə | |
| Orijinalın nəşr ili | 2016 |
Murata bu əsərinə görə Yaponiyada Akutaqava mükafatına layiq görülmüşdür.[2] Romanın Yaponiyada 1,5 milyondan çox nüsxəsi satılmış və 30-dan çox dilə tərcümə olunmuşdur.[3]
Məzmun
redaktəRomanın baş qəhrəmanı Keyko Furukura adlı qadındır. O, çox gənckən bir mağazada işləməyə başlayır. Furukura 36 yaşına çatmasına baxmayaraq, hələ də mağazadakı işləməyə davam edir və bakirədir, evlənməkdə maraqlı deyil. Buna görə də bacısı da daxil olmaqla bir çox şəxs onun anormal olduğunu düşünür və Furukura cəmiyyətin təzyiqləri ilə üzləşməli olur.[2]
Analiz
redaktəSayaka Murata roman yazmaqdan əlavə Tokioda bir mağazada kassir kimi işlədiyi üçün əldə etdiyi təcrübələr əsasında romanı yazmışdır.[2] Buna görə baş qəhrəmanla müəllif arasında bir çox oxşarlıq mövcuddur.[2] Lakin Murata Keykonun o olmadığını, ondan fərqli olaraq Keykonun güclü iradəyə malik olduğunu və insanların nə düşündüyünü vecinə almadığını bildirmişdir:[2] "O, mənim üçün qəhrəmandır".[2] Roman Yaponiyadakı müasir problemlərə toxunur: uyğunlaşma təzyiqi, işçi azlığı, evliliklərin azalması, evli olmayan cütlüklərin çoxalması.
Romanın baş qəhrəmanı Banana Yoşimoto, Ameli və Han Qan kimi qadınlarla müqayisə olunur.[4]
Tərcümələr
redaktəRoman Sayaka Muratanın 10-cu romanı olsa da, ingilis və türk dillərinə tərcümə edilən ilk əsəridir.[1] Türk dilinə ilk dəfə 2020-ci ildə Hüseyn Can Erkin tərəfindən "Kasiyer" (azərb. Kassir) adı altında tərcümə olunub.[1] Azərbaycan dilinə tərcümə olunmayıb.
İstinadlar
redaktə- ↑ 1 2 3 "Kasiyer – Sayaka Murata: Normal Olmak Ütopik mi?". Kayıp Rıhtım (türkcə). 25 October 2021 tarixində arxivləşdirilib. İstifadə tarixi: 25 may 2022.
- ↑ 1 2 3 4 5 6 McNeill, David. "Sayaka Murata: 'I acted how I thought a cute woman should act - it was horrible". Guardian (ingiliscə). 9 oktyabr 2020. 5 September 2022 tarixində arxivləşdirilib. İstifadə tarixi: 24 may 2022.
- ↑ "Granta buys new Sayaka Murata novel". The Bookseller. 27 July 2023 tarixində arxivləşdirilib. İstifadə tarixi: 25 may 2022.
- ↑ "Convenience Store Woman". Grove Atlantic (ingiliscə). 7 March 2022 tarixində arxivləşdirilib. İstifadə tarixi: 24 may 2022.