Mikimoto Kokiçi
Mikimoto Kokiçi (御木本 幸吉?, 10 mart 1858 və ya 25 yanvar 1858[1], Toba[d], Mie prefekturası – 21 sentyabr 1954[2][3], Yaponiya) – Yaponiya biznesmeni, mirvari yetişdirə bilmiş ilk şəxs.[4] "Mikimoto" mirvari şirkətinin əsasını qoymuşdur.[4] Onu "Mirvarinin kralı" adlandırırlar.[4]
| Mikimoto Kokiçi | |
|---|---|
| yap. 御木本 幸吉 | |
 | |
| Doğum tarixi | 10 mart 1858 və ya 25 yanvar 1858[1] |
| Doğum yeri |
|
| Vəfat tarixi | 21 sentyabr 1954[2][3] (96 yaşında) |
| Vəfat yeri | |
| Uşağı |
|
| Fəaliyyəti | sahibkar, siyasətçi, mühəndis |
 Vikianbarda əlaqəli mediafayllar | |
Həyatı
redaktəMikimoto Kokiçi 1858-ci ildə müasir Mie prefekturasının ərazisində yerləşən Toba şəhərində doğulmuşdur.[4] Udon restoranı işlədən atanın ən böyük oğlu idi.[5] O, 1880-ci illərdə abalon tutmağa və dəniz xiyarları qurutmağa başlamışdır.[5] Səyahətlərinin birində gördüyü mirvarilərdən təsirlənmiş və mirvari yetişdirməyə qərar vermişdir.[5]
1883-cü ildə Mie prefekturasının Şima yarımadasında yerləşən Aqo körfəzində mirvari stridiyaları böyütməyə başlamışdır.[4] 1893-cü ildə sferoid mirvari istehsal etməyi bacarmış və 1895-ci ildə yetişdirməyə başladığı mirvariləri 1898-ci ildə yığmışdır.[4]
Mikimotonun yetişdirilmiş mirvariləri ilk dəfə olaraq 1897-ci ildə xarici ölkələrə göndərilməyə başlanmışdır.[4] Yetişdirdiyi məhsulları Norveçdə baş tutmuş dəniz məhsulları sərgisində nümayiş etdirmiş və gümüş medal qazanmışdır.[4] 1905-ci ildə kürə formasında mirvari yetişdirməyi bacarmış və 1913-cü ildən etibarən onları toplamağa başlamışdır.[4]
Mikimoto 1899-cu ildə yetişdirilmiş və təbii mirvariləri satmaq üçün Tokioda mağaza açmışdır.[4] 1911-ci ildən etibarən London, Nyu-York, Çikaqo, Los-Anceles, San-Fransisko, Bombey, Pekin və Nankində mağazaları fəaliyyət göstərməyə başlamışdır.[4] 1919-cu ildə kürə formasında olan yetişdirilmiş mirvarilərini Londondakı mağazasına göndərmiş və təbii mirvarilərdən 25% daha ucuz satmağa başlamışdır.[4] Nəticədə, mirvari bazarında çaxnaşma baş vermişdir.[4] Tezliklə, Mikimoto mirvariləri dünyada məşhurlaşmış və o, "Mirvarinin kralı" kimi tanınmağa başlamışdır.[4] 1924-cü ildə Perlər palatasına namizəd olmuşdur.[6]
Xatirəsi
redaktəMikimotonun mirvari yetişdirməklə məşğul olduğu, Toba şəhərində yerləşən adada Mirvari muzeyi və Mikimoto muzeyi fəaliyyət göstərir.[5] Mirvari yetişdirməkdə böyük dəstək göstərmiş həyat yoldaşı Umenin bürünc büstü də buradadır.[7]
İstinadlar
redaktə- ↑ 1 2 Bibliothèque nationale de France BnF identifikatoru (fr.): açıq məlumat platforması. 2011.
- ↑ 1 2 Mikimoto Kokichi // Encyclopædia Britannica (ing.).
- ↑ 1 2 Kokichi Mikimoto // Munzinger Personen (alm.).
- ↑ 1 2 3 4 5 6 7 8 9 10 11 12 13 14 Kodansha Encyclopedia of Japan
- ↑ 1 2 3 4 "Mikimoto Kōkichi: The Pearl King and His Museum". Nippon.com (ingiliscə). 17 iyul 2017. 22 noyabr 2021 tarixində arxivləşdirilib. İstifadə tarixi: 30 noyabr 2022.
- ↑ The Japan Biographical Encyclopedia & Who's Who
- ↑ "Mikimoto and Wife Ume of Pearl Island". Kari Pearls (ingiliscə). 2022-11-30 tarixində arxivləşdirilib. İstifadə tarixi: 30 noyabr 2022.
Ədəbiyyat
redaktə- Kodansha Encyclopedia of Japan (ingiliscə). V cild (Libr–Nijo). Tokio: Kodansha. 1983. səh. 171. ISBN 0-87011-625-8. İstifadə tarixi: 20 noyabr 2022.
- The Japan Biographical Encyclopedia & Who's Who (ingiliscə) (II). Tokio: Rengo Press. 1961. səh. 841. İstifadə tarixi: 30 noyabr 2022.