Mixail Zabelin

Mixail Zabelin (19 mart 1946, Bakı) — Azərbaycan Respublikası Milli Məclisinin deputatı,[1] Yeni Azərbaycan Partiyası İdarə Heyətinin üzvü, Azərbaycan Rus İcmasının sədri,[2] Bakı Beynəlxalq Multikulturalizm Mərkəzi Himayəçilik Şurasının üzvü.[3]

Mixail Zabelin
Mixail Zabelin, 2020.jpg
Şəxsi məlumatlar
Doğum tarixi 19 mart 1946(1946-03-19) (76 yaş)
Doğum yeri
Partiya
Təhsili

Təltifləri "Dostluq" ordeni
Order of St. Sergius of Radonezh
"Şöhrət" ordeni
Order of St. Sergius of Radonezh 3rd class Azərbaycan Respublikası Prezidentinin fəxri diplomu

HəyatıRedaktə

1946-cı il martın 19-da Bakı şəhərində anadan olmuşdur. Azərbaycan Politexnik İnstitutunun Hidromeliorasiya fakültəsini, Bakı Ali Partiya Məktəbini və Ümumittifaq Qiyabi Hüquq İnstitutunun Sovet quruculuğu fakültəsini bitirmişdir. 1966-cı ildən Bakıda layihə institutunda texnik işləmişdir. 1969-cu ildən Oktyabr Rayon Komsomol Komitəsinin katibi, 1974-cü ildən Lenin Rayon Partiya Komitəsinin, Bakı Şəhər Partiya Komitəsinin təlimatçısı olmuşdur. 1978-ci ildən Azərbaycan KP MK-da təlimatçı, birinci katibin (Heydər Əliyevin) referenti, müfəttiş, 1989-cu ildən Nizami Rayon İcraiyyə Komitəsinin sədri, 1991-ci ildən Azərbaycan Respublikası Ali Soveti Katibliyinin baş mütəxəssisi, Daimi komissiyalar şöbəsinin katibi vəzifələrində çalışmışdır.

1990-cı ildə Azərbaycan Ali Sovetinin deputatı, I, II, III, IV və V çağırışlarda Azərbaycan Respublikası Milli Məclisinə üzv seçilmişdir. Azərbaycan Respublikası Milli Məclisinin son 3 çağırışında 12 saylı Qaradağ-Binəqədi-Yasamal seçki dairəsindən seçilmişdir.

Mixail Zabelin Yeni Azərbaycan Partiyasının yaradıcılarından olmuş, Yeni Azərbaycan Partiyasının VII qurultayında (5 mart 2021-ci il) YAP İdarə Heyətinin üzvü seçilmişdir.[4].

Mixail Zabelin Azərbaycan Rus İcmasının sədri, ABŞ-ın Texas ştatının fəxri vətəndaşıdır. Bakı Beynəlxalq Multikulturalizm Mərkəzinin Himayəçilik Şurasının üzvüdür.

MükafatlarıRedaktə

O, ictimai-siyasi fəaliyyətinə görə Azərbaycan Respublikasının Prezidenti İlham Əliyevin 2006-cı il tarixli Sərəncamı ilə "Şöhrət", Rus kilsəsinin Patriarxı tərəfindən "III dərəcəli Serqiy Radojenski" ordenləri və Rusiya-Azərbaycan parlamentlər arası əməkdaşlığın inkişafında fəal iştirakına görə Rusiya Federasiyası tərəfində Fəxri fərmanla təltif olunmuşdur.

İstinadlarRedaktə

  1. Üçüncü çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR. meclis.gov.az Arxivləşdirilib 2017-08-09 at the Wayback Machine  (az.)
  2. Mixail Zabelin yenidən Azərbaycan Rus İcmasının sədri seçildi -https://virtualaz.org/bugun/153103
  3. "Arxivlənmiş surət". 2016-03-05 tarixində orijinalından arxivləşdirilib. İstifadə tarixi: 2014-11-19.
  4. "Arxivlənmiş surət". 2021-02-10 tarixində arxivləşdirilib. İstifadə tarixi: 2021-03-11.