Nəşə Təbrizi
Nəşə Təbrizi (XVII əsr, Təbriz, Cənubi Azərbaycan, Səfəvilər – 1775, Təbriz, Təbriz xanlığı) — XVIII əsrdə Təbrizdə doğulub yaşamış azərbaycanlı şair. O, həm də Nadir şahın saray şairi olub.
| Nəşə Təbrizi | |
|---|---|
 | |
| Doğum tarixi | XVII əsr |
| Doğum yeri | |
| Vəfat tarixi | 1775 |
| Vəfat yeri | |
| Fəaliyyəti | şair |
Haqqında
redaktəƏbdürrəzzaq Nəşə Təbrizi XVII əsrin sonunda Təbriz şəhərində anadan olub.[1] Qaraqoyunlu Cahanşahın nəslindən olub. Nadir şahın yürüşlərində iştirak edib.[2]
Yaradıcılığı
redaktəNəşə Təbrizi Nadir şahın saray şairi olub.[3] Azərbaycan və fars dillərində qəzəllər yazırdı. Saib Təbrizinin davamçısı, "hind üslubu"nun nümayəndəsi olub.[3] Bir çox qəsidələri Nadir şahın göstərişi ilə müəyyən tarixi hadisələrə həsr edilib. [1] 1743-cü ildə Nadir şah İmam Əlinin İraqın Nəcəf şəhərində olan türbəsinin günbəzini bərpa edərək minarəsi ilə birgə qızıllayanda şair Azərbaycan türkcəsində bu hadisəyə şeir həsr edir. Həmin şeiri türbənin əsas qapısının üstündə həkk ediblər.[4][5][6]
Şairin divanı Topqapı Sarayı Muzeyində saxlanılır. 1763-cü ildə köçürülmüş bu divanda onun Azərbaycan türkcəsində 3 qəsidə, 6 qəzəl ümumilikdə isə 128 beyt var.[1]
Ölüm tarixi ilə bağlı bəzi fikirlər olsa da Məhəmmədəli Hüseyni və Məhəmməd Əmin Riyahiyə görə Nəşə Təbrizi 1775-ci ildə Təbrizdə dünyasını dəyişib. [3]
İstinadlar
redaktə- ↑ 1 2 3 Kərimov, 2020. səh. 43
- ↑ "Nəşə Təbrizinin divanının surəti əldə edilib" (az.). science.gov.az. 5 sentyabr 2018. 21 oktyabr 2021 tarixində arxivləşdirilib. İstifadə tarixi: 28 iyun 2022.
- ↑ 1 2 3 Kərimov, 2020. səh. 44
- ↑ Cavad Heyət. Azərbaycan ədəbiyyatına bir baxış. Bakı. 1993. səh. 87.
- ↑ Tourkhan Gandjeï. The turkish inscription of kalät-i nadiri. 69. Vyana: Department of Oriental Studies, University of Vienna. 1977. səh. 45-53. 2022-06-28 tarixində arxivləşdirilib. İstifadə tarixi: 2022-06-28.
- ↑ Rəhimova Aybəniz. Qulam Məmmədli təzkirəsi. Bakı: Elm və təhsil. 2012. səh. 434.
Ədəbiyyat
redaktə- Paşa Kərimov. Nəş’ə Təbrizi (PDF). Bakı. 2023.