Nəriman Zeynalov

Nəriman Zeynalov
Nəriman Zeynalov
	Nəriman Nəsrulla oğlu Zeynalov
Doğum tarixi	1933
Doğum yeri	Göyçay, Göyçay rayonu, Azərbaycan SSR, ZSFSR, SSRİ;
Vəfat tarixi	1989
Vəfat yeri	Bakı, Azərbaycan SSR, SSRİ;
Təhsili	Bakı Dövlət Universiteti;
Fəaliyyəti	jurnalist, publisist, yazıçı, universitet müəllimi[d]
Üzvlüyü	Azərbaycan Jurnalistlər Birliyi;
Mükafatları

Nəriman Nəsrulla oğlu Zeynalov (1933, Göyçay – 1989, Bakı) — Azərbaycan yazıçısı, jurnalist, filologiya elmləri doktoru (1988), "Qızıl qələm" mükafatı laureatı.^[1]^[2]

Həyatı

1933-cü ildə Göyçay rayonunda anadan olub.^[3] 1956-cı ildə Bakı Dövlət Universitetinin jurnalistika şöbəsini bitirib. İstedadı, təşəbbüskarlığı və çalışqanlıq keyfiyyətləri nəzərə alınaraq universitetin mətbuat tarixi kafedrasında müəllim saxlanılıb. Paralel olaraq, "Xalq qəzeti"ində (o zamankı "Kommunist" qəzeti) ədəbi işçi, şöbə müdiri vəzifələrində çalışıb.

Sonrakı illərdə taleyini BDU-nun jurnalistika fakültəsi ilə bağlayan N. Zeynalov "Molla Nəsrəddin" jurnalının tarixi ilə bağlı 1967-ci ildə namizədlik, 1988-ci ildə isə doktorluq dissertasiyaları müdafiə edib. Azərbaycanın mətbuat tarixi ilə bağlı 2 cildlik dərslik hazırlayıb.

Fəaliyyəti

N. Zeynalov peşəkar fəiliyyətində jurnalistikanın nəzəri və praktik sahələrinə paralel surətdə diqqət ayırıb. O, 1977-ci ildən başlayaraq 10 ilə qədər "Sovet kəndi" qəzetinə redaktorluq edib. Ömrünün son illərində doğma jurnalistika fakültəsinə qayıdan Nəriman müəllim dekan seçilib. 1989-cu ilin yazında dünyasını dəyişib.

N. Zeynalov fədakar mətbuat tarixçisi olmaqla yanaşı, həm də istedadlı publisist, gənc yazarlar üçün ustada çevrilmiş bir qələm sahibi idi. 1971-ci ildə oçerkləri "Qızıl qələm" mükafatına layiq görülüb. "Gümüş dəstəkli qılınc" romanının, "Oğul o kəsdir ki", "Dağlar oğlu", "Bərəkətli torpaq" oçerklər kitablarının müəllifi olub. Dövri mətbuatdakı bir çox hekayə və məqalələri hələ də yaddaşlardadır.

Həmçinin bax

İstinadlar

↑ Zeynalov Nəriman Nəsrulla oğlu // Cəlil Məmmədquluzadə ensiklopediyası. Bakı: Şərq-Qərb. 2008. ISBN 978-9952-448-26-9.
↑ Abdullayev, V. "Zeynalov Nəriman Nəsrulla oğlu". Göyçay ensiklopediyası. 2024-05-25 tarixində arxivləşdirilib. İstifadə tarixi: 2024-10-12.
↑ "Mətbuat Şurasında görkəmli jurnalist Nəriman Zeynalovu anım mərasimi keçirilib". 2021-01-26 tarixində arxivləşdirilib. İstifadə tarixi: 2013-09-22.

[:0-1] Zeynalov Nəriman Nəsrulla oğlu // Cəlil Məmmədquluzadə ensiklopediyası. Bakı: Şərq-Qərb. 2008. ISBN 978-9952-448-26-9.

[2] Abdullayev, V. "Zeynalov Nəriman Nəsrulla oğlu". Göyçay ensiklopediyası. 2024-05-25 tarixində arxivləşdirilib. İstifadə tarixi: 2024-10-12.

[3] "Mətbuat Şurasında görkəmli jurnalist Nəriman Zeynalovu anım mərasimi keçirilib". 2021-01-26 tarixində arxivləşdirilib. İstifadə tarixi: 2013-09-22.

[1]

[2]

[3]