Namiq Nəsrullayev

Namiq Nəsrulla oğlu Nəsrullayev (d. 2 fevral 1945, Bakı, Azərbaycan SSR) — Azərbaycan Respublikasının iqtisadiyyat naziri (1996-2001), Azərbaycan Respublikası Hesablama Palatasının ilk sədri (2001-2007). Azərbaycanın tanınmış dövlət xadimi Nəsrulla Nəsrullayevin oğlu.

Namiq Nəsrullayev
Namiq Nəsrulla oğlu Nəsrullayev
Namiq Nəsrullayev.jpg
bayraqAzərbaycan Respublikası Hesablama Palatasının 1-ci sədribayraq
12 iyun 2001 — 17 aprel 2007
Sələfi vəzifə təsis edilib
Xələfi Heydər Əsədov
bayraqAzərbaycan Respublikasının İqtisadiyyat Naziribayraq
18 noyabr 1996 — 30 aprel 2001
Sələfi Səməd Sadıqov
Xələfi vəzifə ləğv edilib
Şəxsi məlumatlar
Doğum tarixi (76 yaş)
Doğum yeri Bakı, Azərbaycan SSR
Təhsili 1. Azərbaycan Neft və Kimya İnstitutu
2. Moskva Dövlət Universiteti
İxtisası energetik, riyaziyyatçı
Atası Nəsrulla Nəsrullayev
Elmi fəaliyyəti
Elmi dərəcəsi Texnika elmləri namizədi

HəyatıRedaktə

2 fevral 1945-ci ildə Bakı şəhərində anadan olmuş, 1962-ci ildə orta məktəbi, 1967-ci ildə fərqlənmə diplomu ilə M.Əzizbəyov adına Azərbaycan Neft və Kimya İnstitutunun energetika fakültəsini, 1970-ci ildə M.Lomonosov adına Moskva Dövlət Universitetinin tətbiqi riyaziyyat fakültəsini bitirmişdir.

Ailəlidir, 2 övladı var.

Elmi fəaliyyətiRedaktə

1968-ci ildən Moskvada akademik Boris Nikolayeviç Petrovun rəhbərliyi ilə SSRİ Elmlər Akademiyası İdarəetmə Problemləri İnstitutunun aspiranturasında avtomatik idarəetmə və tənzimləmənin invariantlılıq nəzəriyyəsi, ekstremal tənzimləmə sistemləri üzərində işləmişdir.

1978-ci ildə bort nüvə energetikası qurğuları üzrə texnika elmləri namizədi elmi dərəcəsi almışdır.

1978-1987-ci illərdə Azərbaycan Elmlər Akademiyası Kibernetika İnstitutunun direktor müavini, "Kibernetika" XKB-nin direktoru işləmişdir.

1987-ci ildə Azərbaycan "Ulduz" Elm İstehsalat Birliyinin və "Rabitə Sistemləri" Elmi-Tədqiqat İnstitutunun direktoru təyin edilmiş, həmin vəzifələrdə 1995-ci ilədək çalışmışdır.

15 müəlliflik şəhadətnaməsi almış, 32 elmi əsəri nəşr edilmişdir.

Siyasi fəaliyyətiRedaktə

1995-ci ildə Azərbaycan Respublikası İqtisadiyyat nazirinin birinci müavini, 1996-cı ildən 2001-ci ilədək Azərbaycan Respublikasının İqtisadiyyat naziri vəzifəsində fəaliyyət göstərmişdir.

2001-ci ildə Azərbaycan Respublikasının Milli Məclisi tərəfindən Azərbaycan Respublikası Hesablama Palatasının sədri vəzifəsinə təyin edilmiş, 2007-ci ilin aprel ayında səhhəti ilə əlaqədar öz xahişi ilə həmin vəzifədən azad edilmişdir.

MükafatlarıRedaktə

Namiq Nəsrullayev 1973-cü ildə SSRİ Nazirlər Sovetinin xüsusi mükafatı, 1986-cı ildə "Əmək rəşadəti" medalı, 2005-ci ildə Rusiya Federasiyasının Prezidentinin fərmanı ilə "Dostluq" ordeni, 2007-ci ildə Rusiya Federasiyasının Hesablama Palatasının "Fərqlənmə nişanı" ilə təltif edilmişdir.

Xarici keçidlərRedaktə