Nquyen Thi Din

Nquyen Thi Din
Nquyen Thi Din
	vyet. Nguyễn Thị Định
Şəxsi məlumatlar
Doğum tarixi	15 mart 1920
Vəfat tarixi	26 avqust 1992 (72 yaşında)
Vəfat yeri	Bençe, Vyetnam;
Partiya	Vyetnam Kommunist Partiyası;
Fəaliyyəti	siyasətçi
Hərbi xidmət
Qoşun növü	Vyetnam Xalq Ordusu
Döyüşlər	Vyetnam müharibəsi;
Rütbəsi	general-mayor
Elmi fəaliyyəti
Elm sahəsi	siyasət, Vyetnam müharibəsi
	Vikianbarda əlaqəli mediafayllar

Nquyen Thi Din^[2] (vyet. Nguyễn Thị Định; 15 mart 1920 – 26 avqust 1992, Bençe) — Vyetnam inqilabçısı, Cənubi Vyetnamın milli azadlıq hərəkatının lideri.

Həyatı

Nquyen Thi Din və Yozef Urbanoviç

, 1976-cı il]]

Nquyen Thi Din 15 mart 1920-ci ildə Fransa Hind-Çinində, Zyonqçom mahalının Lıonqhoa icmasında kəndli ailəsində anadan olmuşdur. O, 18 yaşında inqilabi mübarizəyə qoşulmuşdur. 1939-cu ildə Fransa müstəmləkəçiliyinə qarşı milli azadlıq hərəkatında iştirak etdiyinə görə həbs edilmiş və 1943-cü ilə qədər həbsdə olmuşdur. Vyetnam imperiyasına son qoyan 1945-ci il Avqust inqilabında fəal iştirak etmişdir. 1945–1954-cü illər Birinci Hind-Çin müharibəsi dövründə Vətənin Xilaskarlığı Uğrunda Qadınlar Assosiasiyasında və Vyetnam Milli Birliyində (Lyen-Vyet) rəhbər işlərdə olmuşdur.

1960-cı ilin yanvarında Mekonq deltasında partizan müharibəsinin kimi prezident Nqo Din Zyem hökumətinə qarşı üsyanın qərargahına rəhbərlik etmişdi.^[3] 1961-ci ildən Cənubi Vyetnamın Azadlığı Uğrunda Qadınlar Birliyinin sədri, Cənubi Vyetnamın Azadlığı Uğrunda Silahlı Qüvvələrin Ali Baş Komandanının müavini olmuşdur. 1964-cü ildən Cənubi Vyetnam Milli Azadlıq Cəbhəsi Mərkəzi Komitəsinin Rəyasət Heyətinin üzvüdür.1975-ci ildə Vyetnam müharibəsi başa çatdıqdan və ölkə birləşdirildikdən sonra Vyetnam Kommunist Partiyasının Mərkəzi Komitəsində işləmişdir. O, Vyetnam Xalq Ordusunda general-mayor hərbi rütbəsini alan ilk qadın olmuşdur.1987-ci ildən ömrünün sonuna kimi Vyetnam Sosialist Respublikasının Milli Assambleyasının sədri (vitse-prezidenti) vəzifəsində çalışmışdır. 26 avqust 1992-ci ildə vəfat etmişdir.