Nuray Rəhman
Nuray Rəhman (16 iyun 2010, Bakı) — Azərbaycanlı musiqiçi.
| Nuray Rəhman | |
|---|---|
| Nuray Əkbər qızı Rəhman | |
| Ümumi məlumatlar | |
| Doğum tarixi | 16 iyun 2010 (13 yaş) |
| Doğum yeri | |
| Vətəndaşlığı | |
| Milliyyəti | Azərbaycanlı |
| Musiqiçi məlumatları | |
| Fəaliyyəti | Musiqiçi (Müğənni, skripka ifaçısı) |
| Fəaliyyət illəri | 2013-cü ildən |
| Janrlar | pop musiqisi, rok, klassik musiqi |
| Albom şirkəti | mikpro.az |
| Əlaqələri | Əkbər Rəhman, Gülnar Rəhman |
| Təhsili |
|
İfa etdiyi bir çox mahnıların müəllifi atası Əkbər Rəhmandır.
Həyat və yaradıcılığı redaktə
Nuray Əkbər qızı Rəhman 16 iyun 2010-cu ildə Bakı şəhərində musiqiçi ailəsində anadan olmuşdur.
Nuray Rəhman yaradıcılıq fəaliyyətinə 2013-cü ildə ANS TV kanalında yayımlanan “İrəmlə uşaqdan böyüyə” verilişi ilə başlamışdır. Bu verilişdə fəal iştirakı ilə xalqın sevimlisinə çevirilən Nuray 2014-cü ildə Bəbir və Ülviyyə Bəbirlilərin təşkil etdiyi “Bu Mənəm” musiqili layihəsində iştirak etməklə peşəkar səhnəyə qədəm qoymuşdur.
2014-cü ildə Azərbaycan Respublikasının Ailə, Qadın və Uşaq Problemləri üzrə Dövlət Komitəsi istedadlı uşaqların uğurlarını ictimaiyyətə çatdırmaq və həvəsləndirmək məqsədilə İctimai televiziyanın “Yeni Gün” səhər proqramında elm-təhsil, idman, yaradıcı-əl işi, rəsm və musiqi sahələri üzrə beynəlxalq səviyyədə uğur qazanmış, həmçinin Komitə tərəfindən kubok və diplomla təltif edilmiş uşaqların iştirakı ilə veriliş təşkil etmişdir, N. Rəhman da bu verilişdə mahnı ifa etmişdir.[1]
2015-ci ildə “Bu Mənəm 2” layihəsində yenidən iştirak etmiş[2], həmin ildən başlayaraq, “Star Kids Group"un təşkil etdiyi tədbirlərin fəxri qonağı olmuş və bu tədbirlər bir neçə il ənənəvi davam etmişdir.
2015-ci ildə Abdulla Şaiq adına Azərbaycan Dövlət Kukla Teatrının nəzdində yaranmış “Oyuq” studiyasının fəal üzvü olmuş[3][4], 2015-ci ilin noyabr ayında “Azərbaycanın Səsi Bala” yarışmasının qalibi olaraq 1-ci yer nominasiyasına layiq görülmüşdür.[5] Həmin ilin dekabr ayında “Türkvision Bala” yarışmasına qatılaraq, 1-ci yerə layiq görülmüşdür.[6][7][8][9]
2016-cı ilin aprel ayında “Xüsusi Təyinatlı İbad” filmində əsir uşaq obrazını ilk rolu olaraq canlandırmış, həmin ildə baş vermiş Aprel döyüşlərindən təsirlənərək ailəsinin dəstəyi və iştirakı ilə söz və musiqisi Şahin Musaoğluna aid olan[10] “İgid Əsgər” mahnısına yeni nəfəs gətirən[11] ilk klipi təqdim olunmuşdur.[12][13] Eyni zamanda sözləri Fikrət Qocaya, musiqisi isə Polad Bülbüloğluna məxsus olan “Mən Mahnı Qoşuram” kinofilmindən olan “Sevimli Diyar” adlı mahnıya çəkilən yeni klipin həmin ilin iyun ayında təqdimatı baş tutmuşdur.
2016-cı ilin may ayında S.Haqverdiyevanın “Ər Quyusu” kinofilmində rol almışdır.
2016-cı ildə 1 iyun “Uşaqların Beynəlxalq Müdafiəsi” günü münasibətilə Azərbaycan Respublikası Mədəniyyət Nazirliyi və Heydər Əliyev Fondunun təşəbbüsü ilə Türkiyənin Antalya şəhərində baş tutmuş “Expo 2016” tədbirində ölkəmizi layiqincə təmsil etmişdir.
2016-cı ilin avqust ayında Xəzər TV-də yayımlanan “Cehizsiz Gəlinlər” teleserialında Gülay obrazını canlandırmışdır.
2016-cı ilin sentyabr ayında Bülbül adına orta ixtisas musiqi məktəbinə fərqlənmə ilə daxil olmuş, həmin ilin dekabr ayında T.Göyçayevin rəhbərlik etdiyi Q.Qarayev adına kamera orkestri ilə Azərbaycan Dövlət Filarmoniyasında solo ifa ederək çıxış etmişdir.
2017-ci ilin mart ayında ilk dəfə az yaşlı uşaq olaraq Nuray Rəhman “Bahar Qızı” seçilmiş, Azərbaycan Prezidenti İlham Əliyev və onun ailəsinə bayram xonçasını təqdim etmişdir.[14] 2017-ci ilin may ayında Ulu Öndər, Ümummilli Lider Heydər Əliyevin anadan olmasının 94-cü ildönümü münasibətilə Heydər Əliyev Mərkəzində keçirilən tədbirdə yenə də kamera orkestrının müşayiəti ilə solo ifa edərək çıxış etmişdir. Həmin ərəfədə Lider TV-də yayımlanan “Hava haqqında” məlumatı qeyri-adi tərzdə təqdim edən azyaşlı aparıcı olmuşdur.
2017-ci ilin iyun ayında Azərbaycan Respublikasının birinci İnsan Hüquqları üzrə Müvəkkili (Ombudsman), kimya elmləri doktoru, professor Elmira Süleymanova tərəfindən “Sülh” medalı və diplomu ilə təltif olunmuşdur. Həmin ilin iyun ayında Azərbaycan Respublikası Mədəniyyət Nazirliyi və Heydər Əliyev Fondunun təşəbbüsü ilə Qazaxıstanın paytaxtı Astana şəhərində keçirilmiş “Expo 2017” tədbirində Azərbaycanı təmsil etmişdir.
2017-ci ilin noyabr ayında Bakı şəhərində keçirilən “Bollywood Night” adlı Hind festivalında kubokla təltif olunmuş, həmin ilin noyabr ayında İctimai TV-nin efirində “Moda Aləmi Uşaqlarla” verilişinin aparıcısı olmuşdur.
2017-ci ilin dekabr ayında Heydər Əliyev Fondunun təşəbbüsü ilə baş tutmuş bir sıra bayram və xeyriyyə tədbirlərində çıxış etmişdir. Xüsusi olaraq Azərbaycan Respublikasının Birinci vitse-prezidenti Mehriban Əliyevanın şəxsən iştirak etdiyi, Buta Palaceda, kimsəsiz uşaqlar üçün keçirilən Yeni il şənliyini qeyd etmək olar
2018-ci ilin aprel ayında Yeni Azərbaycan Partiyası Səbail rayon təşkilatının bütün tədbirlərində, eləcə də Prezident seçkiləri zamanı baş tutmuş yürüyüşlərdə fəal iştirak edərək diplomla təltif olunmuşdur. 2018-ci ilin aprel ayında İlham Əliyevin bir daha prezident seçilməsi münasibətilə Heydər Əliyev Mərkəzinin parkında təşkil olunmuş konsertdə çıxış etmiş və həmin ilin may ayında Azərbaycan Respublikası Veteranlar Təşkilatının sədri, SSRİ-nin ilk və yeganə azərbaycanlı general-polkovniki Tofiq Ağahüseynov tərəfindən “Həzi Aslanov” medalı ilə təltif olunmuşdur.
2018-ci ildə Azərbaycan Xalq Cümhuriyyətinin 100 illik yubileyinə həsr olunmuş bir çox tədbirlərdə çıxışlar etmiş və diplomlarla təltif edilmişdir. 2018-ci ilin iyun ayında “Golden Kids Awards” tərəfindən ilin ən yaxşı vətənpərvər ifaçısı nominasiyasına layiq görülmüşdür. 2018-ci il 1 iyun “Uşaqların Beynəlxalq Müdafiəsi” günü münasibətilə Heydər Əliyev Mərkəzinin parkında Heydər Əliyev Fondunun təşkil etdiyi konsertdə çıxış etmişdir. Həmin ilin iyul ayında yenidən ifa etdiyi “Mehribanım” mahnısının klipi təqdim olunmuşdur.
16 iyun 2018-ci il tarixində öz doğum günündə ilk dəfə olaraq 8 yaşlı Nuray Rəhman Heydər Əliyev Fondunun təşəbbüsü ilə Heydər Əliyev Mərkəzinin parkında solo konsert ilə çıxış etmişdir.
2018-ci ildə Ulu Öndər Heydər Əliyevə həsr olunmuş “Heydərdən Öyrənmişik” əsərini ifa etmiş, 2018-ci ilin dekabr ayında Dövlət Təhlükəsizlik Xidmətinin Mədəniyyət mərkəzində ssenarisi quruluşcu rejissor Zəhra Quliyevaya aid olan “Tıqtıq Xanımın Şaxta Babası” adlı tamaşasında baş rol – “Tıqtıq Xanım” rolunu oynamışdır.
2018-2019 cu illər ərzində yaşadığı Yasamal rayonu, eləcə də dövlət çərçivəsində keçirilən bir sıra vətənpərvər, xeyriyyə tədbirlərində iştirak edərək diplomlarla təltif olunmuşdur.
2019-cu ilin aprel ayında Horadiz şəhərində Azərbaycan Televiziyası (AZTV) tərəfindən təşkil olunan konsertdə çıxış etmişdir. 2019-cu ilin aprel ayında Ü.Bəbirlinin “Ana Vətənim” adlı mahnısını dostları ilə ifa edib və bu telelayihə İctimai TV-də yayımlanmışdır. 2019-cu il 1 iyun “Uşaqların Beynəlxalq Müdafiəsi” Günü münasibətilə Dövlət Təhlükəsizlik Xidmətinin Mədəniyyət Mərkəzində “Qırmızı papaq və Red Muzi” tamaşasında baş rol olaraq “Red Muzi” rolunu canlandırmış, 2019-cu il 3 oktyabr tarixində Türk Dövlətlərinin Əməkdaşlığı Günü və 4 oktyabr Türk Konseyinin 10 llik yubileyi münasibətilə tədbirində iştirak etmişdir. 2019-cu il 5 noyabr tarixində 6-cı Bayraq Festivalında çıxış etmiş, 9 noyabr tarixində isə Bayraq Günü münasibətilə “Azərbaycan Bayrağı” adlı mahnı və klipini təqdim etmişdir.
2019-cu il 3 dekabr tarixində Beynəlxalq Əlillər Günü münasibətilə təşkil olunmuş fiziki məhdudiyyətli uşaqlarla birlikdə səhnədə vətənpərvər mahnılarını ifa etmişdir. 2019-cu il 14 dekabr tarixində Heydər Əliyev Sarayında keçirilən “Zima” musiqi festivalında çıxış etmişdir. 2019-cu ilin 28 dekabr tarixində Azərbaycan Teatr Xadimləri İttifaqında “Tıqtıq Xanımın Saxta Babası” adlı tamaşada çıxış etmişdir.
1-2 yanvar 2020-ci ildə Heydər Əliyev Sarayında uşaqlar üçün təşkil olunmuş “Yeni İl” şənliyində çıxış etmiş, 13 yanvar 2020-ci ildə Rəşid Behbudov adına Mahnı Teatrında keçirilən “Ümüd 2020” festivalında skripka ifasına görə 1-ci yerə layiq görülmüşdür. 2 fevral 2020-ci ildə Azad Azərbaycan Televiziyasında (ATV) yayımlanan “Ailəmiz” serialına dəvət olunmuşdur. 2020-ci il 29 fevral tarixində “Bana Bir Masal Anlat Baba” sosial layihəsini klip şəklində təqdim etmişdir. 16 may 2020-ci il tarixində isə “Evdə Qal” layihəsinə qatılaraq “Nənəm” adlı mahnısını, 2020-ci il 1 iyun “Uşaqların Beynəlxalq Müdafiəsi” Gününə həsr olunmuş “Təbəssüm” adlı mahnısının klipini təqdim etmişdir.
2 iyul 2020-ci ildə isə Daxili İşlər Nazirliyi ilə birlikdə polislərin peşə bayramına həsr edilən “Azərbaycan Polisi” mahnısı və klipi təqdim edilmişdir.[15] Bu mahnının da sözü və musiqisi atası Əkbər Rəhmana aiddir. 2020-ci il 14 oktyabr tarixində 44 gün davam edən Vətən müharibəsinə həsr olunmuş, söz və musiqisi yenə Əkbər Rəhmana aid olan “Döyüş” adlı mahnısı və klipi ictimaiyyətə təqdim edilmişdir.[16]
2018, 2019, 2020-ci illərdə Azərbaycan, Qazaxıstan, Rusiya, İran və s. ölkələrin iştirak etdiyi Beynəlxalq Hərb Oyunları çərçivəsində Azərbaycanda keçirilən “Dəniz Kuboku” yarışlarının təntənəli açılış və bağlanış mərasimlərində çıxış edərək, Müdafiə Nazirliyi tərəfindən xüsusi mükafatla təltif olunmuşdur.
22 dekabr 2020-ci ildə İTV-nin rəhbərliyi ilə Gəncə hadisələrinə (terroruna) həsr edilmiş “Stop” layihəsində iştirak etmişdir.
44 günlük Vətən müharibəsi dövründə Türkiyə Respublikasının Prezidenti Rəcəb Tayyip Ərdoğana Azərbaycana göstərdiyi diqqət və dəstəyə görə, söz və musiqisi Əkbər Rəhmana məxsus olan “Ərdoğan” mahnısı və klipini həsr etmişdir.[17]
1 iyun 2021-ci il tarixində “Əsgərə Xatirə” layihəsinin təşəbbüsü ilə Şəki şəhərində və digər bölgələrdə şəhid ailələrinin və qazilərin övladları üçün təşkil olunmuş “İgid Yadigarları: Xarı Bülbül” uşaq festivalında yeni vətənpərvər mahnıları ilə çıxış etmişdir. 10 noyabr 2021-ci il tarixində Vətən müharibəsində Azərbaycanın torpaqlarının işğaldan azad olunması, həmçinin Zəfər bayramı münasibətilə Ali Baş Komandan İlham Əliyevə təşəkkür rəmzi olaraq “Gəlirik” adlı mahsını ithaf etmişdir.
10 aprel 2022-ci ildə Caspian Events tərəfindən "Altın Zirvə ödulləri" 2022-yə layiq görülmüşdür.
15 may 2022-ci ildə Sumqayıt İdman Olimpiya Kompleksində "Ümummilli lider Heydər Əliyevin anadan olmasının 99-cu ildönümünə həsr olunmuş Fudokan üzrə Sumqayıt şəhər açıq birincilik və çempionatı"nın təntənəli açılış və mükafatlandırılma mərasiminə dəvət olunmuş və orada çıxış etmişdir.
2022-ci ilin iyununda Hərbi Dəniz Qüvvələrində 15 İyun – Milli Qurtuluş Günü münasibətilə keçirilən "Milli Qurtuluşdan Zəfərə doğru!" vətənpərvərlik tədbirində fəal iştirakına görə HDQ-nin komandanı, kontr-admiral Sübhan Bəkirov tərəfindən Fəxri Fərmanla təltif olunub.
16 iyun 2022 tarixində 12 yaşının tamam olması münasibətilə öz doğum günündə, "Nuraylasan" adlı yeni mahnı ve klipinin təqdimatı şəhid övladlarıyla birlikdə keçirilmişdir.[18]
Sinqlları redaktə
- 2019: "Bir kərə yüksəlib, bir daha enməz"[19]
Həmçinin bax redaktə
İstinadlar redaktə
- ↑ "İstedadlı uşaqlarla bağlı televiziya verilişi". 2019-12-31 tarixində arxivləşdirilib. İstifadə tarixi: 2022-07-05.
- ↑ "4 yaşlı Nuray musiqiçi valideynləri ilə duet oxudu FOTOLAR". 2023-08-05 tarixində arxivləşdirilib. İstifadə tarixi: 2022-07-05.
- ↑ ""Oyuq"çular tamaşa və konsert proqramı ilə çıxış ediblər". 2019-06-09 tarixində arxivləşdirilib. İstifadə tarixi: 2022-07-05.
- ↑ ""Oyuq" teatr-studiyası "Ordumuzun igidləri" klipini təqdim edib". 2023-08-05 tarixində arxivləşdirilib. İstifadə tarixi: 2022-07-05.
- ↑ "İnternetdə rekord qıran 5 yaşlı qız klip çəkdirdi (VİDEO)". 2023-08-05 tarixində arxivləşdirilib. İstifadə tarixi: 2022-07-05.
- ↑ ""Bala Turkvizyon" ilk uşaq mahnı müsabiqəsinin qalibi". 2023-08-05 tarixində arxivləşdirilib. İstifadə tarixi: 2022-07-05.
- ↑ "Azərbaycan "Bala Türkvizyon 2015"-in qalibi olub". 2023-08-05 tarixində arxivləşdirilib. İstifadə tarixi: 2022-07-05.
- ↑ "Azərbaycan "Bala Türkvizyon-2015" müsabiqəsində birinci oldu – FOTO". 2023-08-05 tarixində arxivləşdirilib. İstifadə tarixi: 2022-07-05.
- ↑ "Azərbaycan "Bala Turkvizyon-2015" müsabiqəsində qalib oldu – FOTO". 2015-12-28 tarixində arxivləşdirilib. İstifadə tarixi: 2022-07-05.
- ↑ "5-летняя Нурай Рахман о храбрых азербайджанских военнослужащих (ВИДЕО, ФОТО)". 2016-12-06 tarixində arxivləşdirilib. İstifadə tarixi: 2022-07-05.
- ↑ "5 yaşlı Nuraydan möhtəşəm əsgər marşı - Video". 2021-05-14 tarixində arxivləşdirilib. İstifadə tarixi: 2022-07-05.
- ↑ "5 yaşlı Nuray "İgid əsgər"ə klip çəkdirdi (VİDEO)". 2019-11-10 tarixində arxivləşdirilib. İstifadə tarixi: 2022-07-05.
- ↑ "Bu klip sosial şəbəkələrdə rekord qırır Nuray Rəhman: "İgid əsgər, möhkəm dayan"". 2020-10-21 tarixində arxivləşdirilib. İstifadə tarixi: 2022-07-05.
- ↑ "6 yaşlı aktrisamız: "Cənab prezidenti görəndə..." - Foto". 2017-05-19 tarixində arxivləşdirilib. İstifadə tarixi: 2022-07-05.
- ↑ Uşaqlar polisi təbrik etdi - VİDEO[ölü keçid]
- ↑ "Nuraydan "Döyüş" - VİDEO". 2023-08-05 tarixində arxivləşdirilib. İstifadə tarixi: 2022-07-05.
- ↑ "Nuray Ərdoğan haqqında mahnı oxudu – Video". 2023-08-05 tarixində arxivləşdirilib. İstifadə tarixi: 2022-07-05.
- ↑ Nuraydan rəngarəng KLİP: “Nuraylasan”[ölü keçid]
- ↑ "Bir kərə yüksəlib, bir daha enməz" - Nuraydan bayram TƏBRİKİ - VİDEO