Pəri Miniatür
Pəri Miniatür (tam adı: Pərinisə Fazil qızı Əsgərova; d. 16 oktyabr 1976, Naxçıvan rayonu) — Azərbaycan Rəssamlar İttifaqının üzvü, Azərbaycan rəssamı, 1000-dən çox əsərin müəllifi[2], azərbaycanlı miniatürcü qadın rəssam.[3]
| Pəri Miniatür | |
|---|---|
| Pərinisə Əsgərova | |
 | |
| Doğum tarixi | 16 oktyabr 1976 (47 yaş) |
| Doğum yeri | |
| Milliyyəti | azərbaycanlı |
| Vətəndaşlığı |
 SSRİ→ Azərbaycan |
| Fəaliyyəti | rəssam, pedaqoq |
| Təhsili | |
| Janr | miniatür |
| Təsirlənib |
Səttar Bəhlulzadə Faiq Əkbərov[1] |
| Üzvlüyü | |
Həyatı və təhsili redaktə
Pəri Miniatür 1976-cı il oktyabrın 16-da Naxçıvan MR-nın Babək rayonunda anadan olub. 1983-cü ildə Babək rayonu Təzəkənd orta məktəbində ibtidai təhsilini alan rəssam 1993-cü ildə orta təhsilini başa vurmuşdur. 1981–1991-ci illərdə rəngkarlıq, qrafika, heykəltaraşlıq, sənətşünaslıq ixtisasları, habelə teatr, kino, kulturologiya və bədii sənaye incəsənəti üzrə bir sıra yeni ixtisasların açıldığı Azərbaycan Dövlət Mədəniyyət və İncəsənət Universitetində 1993–1997-ci illərdə ali təhsilini almışdır.
Pəri Miniatür 2013-cü ildən Azərbaycan Rəssamlar İttifaqının üzvüdür.
Fəaliyyəti redaktə
2020-ci ildə Azərbaycan, Türkiyə, İran və Özbəkistanın ortaq qeyri-maddi mədəni irsi olaraq UNESCO-da qeydiyyata alınmış miniatür sənətinin layiqli davamçılarından biri də Pəri Miniatürdür.[4] Universitet illərində müəlliminin köməyi ilə miniatür xalça sisteminin incəliklərini öyrənən rəssam miniatür sənətini seçib.[5]
Pəri Miniatürün müxtəlif illərdə Azərbaycanda, həmçinin bir çox ölkələrdə bir sıra beynəlxalq sərgiləri keçirilmiş və o, keçirilən bir çox beynəlxaq sərgilərin də iştirakçısı olmuşdur:[6]
- 2000-ci ildə Türkiyədə fərdi sərgisi keçirilb.
- 2012-ci ildə "Creative Center"də fərdi sərgisi keçirilib.[2]
- 2013-cü ildə "Azerbaijan Art Festival-2013" layihəsinin iştirakçısı olmuşdur.
- 2013-cü ildə "Döyüşçü rəssamların I Respublika sərgisi" iştirakçısı olmuşdur.
- 2013-cü ildə "Xətai Sənət Mərkəzin" də miniatür sərgi iştirakçısı olub.
- 2014-cü ildə "Traditional Arts/Evolution" sərgi iştirakçısı olub.
- 2016-cı ildə İstanbul "Uluslararası 12. Geleneksel Sanatçılar Buluşması" adlı festival sərgi işirakçısı olub.
- 2016-cı ildə Bakı Beynəlxalq Multikulturalizim Mərkəzində "Azərbaycan Ədəbi-Bədii Qaynaqları" layihəsinin iştirakçısı olub.
- 2018-ci ildə İstanbulda "Klassik və modern miniatür" fərdi sərgisi keçirilmişdir. Sərgidə Pəri Miniatürün 31 işi nümayiş etdirilib. Sərgidə Türkiyə prezidenti Rəcəb Tayyib Ərdoğanın baş müşaviri İbrahim Kalın və ailəsi, yazıçı Cemil Meriçin qızı Ümit Meriç və başqa tanınmış simalar da iştirak ediblər.[7]
- 2023-cü ildə Bakı Fotoqrafiya Evində (BFE) II Milli Qurama Festivalı çərçivəsində təşkil olunan “Qurama Art” sərgisində rəsmləri sərgilənmişdir.[8]
2021-ci ildə Fransada çap edilən "Ghazals suivis de aphorismes" adlı kitabın illüstratoru olmuş Pəri Miniatür Beynəlxalq forum döş nişanı ilə də təltif edilmişdir.
Pəri Miniatürün sonuncu keçirilən "Rəngin eşqi" adlı fərdi sərgisi Rəssamlar İttifaqında Mədəniyyət Nazirliyi və Rəssamlar İttifaqının təşkilatçılığı baş tutmuşdur. Sərgidə rəssamın 130-dan çox əsəri nümayiş olunub.[9]
Pəri xanım 30-a yaxın kitabın illüstratorudur.
Qalereya redaktə
-
Sövdələşmə
Həmçinin bax redaktə
İstinadlar redaktə
- ↑ "Əsərlərini mətbəxdə çəkən miniatürçü: "Məni danlayırdılar ki, işlərini niyə corab qiymətinə satırsan?"" (az.). https://modern.az. Archived from the original on 2023-12-08. İstifadə tarixi: 8 dekabr 2023.
- ↑ 1 2 "Pəri Miniatürün 10 əsəri" (az.). https://senet.az. Archived from the original on 2023-07-16. İstifadə tarixi: 30 iyun 2023.
- ↑ Günəş Mərd. "Pəri Miniatür: "Dünyanı qadınlar idarə etsəydi hər şey ədalətli olardı"" (az.). https://kulis.az. Archived from the original on 2023-07-17. İstifadə tarixi: 30 iyun 2023.
- ↑ Ədalət Bayramoğlunun Atatürk mövzulu lövhələri Arxivləşdirilib 2018-10-15 at the Wayback Machinetürk.
- ↑ ""Miniatür sənəti mənim xilasımdır"" (az.). https://525.az/. Archived from the original on 2023-07-16. İstifadə tarixi: 30 iyun 2023.
- ↑ "Əsərləri ilə ölkəmizi Fransada tanıdan PƏRİ MİNİATÜR" (az.). https://qazet.az. Archived from the original on 2023-11-26. İstifadə tarixi: 26 noy 2023.
- ↑ "Ərdoğanın baş müşaviri azərbaycanlı rəssamın sərgisində" (az.). https://kulis.az. Archived from the original on 2023-07-17. İstifadə tarixi: 30 iyun 2023.
- ↑ "Qurama Art sərgisi açıldı" (az.). https://kulis.az. Archived from the original on 2024-01-13. İstifadə tarixi: 13 yanvar 2024.
- ↑ Röya İsrafil. "Rəngin eşqi adlı fərdi sərgi olacaq" (az.). https://www.bayraqdar.info/. Archived from the original on 2023-07-17. İstifadə tarixi: 30 iyun 2023.
Xarici keçidlər redaktə
- Həyatın İçindən Aytən Rəhimlinin təqdimatında
- "Miniatür sənəti mənim xilasımdır..." (az.). https://sim-sim.az. (#archive_missing_date) tarixində arxivləşdirilib. İstifadə tarixi: 30 iyun 2023.
- Mirmehdi Ağaoğlu. "Pəri Miniatür: "İki ay səngərdə yaşadım"" (az.). https://kulis.az. (#archive_missing_date) tarixində arxivləşdirilib. İstifadə tarixi: 30 iyun 2023.
- Pəri Miniatür: Miniatür necə yaranır?
- Peri Miniatur Azerbaijan Art "WOMEN"
- "Miniatür sənəti" UNESCO siyahısında
- TƏHSİLLİ QADINLAR CƏMİYYƏTİ NURLANDIRIR. "QADIN GÜLƏRSƏ" VERİLİŞİ. 07.07.2023
- Pəri Miniatür — Instagram səhifəsi
- Pəri Miniatür — Facebook səhifəsi