Redaktə Seçilmiş məqalə
Gözəl Qoruyucu Seylor Mun: SuperS (美少女戦士セーラームーン SuperS, Bishōjo Senshi Sērā Mūn Sūpāzu?) — "Seylor Mun" animesinin Kunihiko İkuharanın rejissorluğu ilə Toei Animation tərəfindən çəkilmiş 4-cü mövsümü (128-166-cı seriyalar). Animenin digər mövsümlərində olduğu kimi bu mövsümdə də yapon qız Usaqi Tsukino və dostlarının başına gələn macəralardan bəhs olunur. Hekayə iki arkdan ibarətdir. Birinci arkda Peqasus Çibiusanın yuxularını daxil olmaqla onu Ölü Aydan qorumağa çalışır, çünki Ölü Ay dünyaya yiyələnmək yolunda onu öldürmək istəyirlər. İkinci arkda isə həmişə uşaq kimi qalmağı arzulayan Amazon Kvartetindən və Ölü Ayın lideri, Yeri işğal etmək niyyətində olan Kraliça Neheleniyadan bəhs olunur. Mövsüm 4 mart 1995-ci ildə TV Asahi-də yayımlanmağa başlamış və 2 mart 1997-ci ildə başa çatmışdır. Mövsüm 39 seriyadan ibarətdir. Mövsüm 2000-ci ildə Cloverway Inc. tərəfindən Şimali Amerikada ingilis dilində yayımlanmaq üçün lisenziyalaşdırılmışdır. Redaktə Seçilmiş bioqrafiya
Naoko Takeuçi (武内 直子, Takeuchi Naoko?, Yaponca tələffüz: [ta.keꜜ.u͍.tɕi naꜜ.o.ko], d. 15 mart 1967, Kofu) — yapon manqaka. "Codename: Sailor V" (1991-1997) və "Seylor Mun" (1991-1997) manqa seriyalarına görə tanınır. 1985-ci ildə "Yume ja Nai no Ne"-yə görə 2-ci Nakayoşi Komiks Mükafatını, 1986-cı ildə "Sevgi səsi"nə görə Yeni Sənətçi Mükafatını qazanmışdır. Onun yazdığı "Seylor Mun" manqa seriyası dünyada ən məşhur manqa seriyalarından birinə çevrilmişdir. İndiyə qədər bütün dünyada manqanın 35 milyon nüsxəsi satılmışdır. Bu manqa seriyasına görə 1993-cü ildə Kodansya Manqa Mükafatına layiq görülmüşdür. Yaponiyadan xaricdə manqanın anime adaptasiyası daha çox məşhurluq qazanmışdır və Qərbdə Yaponiya animelərinə qarşı maraq böyümüşdür. Kendzi və İkuko Takeuçinin qızı kimi 1967-ci ildə anadan olmuşdur. Özündən yaşça kiçik olan Şinqo adlı qardaşı var. O, ailəsinin üzvlərinin adlarını "Seylor Mun" manqasında istifadə etmişdir. Bunu verdiyi açıqlamaqlarda və müsahibələrdə tez-tez bildirir.
Redaktə Xəbərlər
Redaktə Seçilmiş şəkil
Redaktə Seçilmiş personaj
Seylor Pluton (セーラープルート, Sērā Purūto?) — Naoko Takeuçi tərəfindən yaradılmış "Seylor Mun" manqasından personaj. Əsl adı Setsuna Meyo (冥王 せつな, Meiō Setsuna?) olan Seylor Pluton Günəş sistemini qorumaq üçün yaradılmış Seylor döyüşçüləri komandasının üzvüdür. Seylor Pluton digərlərindən fərqli olaraq əsas vəzifəsi Məkan-zaman darvazasının keşiyində durmaq, bu darvazadan icazəsiz keçmək istəyənləri dayandırmaqdır. Buna görə də Məkan-zaman darvazasını heç vaxt tərk etmir. Gücləri məkan, zaman, yeraltı dünya və qaranlıq ilə əlaqələndirilir. Seylor Pluton "Seylor Mun R" seriyasının axırlarına qədər görünməmişdir. O, zaman darvazalarında keşik çəkən qoruyucudur. Seylor Pluton ilk dəfə Luna-P vasitəsilə Çibiusa ilə əlaqə saxlayarkən görünmüşdür. Seylor Pluton Çibiusaya Balaca Leydi kimi müraciət edir. Çibiusa Seylor Plutonu "Puu" (ingilis versiyasında "Plu") kimi çağırır. Seylor Pluton Çibiusanın qoruyucusu kimi fəaliyyət göstərir. Hekayənin ikinci hissəsindən Seylor Pluton zaman darvazalarını tərk edərək müvəqqəti olaraq adi insan kimi yaşamağa başlamışdır. Redaktə Bilirsinizmi...
Redaktə Seçilmiş sitat
Starlaytlar dedilər mənə...əgər mən təslim olmasam, onlar həmişə mənim yanımda olacaqlar! Mən təslim olsam, hər kəs, doğrudan da, gedə bilər! Buna görə də təslim olmayacağam! Heç vaxt! — Seylor Mun, animenin 200-cü seriyasında düşməni Seylor Qalaksiya qarşısında.
Redaktə Mövzular
 Seylor Mun • Seylor Mun (personaj) • Naoko Takeuçi • Seylor Mun musiqisi • Sailor Moon Crystal seriyalarının siyahısı • Moonlight Densetsu • La Luna Splende • Seylor ulduzları • Seylor Merkuri • Seylor Mars • Seylor Yupiter • Seylor Venera • Çibiusa • Seylor Pluton • Seylor Saturn • Seylor Uran • Seylor Neptun • Moon Pride
Redaktə Vikilayihələr
|
