Resident evil 3: Nemesis (Şərin sakini 3:Nemezida) — Resident evil oyunlar seriyasından olan sayca 3-cü oyundur. 1999-cu ildə PlayStation, 2001-ci ildə isə Windows üçün buraxılmışdır. Oyunu CapcomVirgin İnteractive şirkətləri istehsal etmişlər. 31 dekabr 2007-ci il tarixinə olan məlumata görə oyunun 3.5 milyon nüsxəsi satılmışdır.

SüjetRedaktə

Oyunda hadisələr Resident evil 2-dəki hadisələrdən bir gün əvvəl və bir gün sonra baş verir. Oyunun baş qəhrəmanı Cill Valentayn, onun yardımçısı isə latınamerikalı Karlos Oliveyradır. Resident evil 1-dəki hadisələrdən sonra virus kollektora düşür, oradan da siçovullar vasitəsilə bütün şəhərə yayılır. Nəticədə şəhər əhalisi zombiyə çevrilir. Bundan sonra Cill Avropaya yollanmalı olsa da, bunu bacarmır və təkbaşına şəhərdə zombilərlə savaşmalı olur. Üstəlik onun qarşısında virusun törəməsi olan dəhşətli silah-Nemezida durur...

Oyunun əsasında 2004-cü ildə Şərin sakini:Apokalipsis (Resident evil:Apocalypse) filmi də çəkilmişdir (baş rolda Milla Yovoviç).

Oyunun xüsusiyyətləriRedaktə

  • Oyunu əvvəlki hissələrdən fərqləndirən başlıca xüsusuiyyət müəyyən situasiyalarda necə hərəkət etmək lazım olmasına azad seçim imkanı verilməsidir. Oyunçunun seçimindən oyunun sonrakı inkşafı asılı olur.

QəhrəmanlarRedaktə

  • Cill Valentayn (Jill Valentine)-oyunun baş qəhrəmanı. "Alfa" hərbi dəstəsinin üzvü.
  • Karlos Oliveyra (Carlos Oliveira)-baş qəhrəmanlardan biri. İnsanları xilas etmək üçün şəhərə gəlsə də, özü tələyə düşür və artıq öz həyatı uğrunda mübarizə aparır.
  • Bred Vikers – "Alfa" hərbi dəstəsinin digər üzvü. Oyunun əvvəlində Nemezida tərəfindən öldürülür.
  • Mixail Viktoroviç - rus xüsusi təyinatlısı. Cəsur döyüşçü. Oyunun ortalarında Nemezida tərəfindən öldürülür.
  • Nikolay Zinovyev - rus xüsusi təyinatlısı. Onun məqsədi bütün şahidləri öldürməkdir. Sonluqda onunla bağlı 2 variant var: ya Cill onu raketlə vuraraq öldürür, ya da ki, Nikolay vertolyotla uçub gedir. 2-ci variant daha realdır, çünki Resident evil:Gun survivor adlı hissədə onun Rakun sitidəki hadisələr barədə yazdığı hesabatı tapmaq mümkündür.

SilahlarRedaktə

Oyunda 12 növ silaha rast gəlmək olar.

SonluqlarRedaktə

Oyunu tam keçdikdən sonra epiloq açılır və hansısa bir personajın hadisələrdən sonrakı həyatından bəhs olunur. Ümümilikdə cəmi 8 sonluq mövcuddur və onların hamısının açılması üçün oyunu 8 dəfə keçmək lazımdır.