Tahir Budaqov

Tahir Yaqub oğlu Budaqov (1 yanvar 1965, Naxçıvan) — Azərbaycan Respublikası Dövlət Statistika Komitəsinin sədri, YAP sədrinin müavini – Mərkəzi Aparatın rəhbəri.

Tahir Budaqov
Azərbaycan Respublikası Dövlət Statistika Komitəsinin sədri
Vəzifədədir
13 avqust 2015-ci ildən
(i. e. 14–16 fevral 2024)
Əvvəlki	Arif Vəliyev
Yeni Azərbaycan Partiyası sədrinin müavini – Mərkəzi Aparatın rəhbəri
Vəzifədədir
5 mart 2021-ci ildən
Əvvəlki	Əli Həsənov
Nizami rayon İcra Hakimiyyətinin başçısı
23 sentyabr 2009 – 13 avqust 2015
Əvvəlki	Mehbalı Əliyev
Sonrakı	Arif Qasımov
Azərbaycan Respublikası Prezidentinin Administrasiyasında şöbə müdirinin müavini
2006 – 2009
Azərbaycan Respublikası əmək və əhalinin sosial müdafiəsi nazirinin müavini
1999 – 2006
Şəxsi məlumatlar
Doğum tarixi	1 yanvar 1965(1965-01-01) (59 yaş)
Doğum yeri	Naxçıvan, Naxçıvan MSSR, Azərbaycan SSR, SSRİ
Partiya	Yeni Azərbaycan Partiyası
Təhsili	Azərbaycan Tibb Universiteti
Fəaliyyəti	siyasətçi
Elmi fəaliyyəti
Elmi dərəcəsi	fəlsəfə doktoru
Təltifləri
Vikianbarda əlaqəli mediafayllar

Həyatı

Tahir Budaqov 1965-ci il yanvarın 1-də Azərbaycan Respublikası Naxçıvan MR-in Naxçıvan şəhərində anadan olmuşdur.1981-ci ildə Naxçıvan şəhər 3 saylı orta məktəbini qızıl medalla, 1987-ci ildə Azərbaycan Dövlət Tibb İnstitutunu fərqlənmə diplomu ilə bitirmişdir.

1987–1989-cu illərdə kliniki ordinaturada, 1989–1992-ci illərdə aspiranturada təhsilini davam etdirmişdir. Tibb elmləri namizədidir (1992). 1997–1999-cu illərdə Əlillərin Bərpa Mərkəzinin baş həkimi işləmişdir.

1999–2006-cı illərdə Azərbaycan Respublikası Əmək və Əhalinin Sosial Müdafiəsi nazirinin müavini, 2006–2009-cu illərdə Azərbaycan Respublikası Prezidenti Administrasiyasında şöbə müdirinin müavini, 2009–2015-ci illərdə isə Bakı şəhəri Nizami Rayon İcra Hakimiyyətinin başçısı vəzifələrində çalışmışdır.

Azərbaycan Respublikası Prezidentinin 13 avqust 2015-ci il tarixli Sərəncamı ilə Azərbaycan Respublikasının Dövlət Statistika Komitəsinin sədri vəzifəsinə təyin edilmişdir.

3-cü dərəcə dövlət müşaviridir. 1993-cü ildən YAP-ın, 1999-cu ildən 2021-ci ilədək YAP Siyasi Şurasının üzvü olmuşdur. "SOS Uşaq Kəndləri — Azərbaycan" Assosiasiyasının idarə heyətinin sədridir. 18 noyabr 2017-ci ildə Azərbaycan Respublikasının Prezidenti İlham Əliyevin sərəncamı ilə "Əməkdar dövlət qulluqçusu" fəxri adı verilmişdir.

Yeni Azərbaycan Partiyasının VII qurultayında (5 mart 2021-ci il) YAP İdarə Heyətinin üzvü seçilib. Həmin gün YAP Sədrinin qərarı ilə YAP Sədrinin Müavini və YAP Mərkəz Aparatının rəhbəri təyin olunmuşdur.

Ailəsi

Evlidir, 3 övladı var.