Taleh Ziyadov
Taleh Məhəmməd oğlu Ziyadov — "Bakı Beynəlxalq Dəniz Ticarət Limanı" QSC-nin Baş direktoru. 17 noyabr 2014-cü ildə Azərbaycan Respublikası Prezidentinin sərəncamı əsasında Bakı Beynəlxalq Dəniz Ticarət Limanının Baş direktoru vəzifəsinə təyin edilib.[1] 8 dekabr 2021-ci ildə səsvermə nəticəsində Azərbaycan Badminton Federasiyasının yeni prezidenti seçilib.[2]
Bu məqalənin neytrallığı şübhə doğurur. |
| Taleh Ziyadov | |
|---|---|
  | |
Vəzifədədir | |
| 17 noyabr 2014-cü il | |
| Əvvəlki | vəzifə təsis edilib |
| Şəxsi məlumatlar | |
| Doğum tarixi | 1977 |
| Təhsili | |
| Fəaliyyəti | siyasətçi |
| Elmi fəaliyyəti | |
| Elm sahəsi | nəqliyyat, logistika |
Həyatı
redaktəTaleh Ziyadov 1977-ci ildə Bakı şəhərində anadan olub. O, 2002-ci ildə bakalavr təhsilini ABŞ-ın Beloit Kollecində Biznesin idarə edilməsi üzrə alıb. 2005-ci ildə bakalavr təhsilini başa vurduqdan sonra elə həmin ildə ABŞ-ın Corctaun Universitetində Beynəlxalq Münasibətlər və Diplomatiya üzrə magistr dərəcəsi üzrə almışdır. 2015-ci ildə Böyük Britaniyanın Kembric Universitetində siyasi elmlər və beynəlxalq inkişaf sahəsi üzrə fəlsəfə doktoru (PhD) elmi dərəcəsini almışdır.
Onun rəhbərliyi ilə Bakı Beynəlxalq Dəniz Ticarət Limanı rəqəmsallaşma, əməliyyat səmərəliliyinin gücləndirilməsi və dayanıqlı inkişaf sahələrində qabaqcıl mövqe tutaraq Xəzər regionunda lider limanı kimi bir çox uğurlar qazanıb. Belə ki Bakı Beynəlxalq Dəniz Ticarət Limanı regionda xalis/sıfıra yaxın emissiya strategiyasını işləyib hazırlayaraq 2019-cu ildə regionda Avropa Portlar Assosiyasiyasından (ESPO) "EcoPort" sertifikatını alan ilk şirkət olub[3]. 2022-ci ildə Azərbaycanda BMT Qlobal Sazişinə qoşulan ilk dövlət şirkət olaraq ardınca 2024-cü ildə BMT-nin Okean İdarəetmə Koalisiyasına üzv kimi qəbul olub və 2030-cü il BMT-nin dayanıqlı inkişaf məqsədlərinə öz təhfəsini verir.[4]
Taleh Ziyadov, Azərbaycan Badmintonun Federasiyasının prezidenti kimi olimpiya idman növü kimi ümummilli inkişafına və beynəlxalq əməkdaşlığın gücləndirilməsi üçün çalışır.
Ailəlidir, 3 övladı var.
Fəaliyyəti
redaktə2006–2007-ci illərdə Vaşinqtonda Azərbaycan Ticarət Palatasının icraçı direktorunun müavini vəzifəsində çalışıb.[5] 2008-ci ildən etibarən Taleh Ziyadov bir çox yerli özəl və dövlət şirkətlərinə, o cümlədən beynəlxalq qurumlara Azərbaycan və Mərkəzi Asiyada nəqliyyat və logistika məsələləri üzrə məsləhətlər verib və mühazirələr keçib.[6]
Elmi fəaliyyəti
redaktəAzərbaycan Diplomatik Akademiyasının professoru olub. Həmçinin, ADA Universitetinin akademik işlər üzrə dekan müavini və baş elmi işçivəzifəsində çalışıb.
O bir sıra elmi araşdırmaların müəllifidir. Araşdırmalar əsasən Xəzər regionu və zəngin təbii sərvətlərə malik ölkələrdə nəqliyyat, logistika və energetika məsələlərini əhatə edir.[7]
Taleh Ziyadov Mərkəzi Avrasiya vasitəsilə Avro-Asiya ticarət və nəqliyyat şəbəkələrinin strateji təhlilini təqdim edən, inkişaf perspektivlərini əks etdirən “Azərbaycan Mərkəzi Avrasiyada Regional Qovşaq kimi” (Bakı: ADA, 2012) kitabının müəllifidir. Taleh Ziyadov həm də “Beyond of the World” adlı kitabın redaktorudur. Onun həmçinin "Analysis of Current Events", "Central Asia-Caucasus Institute Analyst", "Eurasia Daily Monitor", "Turkish Policy Quarterly", "International Negotiation Journal", və "the Moscow Times" kimi nüfuzlu qəzet və jurnallarda araşdırmaları dərc olunub. O, Johns Hopkins Universiteti tərəfindən 2007-ci ildə dərc edilən Yeni İpək yolu: Böyük Mərkəzi Asiyada Nəqliyyat və Ticarət kitabında Azərbaycanın Qərb-Şərq və Şimal-Cənub nəqliyyat dəhlizlərində Azərbaycanın rolu barədə fəsli yazıb.
İstinadlar
redaktə- ↑ "T.M. Ziyadovun "Bakı Beynəlxalq Dəniz Ticarət Limanı" Qapalı Səhmdar Cəmiyyətinin Baş direktoru təyin edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2024-05-25 tarixində arxivləşdirilib. İstifadə tarixi: 2024-05-25.
- ↑ "Azərbaycan Badminton Federasiyasının yeni prezidenti seçilib". azertag.az. 2022-01-23 tarixində arxivləşdirilib. İstifadə tarixi: 2024-05-26.
- ↑ "Xəzər dənizi hövzəsində "yaşıl liman" adını qazanan ilk Bakı Limanı olub". Report İnformasiya Agentliyi (az.). 2020-06-21. İstifadə tarixi: 2024-12-05.
- ↑ "Bakı Limanı BMT-nin Qlobal Sazişinə qoşulub". Apa.az (az.). İstifadə tarixi: 2024-12-05.
- ↑ "Taleh Ziyadov: Çox mühüm və strateji məkanda yerləşən Bakı Dəniz Limanı böyük əhəmiyyətə malikdir". https://azertag.az/. 2023-10-26 tarixində arxivləşdirilib. İstifadə tarixi: 2024-05-25.
- ↑ "Taleh Ziyadov: "Orta Dəhlizin strateji rolu artır"". Oxu.az (az.). 2024-05-25 tarixində arxivləşdirilib. İstifadə tarixi: 2024-05-25.
- ↑ "Bakı Limanı yenidən "Eco Ports" sertifikatına layiq görülüb". Apa.az (az.). 2024-07-27 tarixində arxivləşdirilib. İstifadə tarixi: 2024-07-27.