Vikipediya

Toşiro Mifune

Toşiro Mifune (yap. 三船 敏郎) — Yaponiya aktyoru. Daha çox rejissor Akira Kurosavanın filmlərindəki rolları ilə tanınır.

Toşiro Mifune
yap. 三船 敏郎
Doğum tarixi
Doğum yeri Sindao, Çin ÇXR
Vəfat tarixi (77 yaşında)
Vəfat yeri Mitaka, Tokio, Yaponiya Yaponiya
Vəfat səbəbi bir neçə orqan çatışmazlığı sindromu, mədəaltı vəzin xərçəngi
Dəfn yeri
Milliyyəti yapon
Vətəndaşlığı Yaponiya Yaponiya
Fəaliyyəti aktyor
Fəaliyyət illəri 1948-1995
İstiqamət kino
Mükafatları "İncəsənət və ədəbiyyat" ordeni kavaleri "Bənövşəyi lent" medalı
IMDb ID0001536
İmzanın şəkli
mifuneproductions.co.jp
Vikianbarın loqosu Vikianbarda əlaqəli mediafayllar

Həyatı

redaktə

Toşiro Mifune 1 aprel 1920-ci ildə Çin Respublikasının Sindao şəhərində yapon ailəsində anadan olmuşdur. Onun atası Tokudzo Mifune tacir olmaqla yanaşı, bir fotoatelyenin sahibi idi. Toşiro ailəsinin 1925-ci ildə köçdüyü Dalyan şəhərində böyüyür. Gəncliyində Toşiro öz atasının fotoatelyesində işləyirdi. 20 yaşına qədər Çində yaşamasına baxmayaraq, bir yapon vətəndaşı kimi Yaponiya ordusunda xidmətə çağırılmışdı.

1946-cı ildə Mifune ordudan tərxis edilir və o, Tokioya gəlir. O, operator köməkçisi kimi "Toho" kino şirkətində işə girir. Bu zaman baş vermiş tətildən sonra kinostudiyadan böyük aktyor qrupu çıxıb getmişdi. Beləliklə, kinostudiya "yeni sima" axtarışına çıxır[1]. Buraya 4000-dən artıq insan qatılır. Mifune isə rejissor Kadziro Yamamotonun diqqətini cəlb edir. Elə bu müsabiqədə Toşiro Mifune aktrisa Satiko Yosimine ilə tanış olur. Sonradan (1950-ci ildə) bu tanışlıq onların evliliyinə gətirib çıxaracaqdı.

Mifunenin iştirakı ilə çəkilən ilk 2 film 1947-ci ildə ekranlara çıxmışdır. Bu filmlər Kadziro Yamamotonun "Yeni səfehlərin zamanı" və Sengiti Taniqutinin "Gümüşü dağların arxasında" idi.

İkinci filmin çəkilişlərində o, Akira Kurosava ilə tanış olur. 1948-ci ildə Akira Kurosavanın çəkdiyi və Toşiro Mifunenin baş rolda oynadığı "Sərxoş mələk" filmi ekranlara çıxır. Elə bu filmdən sonra Kurosava və Mifunenin çoxillik əməkdaşlığı başladı. Mifuneyə beynəlxalq şöhrət gətirən rol isə 1950-ci ildə "Raşomon" filmində ifa etdiyi quldur Tadzyomaru rolu olmuşdur.

1951-ci ildə Akira Kurosava Fyodor Dostoyevskinin "İdiot" romanını ekranlaşdırır. Burada Mifune tacir Roqojin obrazının yapon variantını ifa edir. "Yeddi samuray" isə həm Kurosavanın, həm də Mifunenin yaradıcılığında olduqca vacib olan filmə çevrilir. Filmdə 7 samurayın kəndi quldurlardan qorumalarından bəhs olunur. Mifune burada yalançı samuray Kikutiyo rolunu canlandırmışdı.

Mifune bir çox başqa rejissorların da filmlərində rol almışdır, lakin gündən-günə uğurları artan Kurosava-Mifune əməkdaşlığı nəticəsində "Qan üstündə hakimiyyət", "Gizli qalada üç əclaf", "Cangüdən" kimi növbəti ekran əsərləri ortaya çıxdı. 1962-ci ildə aktyor "Mifune prodakşn" (Mifune Production) şirkətini yaradır.

Mifunenin Akira Kurosava ilə sonuncu işi "Qırmızı saqqal" (1965) filmində olur. Onların arasında yaranmış ziddiyyət bu gözəl əməkdaşlığa son qoyur[2]. Məsələ burasında idi ki, Toşiro Mifune samuray obrazından yenidən istifadə etmək istəyirdi. Kurosava isə onun bu təklifilə qəti razılaşmırdı.

1960-cı illərin əvvəllərində Mifune fəal surətdə Avropa və Amerika kinosunda çəkilməyə başlayır. Terens Yanqın "Qırmızı günəş" vesternində (1971) o, səfir olan yapon samurayını canlandırmışdı. Bu filmdə onun tərəf-müqabili məşhur aktyor Alen Delon idi. 1979-cu ildə o, Stiven Spilberqin "1941-ci il" satirik komediyasında yapon sualtı qayığının komandiri rolunda çəkilir.

1992-ci ildə Toşiro Mifune ürəyi ilə bağlı ciddi problemlərlə yaşamağa başladı. Bu hadisədən sonra o, bir daha kinoda çəkilmədi. Aktyor Toşiro Mifune 1997-ci ildə vəfat etdi. Onun dəfn mərasimi "Toho", "Mifune Production" və "Kurosawa Production" şirkətləri tərəfindən həyata keçirildi.

Filmoqrafiya

redaktə
İl Azərbaycanca adı Orijinal adı Rol
1947 Gümüşü dağların arxasında yap. 銀嶺の果て Eydzima
1947 Yeni səfehlərin zamanı yap. 新馬鹿時代 前編・後編
1948 Sərxoş mələk yap. 酔いどれ天使 Masunaqa
1949 Sakit döyüş yap. 静かなる決闘 Ködzi Fudzisaki
1949 Kimsəsiz köpək yap. 野良犬 detektiv Murakami
1950 Qalmaqal yap. 醜聞 İtiro Aoe
1950 Raşomon yap. 羅生門 quldur Tadzomaru
1951 Səfeh yap. 白痴 Denkiti Akama
1952 Araki Mataeon: Açar dükanının yanındakı kəsişmədə duel yap. 荒木又右衛門 決闘鍵屋の辻 Araki Mataemon
1952 Yelbeyin O-Harunun həyatı yap. 西鶴一代女 Kasunosuke
1952 Limana gələn kişi yap. 港へ来た男
1954 Yeddi samuray yap. 七人の侍 Kikutiyo
1954 Samuray: Döyüşçünün yolu yap. 宮本武蔵 Takedzo
1954 Ləpədöyənin səsi yap. 潮騒 Utaşima-marunun kapitanı
1955 Samuray 2: Məbəd qarşısında duel yap. 続宮本武蔵　一乗寺の決闘 Takedzo
1956 Samuray 3: Adada döyüş yap. 宮本武蔵完結編　決闘巌流島 Takedzo
1956 Qadın ürəyi yap. 妻の心
1957 Qorxu içində yaşayıram yap. 生きものの記録 Kiiti Nakadzima
1957 Qan üstündə hakimiyyət yap. 蜘蛛巣城 Vasidzu
1957 İki aşiq üçün xoşbəxtlik yap. この二人に幸あれ
1957 Yaqyu qəbiləsinin heyakəti: Nindza sənəti yap. 柳生武芸帳 Tasaburo
1957 Dərinlikdə yap. どん底 Sutekiti
1957 Yaqyu qəbiləsinin gizli dəstəsi yap. 柳生武芸帳 Tasaburo
1958 Muhomasunun həyatı yap. 無法松の一生 Masuqoro
1958 Gizli qalada üç əclaf yap. 隠し砦の三悪人 general Rokurota Makabe
1959 Samuray əfsanəsi yap. 或る剣豪の生涯 Heyhaçiro Komaki
1959 Yaponiyanın doğuluşu yap. 日本誕生 Yamato Takeru
1960 Sakit okenda qasırğa yap. ハワイ・ミッドウェイ大海空戦 太平洋の嵐 Tamon Yamaquçi
1960 Pis adamlar yaxşı yatır yap. 悪い奴ほどよく眠る Koiti Nisi
1961 Osaka qalasının tarixçəsi yap. 大阪城物語 Moheyi
1961 Cangüdən yap. 用心棒 samuray Sandzuro Kuvabatake
1962 Vacib şəxs isp. El hombre importante Animas Truyano
1962 47 ronin yap. 忠臣蔵　花の巻　雪の巻
1962 Cəsur samuray yap. 椿三十郎 Subaki Sandzüro
1963 Cənnət və cəhənnəm yap. 天国と地獄 Kinqo Qondo
1963 Quldur samuray yap. 大盗賊
1963 Sinbadın itirilmiş dünyası yap. 大盗賊 Sukezaymon Naya
1965 Qatil samuray yap. 侍
1965 Qırmızı saqqal yap. 赤ひげ Ködze Niide
1965 Kiskadan geri çəkilmə ing. Retreat from Kiska Omura
1966 Tale qılıncı yap. 大菩薩峠 Toranoske Simada
1966 Böyük mükafat ing. Grand Prix İzo Yamura
1967 Samurayların qiyamı yap. 上意討ち 拝領妻始末 İsaburo Sasahara
1967 Yaponiyanın ən uzun günü yap. 日本のいちばん長い日 Koretika Anami
1968 Kurabe üzərində günəş yap. 黒部の太陽 Kitaqava
1968 Sakit okeanda cəhənnəm ing. Hell in the Pacific kapitan Suruhiko Kuroda
1969 Samuray bayrağı yap. 風林火山 Kansuke Yamamoto
1969 Qırmızı şir yap. 赤毛 Qonzo
1969 Şinsenqumi yap. 新撰組 İsami Kondo
1970 Samurayların döyüşü yap. 座頭市と用心棒 cangüdən
1970 Ölüm dərəsində pusqu yap. 待ち伏せ
1970 Hərbçilər yap. 激動の昭和史 軍閥
1971 Qırmızı günəş fr. Soleil rouge
it. Sole rosso
isp. Sol rojo		 Kuroda Zübey
1975 Kağız pələng ing. Paper Tiger Kaqoyama
1976 Yarı yolda ing. Midway admiral İsoroku Yamamoto
1977 İnsanın sınağı yap. 人間の証明 Qun Yohey
1978 Ako qalasının süqutu yap. 赤穂城断絶 Suçiya Miçinao
1979 1941-ci il ing. 1941 Akiro Mitamura
1979 Ölüm gətirən qış ing. Winter Kills Akiro Mitamura
1980 Söqun yap. 将軍
ing. Shōgun		 Daymö Yosi Toranaqa
1981 Busido qılıncı ing. The Bushido Blade
yap. 武士道ブレード		 Abe Masahiro
1982 İnxon ing. Inchon Saito-San
1982 Çağırış ing. The Challenge Yoşida
1984 Co Petrelin möcüzəsi yap. 海燕ジョーの奇跡 balıqçı
1987 Tora-san şimala gedir yap. 男はつらいよ　知床慕情
1987 Aydan gəlmiş şahzadə yap. 竹取物語 Miyasuko
1989 Çay dəstgahında ustadın ölümü yap. 千利休　本覺坊遺文 Rikü
1992 Canavar kölgəsi ing. Shadow Of The Wolf
fr. Agaguk		 Krumak
1995 Fotoqraf gəlin ing. Picture Bride
yap. ピクチャーブライド		 bensi
1995 Dərin çay yap. 深い河 Sukada

İstinadlar

redaktə
  1. ↑ Биографии знаменитых людей — Тосиро Мифунэ[ölü keçid]
  2. ↑ "ЛЕГЕНДЫ МИРОВОГО КИНО - Портреты". 2013-03-04 tarixində arxivləşdirilib. İstifadə tarixi: 2013-07-17.

Mənbə

redaktə
  • Генс И. Ю. Тосиро Мифунэ. — М.: Искусство, 1974. — 128 с., 23 л. ил. с. — (Мастера зарубежного киноискусства).

Xarici keçidlər

redaktə
 
Vikianbarda Toşiro Mifune ilə əlaqəli mediafayllar var.
Mənbə — "https://az.wikipedia.org/w/index.php?title=Toşiro_Mifune&oldid=7555876"