Veronika ölməyə qərar verir

Veronika ölməyə qərar verir (port. Veronika Decide Morrer) - Paulo Koelyo tərəfindən 1998-ci ildə nəşr etdirilmiş romandır. Romanda 24 yaşlı sloveniyalı qız Veronikanın həyatından bəhs olunur. İstədiyi hər şeyi əldə etmiş Veronika ölməyə qərar verir. Əsərdə qismən Koelyonun şəxsi ruhi xəstəxana təcrübəsi (Xuan Arias tərəfindən yazılmış “Pilqrimin etirafları” adlı bioqrafiyaya baxın) və hissləri təsvir olunmuşdur. Əsərin ümumi ideyası budur ki, “kütləvi dəlilik ağlı başında olma adlandırılır.”

Veronika ölməyə qərar verir
port. Veronika Decide Morrer
Kitabın Azərbaycan dilində nəşrinin üz qabığı
Kitabın Azərbaycan dilində nəşrinin üz qabığı
Müəllif Paulo Koelyo
Janr roman
Orijinalın dili portuqal dili
Ölkələr Braziliya Braziliya
Orijinalın nəşr ili 1998
Tərcüməçi Sevda Kərim
Nəşriyyat Qanun
Əvvəlki A orillas del río Piedra me senté y lloré.
Sonrakı Rio-Pyedranın sahilində oturdum və ağladım
ISBN 978-85-7302-201-8

“Veronika ölməyə qərar verir” bir neçə dəfə müxtəlif ölkələrdə teatrlarda səhnələşdirilmiş, həmçinin roman əsasında film çəkilmişdir.

Bu roman, "Rio-Pyedranın sahilində oturdum və ağladım""Şeytan və senyorita Prim" romanları ilə birlikdə yazıçının "Və yeddinci gün" trilogiyasına daxildir.[1]

Məzmunu redaktə

Veronika Sloveniyanın Lyublyana şəhərində yaşayan gənc və gözəl sloveniyalı qızdır, onun yaxşı həyatı olsa da, həyatda arzuladığı hər şeyi əldə etdiyini düşündüyünə görə sakitləşdirici dərman içərək özünü öldürmək qərarına gəlir. Ölümünü gözləyərkən o, otağında olan jurnalı oxumaq qərarını verir.

Jurnalda “Sloveniya harda yerləşir?” başlıqlı məqaləni gördükdən sonra, jurnalın nəşriyyata məktub yazmaq qərarı verən Veronika sui-qəsdinə haqq qazandıraraq insanların Sloveniyanın hara yerləşməsindən xəbərsiz olmasına qəzəbləndiyini bildirir. Lakin, onun sui-qəsd planı baş tutmur və özünə gəldiyi zaman Vilett adlı ruhi xəstəxanada olduğunu başa düşür. Burada ona ürəyinin ciddi zədələndiyi və bir neçə gün ömrü qaldığı xəbər verilir.

Onun bu xəstəxanada olması bütün pasientlərə, xüsusilə kliniki depressiyadan əziyyət çəkən Zedkaya, panika hücumundan əziyyət çəkən Mariyə və şizofreniyadan əziyyət çəkən Eduarda təsir edir, daha sonra Veronika Eduarda aşiq olduğunu başa düşür. Vilettdə olduğu zaman Veronika başa düşür ki, ətrafındakıların onun haqqında nə düşünməsini vecinə almadan istədiyini edə, istədiyini deyə bilər; ruhi xəstə olduğu üçün heç kim onsuz da onu tənqid etmir. Yeni əldə etdiyi azadlıq hissi sayəsində Veronika, nifrət və sevgi hissləri də daxil olmaqla əvvəllər heç vaxt yaşamadığı hissləri yaşamağa başlayır.

Vilettin baş həkimi Dr. İqor “şok edici” sərt terapiya tətbiq edir, onun təcrübəsinə görə ölümün qaçılmaz və yaxın olmasını hiss etmək insanda yaşama hissi oyatmalıdır.

Nəşrləri redaktə

Veronika ölməyə qərar verir romanının 45 dilə tərcümə hüququ satılmışdır: alban, ərəb, Azərbaycan dili, bolqar, katalan, çin (ənənəvi), çin (sadələşdirilmiş), xorvat, çex, Danimarka dili, holland, ingilis, eston, fars, fin, fransız, Qalisiya dili, gürcü, alman, yunan, ivrit, macar, island, İndoneziya dili, italyan, yapon, Koreya dili, latış, Litva dili, makedon, malay, Norveç dili, polyak, portuqal, rumın, rus, serb, slovak, ispan, İsveç dili, tay, türk, Ukrayna dili və Vyetnam dili.[2]

Adaptasiyaları redaktə

  • “Veronika ölməyə qərar verir” “Das Films” tərəfindən ssenariləşdirilmiş, Muse Productions və Velvet Steamroller Entertainment tərəfindən ekranlaşdırılmışdır. Çəkilişlər 12 may 2008-ci ildə başlamış, film 2009-cu ildə təqdim edilmişdir. Emili Yanqın rejissorluğu ilə çəkilmiş filmdə əsas rolları Sara Mişel Gellar[3], Conatan Taker, Devid Tyulis, Melissa Leo və Erika Kristensen canlandırmışlar.[4]
  • 2005-ci ildə istehsal edilmiş "ベロニカは死ぬことにした (Beronika wa shinu koto ni shita)”[5] Yaponiya filmi də roman əsasında çəkilmişdir.
  • Romanın adı Danimarka metal qrupu “Saturnus” tərəfindən istifadə olunmuş, qrupun üçüncü solo albomu “Veronika Decides to Die” adlandırılmışdır.
  • Aqua Timez adlı Yaponiya rok qrupunun “Velonica” adlı mahnısı romana əsasən yazılmışdır.
  • Billy Talent adlı Kanada rok qrupunun “Saint Veronika” adlı mahnısı romana əsasən yazılmışdır.
  • Rima Xanın rejissorluğu ilə çəkilmiş “Love Mein Gum” adlı film romanın mövzusuna əsaslanır.
  • 2004-cü ildə Los-Ancelesdən olan “Sons of Beckett Theater Company” şirkəti romanı tamaşa ssenarisinə uyğunlaşdırmışdır. Rejissorluq və adaptasiya işini Erin MakBrayd Afrika həyata keçirmişdir.
  • No Comply adlı Britaniya pank/Ska qrupunun “Veronika Decides to Die” adlı mahnısı romana əsasən yazılmışdır.

İstinadlar redaktə

  1. О трилогии «И в день седьмой…» Arxivləşdirilib 2012-09-24 at the Wayback Machine, İstifadə tarixi: 27 noyabr 2015
  2. VERONIKA DECIDES TO DIE Arxivləşdirilib 2015-09-24 at the Wayback Machine, Sant Jordi Asociados Agencia Literaria, İstifadə tarixi:27 noyabr 2015
  3. “VERONIKA DECIDES TO DIE” – Auditions for SAG Feature Starring Sarah Michelle Gellar Arxivləşdirilib 2018-10-31 at the Wayback Machine, freecastingcall.com, İstifadə tarixi: 27 noyabr 2015
  4. Fleming, Michael. "Das Films teams for adaptation". Variety. May 16, 2008. September 3, 2009 tarixində arxivləşdirilib. İstifadə tarixi: 27 noyabr 2015.
  5. "Cinema Topics Online". 2016-04-14 tarixində orijinalından arxivləşdirilib. İstifadə tarixi: 27 noyabr 2015.