Vikipediya:Vəfat etmiş vikipediyaçılar
 | Bu vikipediyaçı vəfat edib. Onun səhifəsi mühafizə olunmaqla xatirəsi burada əziz saxlanılır. |
Bu səhifədə adı göstərilən vikipediyaçılar vəfat etmiş şəxslərdir. Onların xatirəsi hər zaman viki cəmiyyət tərəfindən əziz tutulur və ehtiramla yad edilir. Vikipediyada vəfat etmiş vikipedistlər tərəfindən yaradılan, zənginləşdirilən məqalələr hər zaman mühafizə olunur. Allah rəhmət eləsin!.
2013 redaktə
J vekilov redaktə
Cavanşir Vəkilov — diplomat, pedaqoq, tarix elmləri namizədi (1988), ictimai-siyasi xadim, tarixçi, yazıçı, pedaqoq Mehdixan Vəkilovun oğlu. Cavanşir Vəkilov 1951-ci il fevralın 7-də Bakıda ziyalı ailəsində anadan olmuşdur.
1967-ci ildə 190 nömrəli orta məktəbi bitirmişdir. 1967–1972-ci illərdə Azərbaycan Dövlət Universitetinin Şərqşünaslıq fakültəsinin İran filologiyası şöbəsində təhsil almışdır. Təhsilini başa vurduqdan sonra 1972-ci ilin avqust ayından 1975-ci ilin sentyabrına kimi Əfqanıstanda, 1978-ci ilin oktyabr ayından 1979-cu ilin noyabr ayına kimi İranda tərcüməçi işləmiş, hər iki ölkədə antimonarxist inqilabların şahidi olmuşdur.
1975-ci ilin axırlarında bir neçə ay ərzində Azərbaycan Elmlər Akademiyasının Əlyazmalar fondu, 1976–1992-ci illərdə Elmlər Akademiyasının Şərqşünaslıq İnstitutunda baş laborantdan baş elmi işçiyədək yol keçmiş, 1988-ci ildə "Azərbaycan Respublikasının SSRİ-İran mədəni əlaqələrində iştirakı (1941–46-cı illər)" mövzusunda namizədlik dissertasiyası müdafiə etmişdir.
Cavanşir Vəkilov 2010-cu ilin 3 may tarixində J vekilov istifadəçi adı ilə Azərbaycanca Vikipediyada qeydiyyatdan keçmişdir. Mərhum vəfat edən tarixə qədər ensiklopediyanın fəaliyyətində yaxından iştirak etmişdir. Cavanşir Vəkilov 2013-cü ilin 23 avqust tarixində Xəzər dənizində boğularaq vəfat etmişdir.[1]
Caferi redaktə
Asim Məmmədov — 1994-cü ildə anadan olub. Bakı Dövlət Universitetinin ikinci kurs tələbəsi. 2013-cü ilin 16 noyabr tarixində itkin düşüb, cəsədi hadisədən 10 gün sonra dənizdən tapılıb. Asim Məmmədov Azərbaycanca Vikipediyada 2012-ci ilin 9 mart tarixində Caferi istifadəçi adı ilə qeydiyyatdan keçmişdir.
2022 redaktə
Enver62 və ya Anvar62 redaktə
Ənvər Çingizoğlu — azərbaycanlı yazıçı, publisist, geneoloq, Avrasiya Yazıçılar (2007), Azərbaycan Jurnalistlər birliklərinin (1987), Azərbaycan Tarixi Şəcərə cəmiyyətinin üzvü (2003); "Qızıl qələm" mükafatı laureatı (2012), Əməkdar mədəniyyət işçisi (2019).
Ənvər Çingizoğlu 10 may 1962-ci ildə Cəbrayıl rayonunun Xudayarlı kəndində anadan olub. Əslən Füzuli rayonunun Aşağı Yağləvənd kəndindəndir. 8-ci sinifə qədər Cəbrayıl rayonu Stansiya Xələfli kənd məktəbində (1969–1977), sonra Bakı şəhəri, Nərimanov rayonu 2 saylı Dəmir Yolu Litseyində Azərbaycan bölməsində təhsil alıb (1977–1980). Rusiyanın Xabarovsk şəhərində hərbi xidmətdə olub (1980–1982). Ənvər Çingizoğlu Bakı Dövlət Universitetinin jurnalistika fakültəsində oxuyub (1985–1990). Ənvər Çingizoğlu 1991-ci ildən 1993-cü ilə qədər Füzuli rayonunda "Araz" qəzetində ədəbi işçi kimi çalışıb.
Ənvər Çingizoğlu 1994-cü ildən 2014-cü ilin mart ayınadək Azərbaycan Televiziyası Qapalı Səhmdar Cəmiyyətinin redaktoru, böyük redaktoru, şöbə müdiri vəzifələrində çalışıb. 2014-cü ilin mart ayından Azərbaycantelefilmin Baş redaktor müavini olmuşdur. O, həm də "Soy" dərgisinin baş redaktoru olmuşdur.
Ənvər Çingizoğlu 10 iyul 2022-ci il tarixində vəfat etmişdir.