Vikipediya

Yaqub Mahmudov

Tarixçi-alim

Yaqub Mikayıl oğlu Mahmudov (10 fevral 1939, Baş Göynük, Şəki rayonu) — tarix elmləri doktoru, AMEA-nın həqiqi üzvü,[10] Azərbaycanın[11] və Dağıstanın[12] əməkdar elm xadimi, Azərbaycan Respublikasının Dövlət Mükafatı laureatı,[13][14] BDU-nun Tarix fakültəsinin Qədim dünya və orta əsrlər tarixi kafedrasının müdiri,[15] AMEA-nın müşaviri.[16]

Yaqub Mahmudov
Yaqub Mahmudov.jpg
Digər adı Yaqub Mahmudlu
Doğum tarixi (84 yaş)
Doğum yeri Baş Göynük, Şəki rayonu, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Həyat yoldaşı Almaz Mahmudova
Uşaqları Turxan, Aynur,[1] Gülnur
Atası Mikayıl Mahmud oğlu
Anası Səlmi Hasan qızı[2]
Elm sahəsi tarix
Elmi dərəcəsi tarix elmləri doktoru
Elmi adı akademik
İş yerləri Azərbaycan Ensiklopediyası (1966-1975), ADPU (1968-1981), BDU (1981-), AMEA (2004-)
Təhsili Balakən rayonu Sarıbulaq kənd tam orta məktəbi (-1956),[3] BDU-nun Tarix fakültəsi (1957-1962), BDU-nun Tarix fakültəsinin aspiranturası (1962-1966)
Elmi rəhbəri Ədhəm Şahmalıyev[4]
Tanınmış yetirmələri Ataxan Paşayev, Məlahət İbrahimqızı,[5] Eynulla Mədətli,[6] Tofiq Nəcəfli, Füzuli İsmayılov,[7] Nazim Mustafa, Akif Aşırlı
Tanınır tarixçi-alim
Mühüm layihələri “Azərbaycan tarixi” proqramı (1991),[8] Təhsil Qanunu (1992), “Ata yurdu” dərsliyi, ikicildlik “Azərbaycan Xalq Cümhuriyyəti Ensiklopediyası” (2014), “Azərbaycan tarixi xəritələrdə” atlası (2022)[9]
Mükafatları
"Azərbaycan Respublikasının əməkdar elm xadimi" fəxri adı — 1992 Azərbaycan Respublikasının Dövlət Mükafatı — 2012
"Şərəf" ordeni — 2009 "Şöhrət" ordeni — 1999 1-ci dərəcəli "Əmək" ordeni — 2019
"Azərbaycan Xalq Cümhuriyyətinin 100 illiyi (1918–2018)" yubiley medalı "Azərbaycan Polisinin 100 illiyi (1918-2018)" yubiley medalı "Azərbaycan Respublikası dövlət təhlükəsizliyi və xarici kəşfiyyat orqanlarının 100 illiyi (1919-2019)" yubiley medalı
"Azərbaycan Sərhəd Mühafizəsinin 100 illiyi (1919-2019)" yubiley medalı "Azərbaycan Ədliyyəsinin 100 illiyi (1918-2018)" yubiley medalı "Bakı Dövlət Universitetinin 100 illiyi (1919-2019)" yubiley medalı

HəyatıRedaktə

 
Ön cərgə: soldan sağa – Tahirə Bünyadova,[a] Nikolay Baybakov, Tükəzban İsmayılova, Heydər Əliyev, Leyla Bədirbəyli, Yaqub Mahmudov. Arxa cərgə: soldan sağa – Məzahir Abasov, Kamran Hüseynov, Abdulla Muxtarov, Süleyman Ələsgərov, Oqtay Sadıqzadə (Prezident iqamətgahı, 7 mart 1999-cu il).[17]

Yaqub Mahmudov 1939-cu il fevralın 10-da[18] Şəki rayonunun Baş Göynük kəndində anadan olub. 1962-ci ildə Azərbaycan Dövlət Universitetinin (indiki Bakı Dövlət Universiteti) Tarix fakültəsini fərqlənmə diplomu ilə bitirib.[19] 1966-cı ildə “Ağqoyunlu dövlətinin Venesiya ilə qarşılıqlı əlaqələri (XV əsrin 60-70-ci illəri)” mövzusunda namizədlik dissertasiyası,[20] 1989-cu ildə isə M.V.Lomonosov adına Moskva Dövlət Universiteti Tarix fakültəsinin Elmi Şurasında “Ağqoyunlu və Səfəvi dövlətlərinin Qərbi Avropa ölkələri ilə qarşılıqlı əlaqələri (XV əsrin II yarısı – XVII əsrin əvvəlləri)” mövzusunda doktorluq dissertasiyası[21] müdafiə edib.

O, 1966-1975-ci illərdə Azərbaycan Ensiklopediyasında elmi redaktor, böyük elmi redaktor, redaksiya müdiri, elmi işlər üzrə baş redaktor müavini, 1968-1981-ci illərdə Azərbaycan Dövlət Pedaqoji İnstitutunda (indiki ADPU) baş müəllim, dosent və 1981-2004-cü illərdə isə BDU-nun Tarix fakültəsində dosent, kafedra müdiri, dekan müavini və dekan[b] işləyib.[19]

1986-1990-cı illərdə[22] onun təşəbbüsü ilə Respublika Tarix Liseyi yaradılıb, Tarix fakültəsində yeni ixtisaslar – “tarixçi‐arxivşünas”, “tarixçi‐şərqşünas”, “çinşünas”, “tarixçi‐arxeoloq”, “tarixçi‐etnoqraf”, “beynəlxalq münasibətlər”, “sosiologiya”, “psixologiya”, “etnopsixologiya”, “etnososiologiya” və “sosial psixologiya” ixtisasları açılıb, “Azərbaycanın maddi‐mədəniyyət tarixi”, “Dünya azərbaycanlıları: tarixi‐demoqrafiya” elmi‐tədqiqat laboratoriyaları, “Tarixi tədqiqatlarda elektron‐hesablama maşınları və riyazi üsulların tətbiqi” tədris laboratoriyası yaradılıb, qədim türk dili və folklorunun tədrisinə başlanılıb.[23]

1991-ci ildən BDU-nun Tarix fakültəsinin Qədim dünya və orta əsrlər tarixi kafedrasının müdiridir və həmin kafedranın formalaşması onun adı ilə bağlıdır.

Yaqub Mahmudov Azərbaycan Respublikasının yeni təhsil sisteminin yaradılması işində, o cümlədən qəbul proqramlarının tərtibində və təkmilləşdirilməsində, test bankının yaradılmasında, fənlər üzrə metodiki vəsaitlərin hazırlanmasında fəal iştirak edib. 1991‐1992‐ci illərdə Təhsil Konsepsiyası və Təhsil Qanununu[24] hazırlayan ekspert‐işçi qrupuna rəhbərlik edib.[25]

1992-1993-cü illərdə[26] Ali Attestasiya Komissiyası sədrinin müavini və “Azərbaycan Ensiklopediyası” Nəşriyyat-Poliqrafiya Birliyinin baş direktoru vəzifələrində çalışıb.

O, 2004-2021-ci illərdə[27] AMEA-nın Tarix İnstitutunun direktoru olub. 2007-ci ildə AMEA-nın müxbir üzvü, 2017-ci ildə isə AMEA-nın həqiqi üzvü seçilib. 1000-dən çox elmi əsərin müəllifidir. Diplomatiya tarixi, itirilmiş torpaqlar və soyqırımları tarixi istiqamətləri üzrə elmi məktəblər yaradıb. Onun elmi rəhbərliyi ilə 70 nəfər fəlsəfə və elmlər doktoru yetişib.

Yaqub Mahmudovun həmmüəllif və naşiri olduğu fundamental tədqiqatlar – “Qarabağ: real tarix, faktlar, sənədlər”, “Naxçıvan: tarixi və abidələri” və “İrəvan xanlığı: Rusiya işğalı və ermənilərin Şimali Azərbaycan torpaqlarına köçürülməsi” kitabları Dövlət Mükafatına layiq görülüb. O, ikicildlik “Azərbaycan Xalq Cümhuriyyəti Ensiklopediyası”nın baş redaktorudur. 16 cildlik “Seçilmiş əsərləri” çapdan çıxıb. Əsərləri bir çox xarici ölkələrdə (Türkiyə, Pakistan, Rusiya, Böyük Britaniya, ABŞ, Qırğızıstan, Almaniya, Gürcüstan, Macarıstan, Rumıniya, Polşa, Ukrayna, İtaliya, Misir, Cənubi Koreya, İsveç və Meksika) nəşr olunub.[28]

O, Yeni Azərbaycan Partiyası (YAP) Siyasi Şurasının üzvü olub və YAP‐ın I və III qurultaylarında çıxış edib. II, III, IV və V çağırış Azərbaycan Respublikası Milli Məclisinin deputatı seçilib. Prezident seçkilərində Heydər Əliyevin, sonra isə İlham Əliyevin vəkili olub və onların bir sıra rəsmi dövlət səfərlərində[c] iştirak edib. YAP Veteranlar Şurasının üzvüdür.[29]

Ulu Öndər Heydər Əliyev Yaqub Mahmudovun elmi fəaliyyətini yüksək qiymətləndirərək, onu Azərbaycanın “böyük alimi”, “böyük tarixçisi” adlandırıb.[30]

Ailəlidir, 3 övladı var.

Əsas elmi əsərləriRedaktə

  • Azərbaycanın Avropa ölkələri ilə əlaqələri. Bakı: ADU, 1986.
  • Взаимоотношения государств Аккоюнлу и Сефевидов с западноевропейскими странами (II половина XV - начало XVII века). Баку: Изд-во Бакинского университета, 1991.
  • Azərbaycan diplomatiyası (XV‐XVII əsrlər). Bakı: Azərbaycan Universiteti, 1996.
  • Azərbaycan tarixində Heydər Əliyev şəxsiyyəti. Bakı: “Təhsil”, 2002.
  • “Azərbaycan: qısa dövlətçilik tarixi” kitabı (Azərbaycan, rus, ingilis, urdu və ukrain dillərində)
  • “Qarabağ: real tarix, faktlar, sənədlər” kitabı (Azərbaycan, türk, rus, ingilis, ərəb, fransız və alman dillərində - həmmüəllif)
  • “Naxçıvan: tarixi və abidələri” kitabı (Azərbaycan və ingilis dillərində - həmmüəllif)
  • “İrəvan xanlığı: Rusiya işğalı və ermənilərin Şimali Azərbaycan torpaqlarına köçürülməsi” kitabı (Azərbaycan, türk, ingilis, rus, rumın, italyan, ərəb, ispan və alman dillərində - həmmüəllif)[31]
  • “Heydər Əliyev ideyalarının zəfər yürüşü” kitabı (Azərbaycan, rus və ukrain dillərində)
  • Şuşa‐Pənahabad. Bakı: “Təhsil”, 2012. (həmmüəllif)
  • Heydər Əliyev. 2 cilddə. Bakı: Turxan NPB, 2013. (həmmüəllif)
  • İlham Əliyev və Azərbaycan tarix elmi. Bakı: Turxan NPB, 2014.
  • “Azərbaycan xalqının İrəvan və ətrafındakı torpaqlara tarixi varislik hüququ bərpa olunmalıdır” kitabı (Azərbaycan, rus və ingilis dillərində)[32]
  • Azərbaycan Respublikasının tarixi. 2 cilddə. Bakı: Azərbaycan Tarixçiləri İctimai Birliyi, 2016. (həmmüəllif)
  • Azərbaycan xalqına qarşı 1918‐ci il soyqırımları. Bakı: Azərbaycan Tarixçiləri İctimai Birliyi, 2016. (həmmüəllif)
  • “Real tarix və “böyük Ermənistan” uydurması” kitabı (Azərbaycan, türk, rus, ingilis, gürcü, ərəb, fars, alman, ispan, fransız və ibri dillərində)[33]
  • “Saxtakarların yalançı elmi, yaxud ermənisayağı “tarix” kitabı (Azərbaycan, rus, ingilis və gürcü dillərində)

Üzv olduğu akademiyalarRedaktə

  • Azərbaycan Milli Elmlər Akademiyasının həqiqi üzvü
  • Türk Dünyası Araşdırmaları Beynəlxalq Elmlər Akademiyasının həqiqi üzvü[34][35]
  • Beynəlxalq Aytmatov Akademiyasının həqiqi üzvü
  • Lütfi Zadə adına Beynəlxalq Müasir Elmlər Akademiyasının həqiqi üzvü
  • İtaliyanın Beynəlxalq İqtisadi və Sosial Elmlər Akademiyasının həqiqi üzvü
  • Avropa Təbiət Elmləri Akademiyasının həqiqi üzvü[36]
  • İtaliyanın Bonifasiana Akademiyasının həqiqi üzvü
  • Elmlərin İnkişafı üzrə Müstəqil İsrail Akademiyasının həqiqi üzvü[37]

FilmoqrafiyaRedaktə

Təltif və mükafatlarıRedaktə

Haqqında yazılmış əsərlərRedaktə

 
"Ağır sınaqlarda sınmayan böyük alim: Yaqub Mahmudov" kitabının üz qabığı
  • Yaqub Mikayıl oğlu Mahmudlu (Mahmudov). Biblioqrafiya. Bakı: “Altay”, 1998.
  • AMEA Tarix İnstitutu. Elmi əsərlər. XXX cild, 2009 (Görkəmli tarixçi-alim Yaqub Mahmudovun 70 illiyinə həsr edilmiş xüsusi buraxılış).
  • Yaqub Mikayıl oğlu Mahmudlu (Mahmudov). Biblioqrafiya. Təkmilləşdirilmiş və yenidən işlənilmiş 2‐ci nəşri. Bakı: “Təhsil”, 2012.
  • Yeganə Gözəlova. Tarix elmində Yaqub Mahmudov məktəbi. Bakı: “Təhsil”, 2013.
  • Лятиф Шамхал. Во имя Азербайджана. Беседы журналиста с историком. Баку: ИПО Турхан, 2017.
  • Nazim Məmmədov. Akademik Yaqub Mahmudov elmi yaradıcılığında Qarabağ mövzusu. Bakı: “Avropa”, 2018.
  • Yaqub Mikayıl oğlu Mahmudlu (Mahmudov). Biblioqrafiya. Təkmilləşdirilmiş və yenidən işlənilmiş 3‐cü nəşri. Bakı: Turxan NPB, 2019.
  • Şərəfli ömrün bir səhifəsi: Tarix fakültəsi (1986‐1990). Bakı: Turxan NPB, 2019.
  • Yaqub Mahmudovun tarixçilər məktəbi. Bakı: Turxan NPB, 2019.
  • Tanıdığımız və tanımadığımız Yaqub Mahmudov. Bakı: Turxan NPB, 2019.
  • Akademik Tarih ve Düşünce Dergisi, Prof. Dr. Yakup Mahmudov 80. Yıl Armağanı Özel Sayısı, Yıl: 2019, Cilt: VI, Sayı: 5.
  • Nazim Məmmədov. Akademik Yaqub Mahmudov irsində Qarabağda ermənilərin azərbaycanlılara qarşı törətdikləri soyqırımları tarixi. Bakı: “Avropa”, 2021.
  • Nazim Xəlilov, Elnur Nəciyev. Ağır sınaqlarda sınmayan böyük alim: Yaqub Mahmudov. Bakı: “Zərdabi‐Nəşr” MMC, 2022.[62]

Xarici keçidlərRedaktə

Həmçinin baxRedaktə

QeydlərRedaktə

  1. ↑ Tahirə Bünyadova akademik Ziya Bünyadovun həyat yoldaşıdır.
  2. ↑ Yaqub Mahmudov 1986-1990 və 1994-2004-cü illərdə BDU-nun Tarix fakültəsinin dekanı olub.
  3. ↑ Yaqub Mahmudovun iştirak etdiyi rəsmi dövlət səfərləri: İran (29 iyun - 2 iyul 1994-cü il), Pakistan (12-13 aprel 2005-ci il), Xorvatiya (10-12 iyun 2005-ci il) və Cənubi Koreya (23-25 aprel 2007-ci il).

İstinadlarRedaktə

  1. ↑ "Aynur Yaqub qızı Mahmudova" (az.). mektebeqeder.adpu.edu.az. 2023-04-30 tarixində arxivləşdirilib. İstifadə tarixi: 2023-05-01.
  2. ↑ Xəlilov, Nazim; Nəciyev, Elnur. Ağır sınaqlarda sınmayan böyük alim: Yaqub Mahmudov. Bakı: “Zərdabi‐Nəşr” MMC, 2022. — səh. 23. ISBN 978‐9952‐479‐46‐1. Archived from the original on 2023-02-18. İstifadə tarixi: 2023-02-19.
  3. ↑ Həyat və fəaliyyətinin əsas məqamları // Yaqub Mikayıl oğlu Mahmudlu (Mahmudov). Biblioqrafiya. — Bakı: “Altay”, 1998. — səh. 3.
  4. ↑ "Ədhəm Mürsəl oğlu Şahmalıyev (1897-1981)" (az.). history.bsu.edu.az. Archived from the original on 2022-07-06. İstifadə tarixi: 2023-02-19.
  5. ↑ Məlahət İbrahim qızı Həsənova // Yaqub Mahmudovun tarixçilər məktəbi. — Bakı: Turxan NPB, 2019. — səh. 114-115.
  6. ↑ Eynulla Yadulla oğlu Mədətli // Yaqub Mahmudovun tarixçilər məktəbi. — Bakı: Turxan NPB, 2019. — səh. 333-342.
  7. ↑ Füzuli Cahangir oğlu İsmayılov // Yaqub Mahmudovun tarixçilər məktəbi. — Bakı: Turxan NPB, 2019. — səh. 116-119.
  8. ↑ Xəlilov, Nazim; Nəciyev, Elnur. Ağır sınaqlarda sınmayan böyük alim: Yaqub Mahmudov. Bakı: “Zərdabi‐Nəşr” MMC, 2022. — səh. 48. ISBN 978‐9952‐479‐46‐1. Archived from the original on 2023-03-04. İstifadə tarixi: 2023-03-04.
  9. ↑ "Azərbaycan tarixinə dair ilk fundamental atlas nəşr olunub" (az.). azertag.az. 2022-06-22. 2023-03-04 tarixində arxivləşdirilib. İstifadə tarixi: 2023-03-04.
  10. ↑ "Azərbaycan Milli Elmlər Akademiyasının Rəyasət Heyəti AMEA üzvlüyünə seçkilərin nəticələrini təqdim edir" (az.). azertag.az. 2017-05-02. 2017-06-07 tarixində arxivləşdirilib. İstifadə tarixi: 2023-02-20.
  11. ↑ "Xalq təhsili işçilərinə Azərbaycan Respublikasının fəxri adlarının verilməsi haqqında Azərbaycan Respublikası Prezidentinin Fərmanı (4 mart 1992-ci il)" (az.). e-qanun.az. 2023-02-28 tarixində arxivləşdirilib. İstifadə tarixi: 2023-03-01.
  12. ↑ "Указ Президента Республики Дагестан от 29 сентября 2011 года № 154 "О присвоении почетного звания "Заслуженный деятель науки Республики Дагестан"" (rus). e-dag.ru. 2023-02-28 tarixində arxivləşdirilib. İstifadə tarixi: 2023-03-01.
  13. ↑ "2012-ci il üçün Azərbaycan Respublikasının elm sahəsində Dövlət Mükafatının verilməsi haqqında Azərbaycan Respublikası Prezidentinin Sərəncamı (25 may 2012-ci il)" (az.). e-qanun.az. 2022-06-14 tarixində arxivləşdirilib. İstifadə tarixi: 2023-02-21.
  14. ↑ "İlham Əliyev 28 May - Respublika Günü münasibətilə rəsmi qəbulda iştirak etmişdir" (az.). president.az. 2012-05-25. 2023-04-06 tarixində arxivləşdirilib. İstifadə tarixi: 2023-04-06.
  15. ↑ "Qədim dünya və orta əsrlər tarixi kafedrası" (az.). history.bsu.edu.az. Archived from the original on 2023-02-17. İstifadə tarixi: 2023-02-19.
  16. ↑ "AMEA-nın müşavirləri" (az.). science.gov.az. 2023-02-03 tarixində arxivləşdirilib. İstifadə tarixi: 2023-02-19.
  17. ↑ "Azərbaycan Prezidenti Heydər Əliyev görkəmli elm, mədəniyyət, incəsənət xadimlərinə və ictimai xadimlərə "İstiqlal" və "Şöhrət" ordenləri təqdim etmişdir" (az.). lib.aliyev-heritage.org. 2019-09-11 tarixində arxivləşdirilib. İstifadə tarixi: 2023-04-06.
  18. ↑ "Yaqub Mahmudov (1939) - Mədəniyyət TV" (az.). YouTube. 2023-03-01. 2023-03-01 tarixində arxivləşdirilib. İstifadə tarixi: 2023-03-02.
  19. ↑ 1 2 "Akademik Yaqub Mahmudovun 80 yaşı tamam olur" (az.). azertag.az. 2019-02-09. 2022-04-08 tarixində arxivləşdirilib. İstifadə tarixi: 2023-02-19.
  20. ↑ Xəlilov, Nazim; Nəciyev, Elnur. Ağır sınaqlarda sınmayan böyük alim: Yaqub Mahmudov. Bakı: “Zərdabi‐Nəşr” MMC, 2022. — səh. 28. ISBN 978‐9952‐479‐46‐1. Archived from the original on 2023-02-18. İstifadə tarixi: 2023-02-19.
  21. ↑ Xəlilov, Nazim; Nəciyev, Elnur. Ağır sınaqlarda sınmayan böyük alim: Yaqub Mahmudov. Bakı: “Zərdabi‐Nəşr” MMC, 2022. — səh. 37. ISBN 978‐9952‐479‐46‐1. Archived from the original on 2023-02-18. İstifadə tarixi: 2023-02-19.
  22. ↑ Xəlilov, Nazim; Nəciyev, Elnur. Ağır sınaqlarda sınmayan böyük alim: Yaqub Mahmudov. Bakı: “Zərdabi‐Nəşr” MMC, 2022. — səh. 42. ISBN 978‐9952‐479‐46‐1. Archived from the original on 2023-02-18. İstifadə tarixi: 2023-02-19.
  23. ↑ "Yaqub Mahmudov hansı ilklərə imza atıb? - Tarixçilərin ARAŞDIRMASI" (az.). modern.az. 2023-01-23. 2023-05-12 tarixində arxivləşdirilib. İstifadə tarixi: 2023-05-13.
  24. ↑ Xəlilov, Nazim; Nəciyev, Elnur. Ağır sınaqlarda sınmayan böyük alim: Yaqub Mahmudov. Bakı: “Zərdabi‐Nəşr” MMC, 2022. — səh. 50. ISBN 978‐9952‐479‐46‐1. Archived from the original on 2023-02-18. İstifadə tarixi: 2023-02-19.
  25. ↑ Tarixçi-alim Emin Məlikov. "Dəyərli tədqiqat əsəri" (az.). olaylar.az. 2023-02-02. 2023-02-04 tarixində arxivləşdirilib. İstifadə tarixi: 2023-02-18.
  26. ↑ Xəlilov, Nazim; Nəciyev, Elnur. Ağır sınaqlarda sınmayan böyük alim: Yaqub Mahmudov. Bakı: “Zərdabi‐Nəşr” MMC, 2022. — səh. 60. ISBN 978‐9952‐479‐46‐1. Archived from the original on 2023-02-18. İstifadə tarixi: 2023-02-19.
  27. ↑ Əsmər Qabil. "Yaqub Mahmudov Tarix İnstitutunun direktoru vəzifəsindən azad edilib" (az.). apa.az. 2021-01-22. 2021-01-22 tarixində arxivləşdirilib. İstifadə tarixi: 2023-02-19.
  28. ↑ Xəlilov, Nazim; Nəciyev, Elnur. Ağır sınaqlarda sınmayan böyük alim: Yaqub Mahmudov. Bakı: “Zərdabi‐Nəşr” MMC, 2022. — səh. 15. ISBN 978‐9952‐479‐46‐1. Archived from the original on 2023-02-18. İstifadə tarixi: 2023-02-19.
  29. ↑ "Yeni Azərbaycan Partiyasının Veteranlar Şurası" (az.). yap.org.az. 2021-03-23 tarixində arxivləşdirilib. İstifadə tarixi: 2023-02-19.
  30. ↑ "Azərbaycan Respublikasının Prezidenti Heydər Əliyevin Şəki Olimpiya İdman Kompleksinin açılışı mərasimində nitqi" (az.). azertag.az. 2002-11-09. 2023-02-18 tarixində arxivləşdirilib. İstifadə tarixi: 2023-02-19.
  31. ↑ "İrəvan xanlığının tarixindən bəhs edən kitabın alman dilində nəşrinin təqdimatı olub" (az.). azertag.az. 2020-01-13. 2020-05-19 tarixində arxivləşdirilib. İstifadə tarixi: 2023-02-20.
  32. ↑ "Akademik Yaqub Mahmudov İrəvanın ermənilərə verilməsi barədə real faktları açıqlayıb" (az.). azertag.az. 2020-06-07. 2020-06-21 tarixində arxivləşdirilib. İstifadə tarixi: 2023-03-10.
  33. ↑ ""Real tarix və "Böyük Ermənistan" uydurması" kitabı ibri dilində də çap olunub" (az.). azertag.az. 2020-10-10. 2023-02-20 tarixində arxivləşdirilib. İstifadə tarixi: 2023-02-20.
  34. ↑ "Yaqub Mahmudov Türk Dünyası Araşdırmaları Beynəlxalq Elmlər Akademiyasının həqiqi üzvü seçilib" (az.). azertag.az. 2019-07-03. 2019-07-04 tarixində arxivləşdirilib. İstifadə tarixi: 2023-02-20.
  35. ↑ "Akademik Üyeler" (türk). tdauia.org. 2023-04-30 tarixində arxivləşdirilib. İstifadə tarixi: 2023-04-30.
  36. ↑ "Азербайджанское Отделение ЕАЕН" (rus). eanw.info. 2023-04-30 tarixində arxivləşdirilib. İstifadə tarixi: 2023-05-01.
  37. ↑ "Высокая оценка заслуг" (rus). br.az. 2022-12-02. Archived from the original on 2023-02-20. İstifadə tarixi: 2023-02-20.
  38. ↑ "Tarixin izi ilə... Yaqub Mahmudov - sənədli film" (az.). YouTube. 2023-05-07. 2023-05-08 tarixində arxivləşdirilib. İstifadə tarixi: 2023-05-08.
  39. ↑ "İrəvan: gizlədilmiş həqiqətlər - sənədli film" (az.). YouTube. 2017-01-20. 2022-11-13 tarixində arxivləşdirilib. İstifadə tarixi: 2023-02-25.
  40. ↑ "İrevan: gizlenen gerçekler (belgesel, türkçe)" (türk). YouTube. 2019-05-09. 2023-02-24 tarixində arxivləşdirilib. İstifadə tarixi: 2023-02-25.
  41. ↑ "Эривань: сокрытые истины - документальный фильм" (rus). YouTube. 2017-02-07. 2023-03-01 tarixində arxivləşdirilib. İstifadə tarixi: 2023-02-25.
  42. ↑ "Irevan: Hidden Truth - Documentary Film" (ingilis). YouTube. 2017-01-20. 2023-02-24 tarixində arxivləşdirilib. İstifadə tarixi: 2023-02-25.
  43. ↑ "Irevan: Les vérités cachées - Film documentaire" (fransız). YouTube. 2022-04-01. 2023-02-24 tarixində arxivləşdirilib. İstifadə tarixi: 2023-02-25.
  44. ↑ "Zəngəzur - sənədli film" (az.). YouTube. 2018-04-18. 2023-02-24 tarixində arxivləşdirilib. İstifadə tarixi: 2023-02-25.
  45. ↑ "Зангезур - документальный фильм" (rus). YouTube. 2018-04-18. 2023-02-24 tarixində arxivləşdirilib. İstifadə tarixi: 2023-02-25.
  46. ↑ "Zengezur - Documentary Film" (ingilis). YouTube. 2018-04-18. 2023-02-24 tarixində arxivləşdirilib. İstifadə tarixi: 2023-02-25.
  47. ↑ "Qarabağ: əcdadlarımızın mirası (sənədli film, 2018)" (az.). YouTube. 2019-06-03. 2023-02-24 tarixində arxivləşdirilib. İstifadə tarixi: 2023-02-25.
  48. ↑ "Qarabağ: əcdadlarımızın mirası (sənədli film, 2021)" (az.). YouTube. 2022-01-25. 2023-02-24 tarixində arxivləşdirilib. İstifadə tarixi: 2023-02-25.
  49. ↑ "Karabağ: atalarımızın mirası - belgesel film" (türk). YouTube. 2020-11-07. 2023-02-24 tarixində arxivləşdirilib. İstifadə tarixi: 2023-02-25.
  50. ↑ "Карабах: наследие наших предков – документальный фильм" (rus). YouTube. 2019-05-09. 2023-02-24 tarixində arxivləşdirilib. İstifadə tarixi: 2023-02-25.
  51. ↑ "Karabakh: The Legacy of Our Ancestors - documentary film" (ingilis). YouTube. 2019-05-09. 2023-02-24 tarixində arxivləşdirilib. İstifadə tarixi: 2023-02-25.
  52. ↑ "Le Karabagh : l'héritage de nos ancêtres – documentaire" (fransız). YouTube. 2020-11-07. 2023-02-24 tarixində arxivləşdirilib. İstifadə tarixi: 2023-02-25.
  53. ↑ "Y.M.Mahmudovun "Şöhrət" ordeni ilə təltif edilməsi haqqında Azərbaycan Respublikası Prezidentinin Fərmanı (13 fevral 1999-cu il)" (az.). e-qanun.az. 2022-11-05 tarixində arxivləşdirilib. İstifadə tarixi: 2023-02-21.
  54. ↑ "Y.M.Mahmudovun "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı (14 fevral 2009-cu il)" (az.). e-qanun.az. 2020-06-11 tarixində arxivləşdirilib. İstifadə tarixi: 2023-02-21.
  55. ↑ "Y.M.Mahmudovun 1-ci dərəcəli "Əmək" ordeni ilə təltif edilməsi haqqında Azərbaycan Respublikası Prezidentinin Sərəncamı (9 fevral 2019-cu il)" (az.). president.az. 2023-02-20 tarixində arxivləşdirilib. İstifadə tarixi: 2023-02-21.
  56. ↑ Tədqiqatçılar Emin Məlikov, Nazim Xəlilov və Elnur Nəciyev. "Böyük tarixçi" (az.). olaylar.az. 2022-02-03. 2023-02-21 tarixində arxivləşdirilib. İstifadə tarixi: 2023-02-21.
  57. ↑ "Akademik Yaqub Mahmudov Beynəlxalq Atatürk Mükafatına layiq görülüb" (az.). azertag.az. 2020-01-15. 2020-05-06 tarixində arxivləşdirilib. İstifadə tarixi: 2023-02-21.
  58. ↑ ""Yılın Bilim Adamı" Uluslararası Ödülü" (türk). tdauia.org. 2023-05-05 tarixində arxivləşdirilib. İstifadə tarixi: 2023-05-22.
  59. ↑ "Yaqub Mahmudov "Türk dünyasında ilin adamı" beynəlxalq mükafatına layiq görülüb" (az.). azertag.az. 2023-05-01. 2023-05-03 tarixində arxivləşdirilib. İstifadə tarixi: 2023-05-04.
  60. ↑ "Yaqub Mahmudov "Avropada ilin alimi" beynəlxalq mükafatına layiq görülüb" (az.). azertag.az. 2023-05-19. 2023-05-22 tarixində arxivləşdirilib. İstifadə tarixi: 2023-05-22.
  61. ↑ "AMEA-nın Tarix İnstitutu daha bir mükafata layiq görülmüşdür" (az.). azertag.az. 2013-06-03. 2023-04-26 tarixində arxivləşdirilib. İstifadə tarixi: 2023-04-26.
  62. ↑ ""Ağır sınaqlarda sınmayan böyük alim: Yaqub Mahmudov" kitabı nəşr olunub" (az.). azertag.az. 2022-07-04. 2023-02-21 tarixində arxivləşdirilib. İstifadə tarixi: 2023-04-04.
Mənbə — "https://az.wikipedia.org/w/index.php?title=Yaqub_Mahmudov&oldid=7047795"