Yeni Çağ (media qrup)

(Yeni Çağ (Azərbaycan) səhifəsindən istiqamətləndirilmişdir)

"Yeni Çağ"Aqil Ələsgərin təsisçisi və rəhbəri olduğu, Azərbaycanda fəaliyyət göstərən hökumətəmeyilli media-qrup.

Tarixi redaktə

1 fevral 2006-cı ildə Ədliyyə Nazirliyində qeydiyyatdan keçən "Yeni Çağ" qəzetinin rəsmi saytı yenicag.az 2007-ci il sentyabrın 5-də fəaliyyətə başlayıb.[1]

Fəaliyyəti redaktə

"Yenicag.az" İA 2015-ci ilin sentyabr ayından Azərbaycan Mətbuat Şurasının üzvüdür və ölkədə həyata keçirilən ümummilli media layihələrində yaxından iştirak edir. Saytın rəhbəri Aqil Ələsgərdir. İnformasiya agentliyi Azərbaycan həqiqətlərinin xarici ölkələrdə, ilk növbədə Türkiyədə tanıdılması istiqamətində ardıcıl fəaliyyət göstərir. "Yenicag.az"ın dəstəyi ilə Xocalı soyqırımının canlı şahidlərindən olan Dürdanə Ağayevanın "Erməni zindanında 8 gün" kitabı nəşr olunub.[1]

Türkiyədəki 15 iyul çevriliş cəhdindən əvvəl bu cəhdi həyata keçirən şəbəkənin ifşasında fəaliyyət göstərən media qrupun təsisçisi və rəhbəri Aqil Ələsgər həmin təşkilatın Azərbaycanda və Türkiyədə həyata keçirdiyi fəaliyyətinə həsr olunmuş "Terrorun Gülən üzü" və "Səssiz işğal" kitablarını çap etdirib.[1]

2016-cı ilin dekabrından "Yenicag.az"ın türk (Yenicag.info) və rus dili (Yenicag.ru) versiyaları fəaliyyətə başlayıb. Bu gün "Yeni Çağ" Media Qrupuna "Yenicag.az"(az.)), "novayapoxa.com" (Новая Эпоха)(rus.)) və "Yenicag.info"(türk.)), 2018-ci ildən isə "yenicag.tv" domenləri daxildir.[1]

Həmçinin bax redaktə

İstinadlar redaktə

Xarici keçidlər redaktə