Yusif Miroğlu
Yusif Miroğlu — Dəli ürək serialının baş qəhrəmanıdır. Obraz Kənan İmirzalıoğlu tərəfindən canlandırılmışdır.
| Yusif Miroğlu | |
|---|---|
| türk. Yusuf Miroğlu | |
| Dəli ürək personajı | |
| İlk görünmə | Dəli ürək 1-ci seriya |
| Son görünmə | Dəli ürək 113-cü seriya |
| Canlandıran | Kənan İmirzalıoğlu |
| Səsləndirən | Payidar Tüfəkçioğlu |
| Məlumat | |
| Ləqəb(lər)i | Usta |
| Növü | insan |
| Cinsi | kişi |
| Peşə | Avtomobil ustası |
| Titul | Usta |
| Ailə | Nazlı Miroğlu (bacı) |
| Həyat yoldaşı | Zeynəb (öldü) |
| Qohumlar | Nazlı Miroğlu (bacı) |
| Dini | İslam |
| Milliyyəti | Anadolu türkü |
Hələ də hərbi xidmətini davam etdirən Yusuf bir gün məzuniyyət almaq üçün yaşadığı İstanbula gəldiyi zaman hərbi maşına qarşı həyata keçirilən terror hücumunun ortasında qalır. Sağlam düşüncəsi və qəhrəmanlara xas olan instinktiv reflekslə hərəkətə keçərək, hərbi bacarıqlarından və təcrübəsindən istifadə edərək hücumu həyata keçirən terrorçulardan birini tutur və silahını ələ keçirir, digərlərini silahı yerə qoymağa çağırır, lakin bu çağırışa qulaq asmayıb onu nişan alan başqa bir terrorçunu başından vuraraq öldürür. Bu hadisə ölkənin gündəminə çevrilir və onun adı bütün ölkəyə yayılaraq məşhurlaşır. Bundan sonrakı müddətdə baş verən ardıcıl proseslər Yusuf Miroğlunu Birim adlı rəsmi məxfi xidmətin özünəməxsus xüsusi layihəsində işə götürmək üçün axtardığı istedadlı şəxsə və qəddar insanlardan zərər görən məzlumların müraciət etdiyi ümumxalq qəhrəmanına çevirəcəkdir.
Serial ümumilikdə ölkədəki cari problemlərə işıq salmış və bu personaj da həmişə bu problemlərin bir ucunda özünü tapmış və mafiya başçıları, dərin dövlət məmurları, rəsmi dövlət məmurları və hətta müxtəlif məxfi xidmət əməkdaşları ilə mübarizə aparmaq məcburiyyətində qalmışdır.
Yusuf Miroğlu, öz adamları Bozo Sabri və Cihan ilə birlikdə serialın 113-cü final bölümündə Cek adlı düşməni tərəfindən anqarda pusquya salınaraq öldürülmüşdür.