Zahid Avşar Eloğlu

Zahid Avşar Eloğlu
Zahid Avşar Eloğlu
Doğum tarixi	1952
Doğum yeri	Avşar, Ağcabədi rayonu, Azərbaycan SSR, SSRİ;
Təhsili	Gəncə Dövlət Pedaqoji İnstitutu (–1978);
Fəaliyyəti	müəllim, şair
Əsərlərinin dili	Azərbaycan dili
İstiqamət	şeir
Janr	şeir
Üzvlüyü	Azərbaycan Yazıçılar Birliyi,; Yeni Azərbaycan Partiyası;

Zahid Avşar Eloğlu (Zahid Hacıqulu oğlu Quliyev; 1952, Avşar, Ağcabədi rayonu) — Azərbaycan şairi^[1], Azərbaycan Yazıçılar Birliyinin üzvü, Prezident təqaüdçüsü; İdman ustası.

Həyatı

Zahid Avşar Eloğlu 1952-ci ildə Ağcabədi rayonunun Avşar kəndində anadan olmuşdur. 1968-ci ildə Ağcabədi rayon Nizami adına Avşar kənd 1 saylı tam orta məktəbini, 1978-ci ildə Kirovabad Dövlət Pedaqoji İnstitutunu bitirmişdir.^[2]

1970-ci ildə keçmiş DQMV-nin Şuşikənd kənd orta məktəbində pedaqoji fəaliyyətə başlamışdır. 1972–1974-cü illərdə Sovet ordusu sıralarında hərbi xidmətdə olmuşdur. Ordudan tərxis olunduqdan sonra Ağcabədi rayonunun Şənlik və Qaradolaq kənd orta məktəblərində Azərbaycan dili və ədəbiyyat müəllimi, Ağcabədi rayon UGİM-də məşqçi-müəllim işləmişdir. İdman ustasıdır. Komsomol işçisi olmuşdur.

Hal-hazırda N. Abdullayev adına Avşar kənd 2 saylı tam orta məktəbində Azərbaycan dili və ədəbiyyat müəllimi işləyir.

Yaradıcılığı

Zahid Avşar Eloğlunun şeirləri müxtəlif qəzet və dərgilərdə mütamadi çap olunur.^[3]

"Yadıma sən düşürsən" (Bakı, Şirvannəşr, 2005), "Dağlar dağımdır mənim" (Bakı, Şirvannəşr, 2008), "Şəhriyarla söhbət" (Bakı, Yazıçı, 2011), "Haqdan gələn səs" (Bakı, Yazıçı, 2011), "Qoca palıdın dastanı" (Bakı, "Elm və təhsil", 2021) kitablarının müəllifidir.

Üzvülüyü

Zahid Avşar Eloğlu 2011-ci ildən Azərbaycan Yazıçılar Birliyinin üzvüdür. Azərbaycan Aşıqlar Birliyinin V qurultayının və Azərbaycan Yazıçılar Birliyinin XII qurultayının nümayəndəsi olmuşdur. 2008-ci ildən Yeni Azərbaycan Partiyasının üzvüdür.

Mükafatları

Zahid Avşar Eloğlu "Qızıl qələm" mükafatına layiq görülüb. Prezident təqaüdçüsüdür.

Orta Asiya Yazarlar və Tarixçilər Birliyi Yönetiçiləri Konseyi "Yanqi Ovoz" və Böyük "Turan Birimdiqi" medalı ilə tətif olunub.

İstinadlar

↑ "Azərbaycan" jurnalının dekabr sayı çapdan çıxıb Arxivləşdirilib 2022-01-24 at the Wayback Machine. senet.az, 28 dekabr 2017
↑ Adil Misirli. Şairin yeni kitabı işıq üzü görüb Arxivləşdirilib 2021-12-25 at the Wayback Machine. "Aran" qəzeti, 15 oktyabr 2021
↑ Zahid Avşar Eloğlunun şeirləri Arxivləşdirilib 2021-12-24 at the Wayback Machine. — "525-ci qəzet", 23.11.2016

[1] "Azərbaycan" jurnalının dekabr sayı çapdan çıxıb Arxivləşdirilib 2022-01-24 at the Wayback Machine. senet.az, 28 dekabr 2017

[2] Adil Misirli. Şairin yeni kitabı işıq üzü görüb Arxivləşdirilib 2021-12-25 at the Wayback Machine. "Aran" qəzeti, 15 oktyabr 2021

[3] Zahid Avşar Eloğlunun şeirləri Arxivləşdirilib 2021-12-24 at the Wayback Machine. — "525-ci qəzet", 23.11.2016

[1]

[2]

[3]