Çatalcalı Həsən Paşa

Çatalcalı Həsən Paşa (ö. 1631) — I Əhməd, I Mustafa və IV Murad səltənətlərində müxtəlif vəzifələrdə xidmət edən Osmanlı dövlət xadimi.

Çatalcalı Həsən Paşa
Şəxsi məlumatlar
Vəfat tarixi	1631
Vəfat yeri	Yenişəhər, Osmanlı imperiyası
Həyat yoldaşı	Fatma Sultan

Həyatı

Doğum tarixi bilinməsə də, Çatalcalı bir yeniçəri ağasının oğlu olduğu məlumdur. Əndərunda yetişdikdən sonra saray mətbəxində xidmət etməyə başladı. Bu vəzifədə ikən hərəm ağalarından Hacı Mustafa ağanın himayəsinə girdi və çavuşbaşı, 1615-ci ildə qapıçıbaşı, ardından baş miraxur vəzifələrinə gətirildi. 1621-ci ildə bəylərbəyi rütbəsi alaraq kaptan-ı dərya təyin olundu. 1621-ci ildə kaptan-ı dərya olsa da, rəqibi Xəlil Paşanın təşviqi ilə 6 ay sonra vəzifədən alındı. 1626-cı ildə vəzir rütbəsi alaraq divana daxil oldu. Bu vəzifədə ikən 1629-cu ildə Sultan Əhmədin qızlarından Fatma Sultanla nigahlandı. 1631-ci ildə Yenişəhər sancaqbəyi təyin edilsə də, həmin il orada vəfat etdi. Cənazəsi İstanbula gətirilərək Gədikpaşa məhəlləsində (Fateh rayonu) inşa etdirdiyi məscidin həyətinə dəfn edildi.

Mənbə

• Peirce , Leslie P. (1993) Imperial Harem : Women and Sovereignty in the Ottoman Empire 1993, Oxford University Press, ISBN 0-19-508677-5.