İmran Mehdiyev
İmran Mehdiyev Əzim oğlu (21 yanvar 1936, Ordubad, Naxçıvan MSSR – 10 mart 2023) — iqtisadçı, İqtisadi elmləri doktoru, professor, Beynəlxalq Mühəndislik Akademiyasının, Rusiya Maliyyə və İqtisadiyyat Akademiyasının və Azərbaycan Memarlar İttifaqının üzvü olmuşdur.
| İmran Mehdiyev | |
|---|---|
| İmran Mehdiyev Əzim oğlu | |
Azərbaycan Respublikası sənaye tikinti materialları nazirinin birinci müavini | |
| 1991 – 1999 | |
İsmayıllı rayon Partiya Komitəsinin birinci katibi | |
| 1983 – 1989 | |
| Əvvəlki | Qəşəm Aslanov |
Azərbaycan Dövlət Qiymət Komitəsi sədrinin birinci müavini | |
| 1982 – 1983 | |
Naxçıvan MSSR Nazirlər Soveti sədri | |
| 1979 – 1982 | |
| Əvvəlki | Yusif Nəbiyev |
| Sonrakı | Zülfü Hacıyev |
Naxçıvan MSSR Nazirlər Soveti sədrinin birinci müavini | |
| 1976 – 1979 | |
| Sədr | Yusif Nəbiyev |
| Şəxsi məlumatlar | |
| Doğum tarixi | 21 yanvar 1936 |
| Doğum yeri | |
| Vəfat tarixi | 10 mart 2023 (87 yaşında) |
| Fəaliyyəti | memar |
|
|
|
| Təltifləri |
  |
Elmi fəaliyyəti redaktə
- 1967-ci ildə Keçmiş SSRİ Dövlət Tikinti Komitəsinin Beton və Dəmir-Beton Elmi-Tədqiqat İnstitutunun aspiranturasını bitirmiş;
- 1962–1963 və 1968–1971-ci illərdə Azərbaycan SSR Nazirlər Sovetinin tikinti və kommunal təsərrüfatı şöbəsində böyük referent;
- 1971–1976-cı illərdə Bakı Mərmər Məmulatları zavodunun direktoru;
- 1976–1979-cu illərdə Naxçıvan MSSR Nazirlər Soveti sədrinin birinci müavini;
- 1979–1982-ci illərdə Naxçıvan MSSR Nazirlər Soveti sədri;
- 1982–1983-cü illərdə Azərbaycan Dövlət Qiymət Komitəsi sədrinin birinci müavini;
- 1983–1989-cu illərdə Azərbaycan KP İsmayıllı rayon komitəsinin birinci katibi;
- 1991–1999-cu illərdə Azərbaycan Respublikası sənaye tikinti materialları nazirinin birinci müavini və "Azərsənayetikinti" Dövlət Konserinin birinci vitse-prezidenti vəzifələrində çalışmışdır. Azərbaycan Respublikasının Satınalmalar üzrə Dövlət Agentliyinin direktoru vəzifəsində çalışmışdır. İdarəçilik və təşkilatçılıq işi ilə yanaşı, elmi-pedoqoji fəaliyyəətdə göstərir. Üç monoqrafiyanın, üç dərsliyin, 90-dan çox elmi məqalənin, bir neçə ixtiranın müəlifidir. Bir sıra elmi-tədqiqat və tədris institutları elmi şuralarının üzvü, Azərbaycan Dövlət Memarlıq və İnşaat Universitetində tikintinin təşkili və idarə olunması kafedrasının professorudur. Bir sıra mötəbər elmi-texniki konfrans, simpozium və seminarların təşkilatçısı və iştirakçısıdır. İmran Mehdiyev Almaniyanın bir çox universitetlərində məruzələr etmişdir. Azərbaycan KP Naxçıvan Vilayət Komitəsinin büro üzvü olmuş, Naxçıvan MSSR Ali Sovetinin və Azərbaycan SSR Ali Sovetinin deputatı olmuşdur. [1]
İmran Mehdiyev 10 mart 2023-cü ildə 87 yaşında dünyasını dəyişib.[2]
Mükafatları redaktə
İmran Mehdiyev böyük xidmətlərinə görə iki dəfə "Şərəf Nişanı", "Qırmızı Əmək Bayrağı" ordenləri və bir çox medallarla təltif olunmuşdur.
Həmçinin bax redaktə
İstinadlar redaktə
- ↑ NE, II cild,, 2005. səh. 13
- ↑ "Naxçıvanın sabiq rəhbəri vəfat etdi". 2023-03-10 tarixində arxivləşdirilib. İstifadə tarixi: 2023-03-10.