Yusif Nəbiyev
Yusif Mustafa oğlu Nəbiyev (27 dekabr 1926, Şıxmahmud, Naxçıvan MSSR – 1 dekabr 1980, Mingəçevir) — Azərbaycan dövlət xadimi, Naxçıvan MSSR Nazirlər Sovetinin sədri (1970–1979), Azərbaycan Kommunist Partiyası Mingəçevir Şəhər Komitəsinin birinci katibi (1979–1980).
| Yusif Nəbiyev | |
|---|---|
 | |
| iyun 1979 – 1 dekabr 1980 | |
| Əvvəlki | Xalid Kərimov |
| Sonrakı | Aydın Məmmədov |
  | |
| 7 may 1970 – 26 yanvar 1979 | |
| Əvvəlki | Ramazan İsmayılov |
| Sonrakı | İmran Mehdiyev |
| |
| 1963 – 1970 | |
| Şəxsi məlumatlar | |
| Doğum tarixi | 27 dekabr 1926 |
| Doğum yeri | |
| Vəfat tarixi | 1 dekabr 1980 (53 yaşında) |
| Vəfat yeri | |
| Partiya |
|
| Uşağı | |
|
|
|
| Təltifləri |
  |
Həyatı
redaktəYusif Mustafa oğlu Nəbiyev 27 dekabr 1926-cı ildə Naxçıvan MSSR-in Şıxmahmud (hazırda Babək rayonu) kəndində anadan olmuşdur. Əmək fəaliyyətinə 1941-ci ildə Naxçıvan şəhərində Naxçıvan Peşə Kooperasiyası İttifaqında hesabdar kimi başlamışdır.[1] Sonra baş mühasib müavini və baş mühasib vəzifələrində işləmişdir.[2] 1943-cü ildən Tbilis Dəmir Yol Nəqliyyatı Mühəndisləri İnstitutunda oxumuş, 1945-ci ildə Naxçıvan Dövlət Müəllimlər İnstitutunun qiyabi şöbəsinə keçmişdir. 1946-cı ildə bu institutun fizika-riyaziyyat fakültəsini bitirdikdən sonra Naxçıvan fəhlə-gənclər orta məktəbində müəllim işləmişdir.[1]
Yusif Nəbiyev 1947–1950-ci illərdə SSRİ Nazirlər Soveti yanında peşə və istehlak kooperasiyası işləri üzrə baş şöbənin Naxçıvan MSSR üzrə inspektor-müfəttişi olmuşdur. Sonrakı illərdə Naxçıvan MSSR Maliyyə Nazirliyində büdcə şöbəsinin rəisi, dövlət inspektorluğunun büro müdiri vəzifəsində çalışmış, 1953–1956-cı illərdə Leninqraddakı SSRİ Maliyyə Nazirliyinin Ümumittifaq Ali Maliyyə Məktəbinin dinləyicisi olmuşdur.[1] 1956–1958-ci illərdə Naxçıvan Şəhər Maliyyə Şöbəsinin müdiri, 1958–1963-cü illərdə SSRİ Dövlət Bankının Naxçıvan MSSR Kontorunun müdiri vəzifəsində işləmişdir.[3][4]
Yusif Nəbiyev 1963–1970-ci illərdə Naxçıvan MSSR Dövlət Plan Komitəsinin sədri vəzifəsində çalışmış, 1970-ci ildən isə Naxçıvan MSSR Nazirlər Nazirlər Sovetinin sədri olmuşdur.[5] Həmin illərdə qiyabi yolla ÜİK(b)P Mərkəzi Komitəsi yanında Ali Partiya Məktəbini[rus.] bitirmişdir.[2] 1979-cu ilin yanvar ayında Azərbaycan SSR Nazirlər Sovetində nəqliyyat şöbəsinin müdiri vəzifəsinə keçirilmiş, iyun ayında isə Azərbaycan Kommunist Partiyası Mingəçevir Şəhər Komitəsinin birinci katibi seçilmişdir.[1]
1946-cı ildən Sovet İttifaqı Kommunist Partiyasının üzvü olan Yusif Nəbiyev Azərbaycan Kommunist Partiyasının XXVIII və XXIX qurultaylarında Azərbaycan KP Mərkəzi Komitəsinin üzvü seçilmişdir. 8-ci çağırış SSRİ Ali Sovetinin, 9-cu və 10-cu çağırış Azərbaycan SSR Ali Sovetinin[1] və 7–9-cu çağırış Naxçıvan MSSR Ali Sovetinin deputatı olmuşdur.[2] Üç dəfə "Qırmızı əmək bayrağı" ordeni, eləcə də "Əmək igidliyinə görə" medalı ilə təltif edilmişdir.[1]
Yusif Nəbiyev 1 dekabr 1980-ci ildə vəfat etmişdir.[3]
İstinadlar
redaktə- ↑ 1 2 3 4 5 6 Ј. М. Нәбијев // Коммунист. № 278 (17614). 4 декабр 1980-ҹи ил. С. 3.
- ↑ 1 2 3 Nəbiyev Yusif Mustafa oğlu // Naxçıvanda seçkilərin tarixi (1937–2002). Ensiklopedik toplu. Bakı: Qanun. 2003. səh. 246–247.
- ↑ 1 2 Nəbiyev Yusif Mustafa oğlu // Naxçıvan Ensiklopediyası. II cild (Təkmilləşdirilmiş və yenidən işlənmiş ikinci nəşr). Naxçıvan: AMEA Naxçıvan bölməsi. V. Y. Talıbov. 2005. səh. 187. ISBN 5-8066-1468-9.
- ↑ Нәбијев Јусиф Мустафа оғлу // Азәрбајҹан ССР Али Советинин депутатлары. Доггузунҹу чағырыш. Бакы: Азәрбајҹан Дөвләт Нәшријјаты. 1976. С. 254.
- ↑ Nabiev, Iusif Mustafa ogly // Who's Who in the Socialist Countries (ingilis). New York: Saur. 1978. səh. 423. ISBN 0-89664-011-6.
Xarici keçidlər
redaktə- Нахичеванской ССР - АССР - Нахичеванской Автономной Республики // Справочник по истории Коммунистической партии и Советского Союза (1898–1991). 2022-01-19 tarixində arxivləşdirilib. İstifadə tarixi: 2023-01-05.