Əsas menyunu aç

Zülfü Hacıyev (tam adı:Zülfü Saleh oğlu Hacıyev; d. 21 mart 1935, Böyük Məzrə, Basarkeçər rayonu, Ermənistan SSR – ö. 20 noyabr 1991, Xocavənd rayonu, Azərbaycan) — Azərbaycan Respublikası Baş nazirinin müavini (19891991), elmlər namizədi.

Zülfü Hacıyev
Hacıyev Zülfü Saleh oğlu
Zülfü Hacıyev.png azərb. Zülfü Saleh oğlu Hacıyev
bayraqAzərbaycan Respublikası Baş nazirinin müavinibayraq
1989 — 20 noyabr 1991
Şəxsi məlumatlar
Təhsili Azərbaycan Politexnik İnstitutu
İxtisası Mühəndis
Doğum tarixi 21 mart 1935(1935-03-21)[1]
Doğum yeri Böyük Məzrə, Basarkeçər rayonu, Göyçə mahalı,
Ermənistan Sovet Sosialist Respublikası Ermənistan SSR, SSRİ
Vəfat tarixi 20 noyabr 1991 (56 yaşında)
Vəfat yeri Xocavənd rayonu, Azərbaycan
Vəfat səbəbi erməni terroru
Dəfn yeri Birinci Fəxri xiyaban
Atası Saleh Hacıyev
Həyat yoldaşı Səyyarə xanım[1]
Uşaqları Ruslan, Raman, Şölə, Mehparə, Lalə[1]

Mükafatları "Qırmızı Əmək Bayrağı" ordeni SU Order of Friendship of Peoples ribbon.svg "Şərəf Nişanı" ordeni

HəyatıRedaktə

Zülfü Hacıyev 21 mart[1] 1935-ci ildə Göyçə mahalının Basarkeçər rayonunun Böyük Məzrə kəndində anadan olmuşdur.[2] Doğma kənddə orta məktəbi medalla,[1] Azərbaycan Politexnik İnstitutunun inşaat fakültəsini isə fərqlənmə diplomu ilə bitirmişdir.[3] Təyinatla Krasnoarmeysk şəhərinə göndərilib, sıravi mühəndislikdən idarə rəisi vəzifəsinə qədər yüksəlib.[1] Bir müddətdən sonra Sumqayıt şəhərinə qayıtmış, əvvəlcə mühəndis, sonra isə indi adını daşıyan Qırmızı Əmək Bayrağı Ordenli Sənaye Tikinti Nazirliyinin Sumqayıtdakı 1 saylı Tikinti Trestinin rəisi vəzifəsinə irəli çəkilmişdir.[1]

O, Sumqayıt Şəhər İcraiyyə Komitəsinin sədri, Naxçıvan MSSR Nazirlər Sovetinin sədri, Sumqayıt Şəhər Partiya Komitəsinin birinci katibi, 1989-cu ildən 20 noyabr 1991-ci ilədək Azərbaycan Nazirlər Kabinetinin sədr müavini vəzifələrində çalışmış, plenum üzvü, ali və yerli sovetə deputat seçilmişdir. 1976-cı ildən ömrünün sonunadək 4 dəfə Azərbaycan SSR Ali Sovetinin deputatı seçilmişdir.

Zülfü Hacıyev Nazirlər Kabinetinin sədr müavini işlədiyi vaxt həm də Dağlıq Qarabağ üzrə təşkilat komitəsinin üzvü olmuş, son vaxtlar isə həmin komitəyə sədrlik edirdi.

1982-ci ildən 1988-ci ilin mart ayınadək orada tükənməz enerji ilə çalışmışdır. O, Naxçıvana rəhbər vəzifəyə gəldikdən sonra Nazirlər Soveti, onun strukturları dəyişildi, sözün əsl mənasında fəallaşdılar.

MükafatlarıRedaktə

XatirəsiRedaktə

Adının əbədiləşdirilməsiRedaktə

Zülfü Hacıyev qeyrətimiz Qarabağ yolunda qəhrəmanlıqla şəhid olsa da onun adı xalqımızın qan yaddaşında əbədi yaşayacaqdır. Sumqayıtda izi qalan Zülfü müəllimin adı əbədiləşdirilmişdir. Sumqayıtda on dörd il işlədiyi trestə, tikdirdiyi on beş orta məktəbdən birinə, saldırdığı ən geniş, yaraşıqlı küçələrdən birinə Zülfü Saleh oğlu Hacıyevin adı verilmişdir.

Gəncə şəhərində və Sumqayıt şəhərində küçələrdən biri onun adını daşıyır.

Sabirabad rayon 7 saylı tam orta məktəbi, Sumqayıt şəhər 17 saylı orta məktəbləri də Zülfü Hacıyev adınadır.

1982-ci ildə istehsal olunan gəmi (IMO № 7912161) Zülfü Hacıyevin adını daşıyır.[4]

Haqqında yazılanlarRedaktə

2005-ci ildə Əliyev Fərman Nəriman oğlu "Ölümdən güclü" adlı sənədli-publisistik povestini Zülfü Hacıyevin şərəfli ömür yoluna həsr edib. Müəllif kitabda Z.Hacıyevin canlı portretini yaratmağa çalışaraq, Azərbaycanda dövlətçiliyin inkişafı və quruculuq sahəsində onun fəaliyyəti ilə bağlı oxucularda geniş fikir aşılamağa çalışmışdır. Kitabda həmçinin Z.Hacıyev haqqında kövrək xatirələr də öz əksini tapmışdır.[5]

Həmçinin baxRedaktə

İstinadlarRedaktə

  1. 1,0 1,1 1,2 1,3 1,4 1,5 1,6 Ziyəddin Məhərrəmov. "Unudulmaz sazlı-sözlü yurdumuz". Bakı, "Çaşıoğlu", 2001. səh.82-83.
  2. 2,0 2,1 Qədir Aslan (06.06.2009). "HACIYEV ZÜLFÜ" (azərb.). goyche.info. İstifadə tarixi: 2015-02-27. Check date values in: |date= (kömək)
  3. 3,0 3,1 3,2 3,3 Teyyub Qurban (2013). "Ən yaxın tarix". Azərbaycan Milli Kitabxanası (azərb.). anl.az. İstifadə tarixi: 2015-02-27.
  4. "Zülfi Hacıyev"acsc.az saytı  (azərb.) (rus.) (ing.)
  5. "Toplu kataloq". AzLibnet Milli İnformasiya Mərkəzi (azərb.). 2005. İstifadə tarixi: 2015-02-28.

ƏdəbiyyatRedaktə

  1. Qədir Aslan, "Göyçə şəhidləri", Bakı: "İşıq", 1997.
  2. Ziyəddin Məhərrəmov. "Unudulmaz sazlı-sözlü yurdumuz". Bakı, "Çaşıoğlu", 2001. səh.82-83.
  3. Fərman Əliyev. Ölümdən güclü: sənədli-publisistik povest. Bakı: Nərgiz, 2005. - 144 s.
  4. Qəşəm Məhərrəmov, İntiqam Məhərrəmov. "Başı dumanlı Göyçə", Bakı, "EL", 2007. səh.96. ISBN 978-9952-438-09-3
  5. Teyyub Qurban, "Ən yaxın tarix", Ekspress. - 2013. - 11-13 yanvar. - Səh.15.