İsmayıl Hacıyev (akademik)

İsmayıl Muxtar oğlu Hacıyev (21 yanvar 1951, Xanəgah, Culfa rayonu, Naxçıvan Muxtar Respublikası, Azərbaycan) — Azərbaycan Milli Elmlər Akademiyasının həqiqi üzvü, AMEA Naxçıvan Bölməsinin sədri, Azərbaycan Respublikasının Əməkdar elm xadimi, tarix elmləri doktoru, professor, Amerika Birləşmiş Ştatları Nyu-York Elmlər Akademiyasının üzvü (2002), Amerika Birləşmiş Ştatlarının Bioqrafiya İnstitutunun akademiki (2012).

İsmayıl Hacıyev
Doğum tarixi	21 yanvar 1951(1951-01-21) (73 yaş)
Doğum yeri	Xanəgah, Culfa rayonu, Naxçıvan Muxtar Respublikası, Azərbaycan
Elm sahəsi	tarix
Elmi dərəcələri	tarix elmləri doktoru, elmlər doktoru
Elmi adı	professor
İş yeri	Azərbaycan Milli Elmlər Akademiyasının Naxçıvan Bölməsi
Təhsili	Azərbaycan Dövlət Pedaqoji Universiteti
Üzvlüyü	Nyu-York Elmlər Akademiyası, Amerika Bioqrafiya İnstitutu, Azərbaycan Milli Elmlər Akademiyası
Mükafatları
Vikianbarda əlaqəli mediafayllar

Həyatı, elmi-pedaqoji və ictimai fəaliyyətinin əsas tarixləri

İsmayil Hacıyev 1951-ci il yanvarın 21-də Naxçıvan Muxtar Respublikası Culfa rayonunun Xanağa (indiki Xanəgah) kəndində, müəllim ailəsində anadan olmuşdur. 1958–1966-cı illərdə Xanağa kənd səkkizillik məktəbində təhsil almışdır. 1966-cı ildə Culfa rayonunun Göydərə kənd orta məktəbində təhsilini davam etdirmişdir. 1968-ci ildə Göydərə kənd orta məktəbini bitirmiş və Azərbaycan Dövlət Universitetinə qəbul imtahanlarını versə də müsabiqədən keçə bilməmişdir. 1970-ci ildə Azərbaycan Dövlət Pedaqoji İnstitutunun "tarix" ixtisası üzrə I kursuna qəbul olmuşdur.

1974-cü ildə Azərbaycan Dövlət Pedaqoji İnstitutunun "tarix" ixtisasını fərqlənmə diplomu ilə bitirmiş və Culfa rayonunun Xoşkeşin kənd səkkizillik məktəbində tarix müəllimi kimi fəaliyyətə başlamışdır. 1977-ci ildə Yusif Məmmədəliyev adına Naxçıvan Dövlət Pedaqoji İnstitutunun "Pedaqogika və Psixologiya" kafedrasına müsabiqə yolu ilə assistent seçilmişdir. 1978-ci ildə Yusif Məmmədəliyev adına Naxçıvan Dövlət Pedaqoji İnstitutunda müəllimlik fəaliyyətinə başlamışdır. 1984-cü ildə Yusif Məmmədəliyev adına Naxçıvan Dövlət Pedaqoji İnstitutun "Tarix-filologiya" fakültəsinə dekan müavini təyin edilmişdir. 1986-cı ildə Azərbaycan Elmlər Akademiyasının A.A.Bakıxanov adına Tarix İnstitutunda dissertant təsdiq olunmuşdur. 1989-cu ildə Yusif Məmmədəliyev adına Naxçıvan Dövlət Pedaqoji İnstitutun "Sov. İKP və siyasi iqtisad" kafedrasının baş müəllimi seçilmişdir.

1993-cü ildə Naxçıvan Dövlət Universitetinin Elmi Şurasında "Naxçıvan Muxtar Respublikası Azərbaycanın milli dövlətçilik tarixində" adlı doktorluq dissertasiyasının mövzusu təsdiq edilmişdir. 1994-cü ildə Naxçıvan Özəl Universitetin elmi işlər üzrə prorektoru vəzifəsinə təyin edilmişdir. 1995-ci ildə "Azərbaycan tarixi" kafedrasının dosenti elmi adını almışdır. 1995-ci ildə Naxçıvan Özəl Universitetin "ictimai elmlər" kafedrasına müdir təyin edilmişdir. 1996-cı ildə Naxçıvan Dövlət Universitetinin elmi işlər üzrə prorektoru vəzifəsinə təyin edilmişdir. 1997-ci ildə Naxçıvan Dövlət Universitetinin tədris işləri üzrə prorektoru vəzifəsinə təyin edilmişdir. 1997-ci ildə Naxçıvan Dövlət Universitetinin Ankara Universitetinə gedən nümayəndə heyətinə rəhbərlik etmişdir.

1999-cu ildə Naxçıvan Dövlət Universitetində birdəfəlik təşkil olunmuş Dissertasiya Şurasında Ali Attestasiya Komissiyası Rəyasət Heyətinin üzvlərinin iştirakı ilə "Naxçıvan Muxtar Respublikası Azərbaycanın milli dövlətçilik tarixində" mövzusunda doktorluq dissertasiyası müdafiə etmişdir. 2000-ci ildə İkinci çağırış 37 saylı Culfa seçki dairəsindən Naxçıvan MR Ali Məclisinin deputatı seçilmişdir. 2000-ci ildə Tempus proqramı çərçivəsində İngiltərənin Priston Universitetində olmuşdur. 2000-ci ildə Naxçıvan Dövlət Universitetində fəaliyyət göstərən Dissertasiya Şurasının sədr müavini təyin edilmişdir. 2000-ci ildə Azərbaycan Respublikası Təhsil Nazirliyinin Fəxri fərmanı ilə təltif edilmişdir.

2001-ci ildə Dünya Azərbaycanlılarının I qurultayının iştirakçısı olmuşdur. 2002-ci ildə Azərbaycan Respublikasının Prezidenti Heydər Əliyevin sədrliyi ilə AMEA-nın Naxçıvan Bölməsinin yaradılmasına həsr olunmuş müşavirədə çıxış etmişdir. 2002-ci ildə Nyu-York Elmlər Akademiyasının həqiqi üzvü seçilmişdir.

15 yanvar 2003-cü ildə AMEA Naxçıvan Bölməsinin sədri vəzifəsinə təyin edilmiş və AMEA Rəyasət Heyətinin üzvü səlahiyyəti verilmişdir [2]. 2003-cü ildə Naxçıvan Muxtar Respublikası Ali Məclisinin Sədri tərəfindən həmin vəzifəyə təsdiq edilmişdir. 2003-cü ildə Azərbaycan Respublikası Təhsil Nazirliyinin Fəxri fərmanı ilə təltif edilmişdir. 2003-cü ildə AMEA Naxçıvan Bölməsinin sədri və AMEA Rəyasət Heyətinin üzvü seçilmişdir. 2003-cü ildə Azərbaycan Milli Elmlər Akademiyasının həqiqi üzvü seçilmişdir. 2004-cü ildə AMEA-nın "Xəbərlər" jurnalının (Tarix, Fəlsəfə, Hüquq seriyası) redaksiya heyətinin üzvü seçilmişdir. 2005-ci ildə YAP-ın III qurultayında iştirak etmişdir. 2005-ci ildə 6 saylı Culfa-Babək seçki dairəsindən Azərbaycan Milli Məclisinə deputat seçilmişdir. 2006-cı ildə "Tarix və onun problemləri" jurnalının redaksiya heyətinin üzvü seçilmişdir[3].

2006-cı ildə AMEA Naxçıvan Bölməsinin "Xəbərlər" jurnalının baş redaktoru seçilmişdir. 2006-cı ildə Azərbaycan Respublikası Prezidenti yanında Ali Attestasiya Komissiyasının sədrinin əmri ilə üç ixtisas üzrə Dissertasiya Şurasının sədri təsdiq edilmişdir. 2006-cı ildə AMEA A. A. Bakıxanov adına Tarix İnstitutunun Elmi əsərlərinin redaksiya heyətinə üzv seçilmişdir. 27 aprel 2007-ci ildə AMEA Naxçıvan Bölməsinə yenidən sədr seçilmişdir və Naxçıvan Muxtar Respublikası Ali Məclisinin Sədri tərəfindən həmin vəzifəyə təsdiq edilmişdir. 2007-ci ildə "AMEA-nın Xəbərləri" (ictimai elmlər seriyası) jurnalının redaksiya heyətinə üzv seçilmişdir. 2007-ci ildə "AMEA-nın Məruzələri" jurnalının redaksiya heyətinə üzv seçilmişdir.

2009-cu ildə Azərbaycan Respublikası Prezidentinin fərmanı ilə "Əməkdar elm xadimi" fəxri adına layiq görülmüşdür. 2009-cu ildə Türkiyə Cümhuriyyəti Avrasiya Kültür və Sənət Qurumunun mükafatını almışdır. 2009-cu ildə Türkiyə Cümhuriyyəti Hüseyn Qazi Kültür və Sənət Vəqfinin mükafatına layiq görülmüşdür.

2010-cu ildə ABŞ-ın Bioqrafiya İnstitutu tərəfindən Qızıl medala layiq görülmüşdür. 6 noyabr 2010-cu il tarixində 6 saylı Culfa-Babək seçki dairəsindən dördüncü çağırış Azərbaycan Respublikasının Milli Məclisinə deputat seçilmişdir. 2010-cu ildə "Azərbaycan arxeologiyası" jurnalının redaksiya heyətinə üzv seçilmişdir.

24 dekabr 2010-cu il tarixində Azərbaycan Milli Elmlər Akademiyası Rəyasət Heyəti tərəfindən 60 illiyinin keçirilməsi ilə bağlı qərar verilmişdir. 21 yanvar 2011-ci ildə Naxçıvan Muxtar Respublikasında elm və təhsilin inkişafında xidmətlərinə görə Naxçıvan Muxtar Respublikası Ali Məclisinin Fəxri Fərmanı ilə təltif edilmişdir. 2011-ci ildə Azərbaycanda tarix elminin inkişafındakı xidmətlərinə, elmi, elmi-təşkilati fəaliyyətinə görə Azərbaycan Milli Elmlər Akademiyası Rəyasət Heyətinin Fəxri Fərmanı ilə təltif olunmuşdur. 2011-ci ildə "Elm və həyat" jurnalının redaksiya heyətinə üzv seçilmişdir. 2012-ci ildə ABŞ-ın Bioqrafiya İnstitutunun akademiki seçilmişdir.

29 aprel 2013-cü ildə AMEA-nın ümumi yığıncağında AMEA Naxçıvan Bölməsinin sədri seçilmiş və Naxçıvan Muxtar Respublikası Ali Məclisinin Sədri tərəfindən həmin vəzifəyə təsdiq edilmişdir. 10 may 2013-cü il tarixində Azərbaycan xalqının ümummilli lideri Heydər Əliyevin 90 illik yubileyi münasibətilə Naxçıvan Muxtar Respublikası Ali Məclisinin Qızıl medalına layiq görülmüşdür. 2013-cü ildə "AMEA-nın Məruzələri" jurnalının redaksiya heyətinə üzv seçilmişdir. 10 dekabr 2011-ci ildə Azərbaycan Respublikası Prezidentinin Fərmanı ilə Azərbaycan Respublikasının elm, texnika, memarlıq, mədəniyyət və ədəbiyyat üzrə Dövlət Mükafatları Komissiyasına üzv təsdiq edilmişdir. 14–17 iyun 2014-cü il tarixlərində Naxçıvan Muxtar Respublikasının 90 illik yubileyinin Polşanın Krakov şəhərində keçirilməsi ilə əlaqədar nümayəndə heyətinin tərkibində Krakovda olmuşdur. 19 noyabr 2014-cü ildə Respublika Elmi Tədqiqatların Əlaqələndirilməsi Şurasına üzv seçilmişdir.

2015-ci ildə Qarabağ tədqiqatları üzrə "III Şuşa qrantı" müsabiqəsinə təqdim olunan "Böyük güclərin Azərbaycanla bağlı geosiyasi maraqlarında Naxçıvanın yeri və ermənilər tərəfindən törədilən soyqırımların pərdəarxası" layihəsi qalib gəlmişdir. 17 fevral 2016-cı ildə "Naxçıvan tarixi" çoxcildliyi Azərbaycan Milli Elmlər Akademiyası Rəyasət Heyətinin qərarı ilə Dövlət mükafatına təqdim edilmişdir. 28 mart 2016-cı ildə Azərbaycan Respublikası Prezidentinin Fərmanı ilə Azərbaycan Respublikasının Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyasına üzv təsdiq edilmişdir.

2018-ci ilin yanvar ayında AMEA Rəyasət Heyətinin qərarı ilə İnnovasiya Fondunun Himayəçilik Şurasının üzvü təsdiq edilmişdir. 20 fevral 2018-ci ildə Azərbaycan Respublikası Baş nazirinin qərarı ilə Azərbaycan Respublikasının Elmi Tədqiqatların Əlaqələndirilməsi Şurasının üzvü təyin edilmişdir. 27 aprel 2018-ci il tarixində Azərbaycan Respublikasının Prezidenti İlham Əliyevin Sərəncamı ilə Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyasının üzvü təsdiq edilmişdir. 20 iyun 2018-ci ildə AMEA-nın ümumi yığıncağında AMEA Naxçıvan Bölməsinin sədri seçilmiş və Naxçıvan Muxtar Respublikası Ali Məclisinin Sədri tərəfindən həmin vəzifəyə təsdiq edilmişdir. 1 noyabr 2018-ci ildə Azərbaycan Milli Ensiklopediyası redaksiya heyətinə üzv seçilmişdir.

11 aprel 2019-cu ildə Azərbaycan Respublikası Prezidentinin Fərmanı ilə "Dünya dini liderlərinin II Bakı sammiti"nin keçirilməsi ilə əlaqədar yaradılmış Təşkilat Komitəsinə üzv seçilmişdir. 2019-cu ildə Naxçıvan Muxtar Respublikası Elmin İnkişafı Fondunun Himayədarlıq Şurasının üzvü təyin edilmişdir. 20 noyabr 2019-cu ildə Yeni Azərbaycan Partiyası Naxçıvan Muxtar Respublika Təşkilatı Siyasi Şurasının tərkibinə yenidən üzv daxil edilmişdir.

12 fevral 2020-ci ildə Azərbaycan Respublikası Baş nazirinin qərarı ilə Azərbaycan Respublikası Elmi Tədqiqatların Əlaqələndirilməsi Şurasının yeni tərkibinə daxil edilmişdir. 14 fevral 2020-ci ildə AMEA-nın Rəyasət Heyətinin qərarı ilə "Elm və həyat" jurnalının Redaksiya Heyətinin tərkibinə təsdiq edilmişdir. 24 fevral 2020-ci ildə Azərbaycan Respublikası Prezidenti İlham Əliyevin Sərəncamı ilə Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyasının üzvü təsdiq edilmişdir.

O, 15 monoqrafiyanın, 44 kitabın, 451 elmi, 280 elmi-kütləvi məqalənin müəllifidir. İ. Hacıyevin müəllifliyi və rəhbərliyi ilə "Naxçıvan ensiklopediyası" (2 cilddə), "Naxçıvan abidələri ensiklopediyası", "Naxçıvan tarixi atlası" , "Naxçıvan tarixi" (3 cilddə), "Naxçıvan coğrafiyası" (2 cilddə), "Naxçıvan etnoqrafiyasi"" (2 cilddə) hazırlanmışdır. Onun rəhbərliyi ilə 20 nəfər tədqiqatçı fəlsətə doktoru, 9 nəfər elmlər doktoru dissertasiyası müdafiə etmişdir.

İ. Hacıyev 20-dən çox ölkədə keçirilən 50-yə yaxın beynəlxalq sammit, qurultay, konqres, konfrans və simpoziumlarda, elmi tədbirlərdə məruzələrlə çıxış etmişdir.

AMEA Naxçıvan Bölməsinin sədri akademik İ. Hacıyev ölkənin ictimai-siyasi həyatında da fəal iştirak edir. O, 2000-ci ildə Culfa səhər seçki dairəsindən Naxçıvan MR Ali Məclisinə deputat seçilmişdir. III və IV çağırış Azərbaycan Respublikası Milli Məclisinin deputatı, həmçinin Parlamentin İnsan Hüquqları Komitəsinin üzvü olmuşdur.

İctimai-siyasi fəaliyyəti

• 2000-ci ildə 37 saylı Culfa seçki dairəsindən Naxçıvan Muxtar Respublikasının Ali Məclisinin ikinci çağırış deputatı seçilmişdir.
• 2005-ci ildə 6 saylı Culfa-Babək seçki dairəsindən Azərbaycan Milli Məclisinin üçüncü çağırış deputatı seçilmişdir.
• 2005-ci ildə Azərbaycan Respublikası Prezidenti yanında Ali Attestasiya Komissiyası sədrinin əmri ilə üç ixtisas üzrə Dissertasiya Şurasının sədri təsdiq edilmişdir.
• 6 noyabr 2010-cu ildə 6 saylı Culfa-Babək seçki dairəsindən Azərbaycan Respublikasının Milli Məclisinin dördüncü çağırış deputatı seçilmişdir.
• 10 dekabr 2013-cü ildə Azərbaycan Respublikası Prezidentinin Fərmanı ilə Azərbaycan Respublikasının elm, texnika, memarlıq, mədəniyyət və ədəbiyyat üzrə Dövlət Mükafatları Komissiyasına üzv təsdiq edilmişdir.
• 19 noyabr 2015-ci ildə Respublika Elmi Tədqiqatların Əlaqələndirilməsi Şurasına üzv seçilmişdir.
• 28 mart 2016-cı ildə Azərbaycan Respublikası Prezidentinin Fərmanı ilə Azərbaycan Respublikasının Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyasına üzv təsdiq edilmişdir.
• 20 fevral 2018-ci ildə Azərbaycan Respublikası Baş nazirinin qərarı ilə Azərbaycan Respublikasının Elmi Tədqiqatların Əlaqələndirilməsi Şurasının üzvü təyin edilmişdir.
• 27 aprel 2018-ci ildə Azərbaycan Respublikasının Prezidenti İlham Əliyevin Sərəncamı ilə Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyasının üzvü təsdiq edilmişdir.
• 11 aprel 2019-cu ildə Azərbaycan Respublikası Prezidentinin Fərmanı ilə "Dünya dini liderlərinin II Bakı sammiti"nin keçirilməsi ilə əlaqədar yaradılmış Təşkilat Komitəsinə üzv seçilmişdir.
• 20 noyabr 2019-cu ildə Yeni Azərbaycan Partiyası Naxçıvan Muxtar Respublika Təşkilatı Siyasi Şurasının tərkibinə yenidən üzv daxil edilmişdir.
• 12 fevral 2020-ci ildə Azərbaycan Respublikası Baş nazirinin qərarı ilə Azərbaycan Respublikası Elmi Tədqiqatların Əlaqələndirilməsi Şurasının yeni tərkibinə daxil edilmişdir.
• 24 fevral 2020-ci ildə Azərbaycan Respublikası Prezidenti İlham Əliyevin Sərəncamı ilə Elm, texnika, memarlıq, mədəniyyət və ədəbiyyat üzrə Dövlət Mükafatları Komissiyasının üzvü təsdiq edilmişdir.

Mükafatları

• 1966-cı ildə əla dərs müvəffəqiyyətlərinə və nümunəvi əxlaqına görə Culfa rayon Xanağa kənd məktəbinin direktoru tərəfindən Tərifnamə ilə təltif edilmişdir.
• 1970-ci ildə üzərinə düşən tapşırıqları yüksək səviyyədə yerinə yetirdiyinə və ictimai həyatda fəal iştirak etdiyinə görə Sumqayıt şəhəri 2№-li İxtisaslaşmış Mexanizasiya İdarəsinin Fəxri Fərmanı ilə mükafatlandırılmışdır.
• 1974-cü ildə SSRİ Ali və Orta İxtisas Təhsili Nazirliyi və Ümum-ittifaq Gənclər İttifaqının "Əla təhsilə görə" nişanı ilə təltif olunmuşdur. 1974-cü ildə ictimai elmlər üzrə Ümumittifaq müsabiqəsinin I turuna təqdim edilmiş məzmunlu məruzəsinə görə Azərbaycan Dövlət Pedaqoji İnstitutun rektorluğunun Fəxri Fərmanı ilə təltif olunmuşdur.
• 1976-cı ildə SSRİ Təhsil Nazirliyi və Ümumittifaq Həmkarlar İttifaqı Komitəsinin "1976-cı ildə Sosializm yarışının qalibi" nişanı ilə təltif olunmuşdur.
• 2001-ci ildə anadan olmasının 50 illiyi münasibətilə Azərbaycan Respublikası Təhsil Nazirliyinin Fəxri Fərmanı ilə təltif olunmuşdur.
• 2002-ci ildə ABŞ Bioqrafiya İnstitutu tərəfindən "İlin adamı" adına layiq görülmüşdür.
• 2003-cü ildə Naxçıvan Dövlət Universitetinin təhsil sahəsində əldə etdiyi uğurlarda xidmətlərinə görə Azərbaycan Respublikası Təhsil Nazirliyinin Fəxri Fərmanı ilə təltif olunmuşdur.
• 2008-ci ildə Azərbaycan Parlamentinin yaranmasının 90 illiyi ilə əlaqədar Yubiley medalı ilə təltif olunmuşdur. 2008-ci ildə ABŞ-ın Bioqrafiya İnstitutunun Qızıl medalına layiq görülmüşdür.
• 2009-cu ildə Azərbaycan Respublikası Prezidentinin fərmanı ilə "Əməkdar elm xadimi" fəxri adına layiq görülmüşdür.
• 2010-cu ildə Azərbaycanda tarix elminin inkişafındakı xidmətlərinə, elmi, elmi-təşkilati fəaliyyətinə və anadan olmasının 60 illiyi münasibətilə Azərbaycan Milli Elmlər Akademiyasının Fəxri Fərmanı ilə təltif olunmuşdur. 2010-cu ildə Avrasiya Qəzetçiləri Dərnəyi, İctimai Fikir Fondu, İctimai Nəzarət Mərkəzi, "İctimai Rəy" Analitik Mərkəzi tərəfindən "Qız qalası" Milli Mükafatı ilə təltif olunmuşdur. 2010-cu ildə Amerika Birləşmiş Ştatlarının Bioqrafiya İnstitutu tərəfindən Azərbaycan və dünya elmində qazandığı nailiyyətlərə görə Qızıl medalla təltif olunmuşdur.
• 2011-ci ildə Naxçıvan Muxtar Respublikasında elm və təhsilin inkişafındakı xidmətlərinə görə Naxçıvan Muxtar Respublikası Ali Məclisinin Fəxri Fərmanı ilə təltif olunmuşdur.
• 2012-ci ildə Beynəlxalq Türk Akademiyasının Təşəkkür məktubuna layiq görülüb.
• 2014-cü ildə müstəqil "Lider" Beynəlxalq ictimai-siyasi publisistik jurnalı tərəfindən "Heydər Əliyev" mükafatına layiq görülmüşdür. 2014-cü ildə Azərbaycan Kütləvi İnformasiya Vasitələri İşçilərinin Həmkarlar İttifaqı tərəfindən "Xalqın nüfuzlu ziyalısı" mükafatına layiq görülmüşdür.
• 2016-cı ildə Avropa nəşr Mətbuat Evi tərəfindən "Ən yaxşı vətənpərvər tədqiqatçı alim" Qızıl medalı ilə təltif olunmuşdur.
• 2017-ci ildə çoxcildlik "Naxçıvan tarixi" layiq görüldüyü Naxçıvan Muxtar Respublikası mükafatı ona təqdim olunmuşdur.
• 2018-ci ildə "Azərbaycan Xalq Cümhuriyyətinin 100 illiyi (1918–2018)" yubiley medalı ilə təltif olunmuşdur. 2018-ci ildə Naxçıvan şəhərinin İslam mədəniyyətinin paytaxtı Xatirə medalı ilə təltif olunmuşdur.
• 2019-cu ildə Azərbaycan dövlətinin qurucusu, ümummilli lider Heydər Əliyevin 90 illik yubileyi münasibətilə Naxçıvan Muxtar Respublikası Ali Məclisinin Xatirə qızıl medalı ilə təltif olunmuşdur. 2019-cu ildə Dünya Türk Akademiyası və Qırğızıstan İssik-Kul Dövlət Universiteti tərəfindən "Manas"ın mirasçıları: Türk dünyası mədəniyyətinə xidmət mükafatına layiq görülmüşdür. 2019-cu ildə Azərbaycan Respublikası Milli Məclisinin 100 illik yubileyi ilə əlaqədar Türkiyə Cümhuriyyətinin "20 Türk lirəsi" mükafatına layiq görülmüşdür. 2019-cu ildə "Naxçıvan Azərbaycanın dövlətçilik tarixində" monoqrafiyasına görə elm sahəsində Naxçıvan Muxtar Respublikası mükafatına layiq görülmüşdür. 2019-cu ildə Azərbaycan Xalq Cümhuriyyətinin 100 illik Yubiley medalı ilə təltif olunmuşdur.
• 21 yanvar 2021-ci ildə Naxçıvan Muxtar Respublikası Ali Məclisi Sədrinin sərəncamı ilə Naxçıvan Muxtar Respublikasında elm sahəsində səmərəli fəaliyyətinə görə "Naxçıvan Muxtar Respublikasına xidmətlərə görə" nişanı ilə təltif edilib.
• 23 yanvar 2021-ci ildə Azərbaycan Respublikası Prezidentinin sərəncamı ilə "Şöhrət" ordeni ilə təltif edilmişdir.
• 16 dekabr 2021-ci ildə "Şərq qapısı" qəzetinin 100 illiyi ilə əlaqədar plaket və yubiley hədiyyəsinə layiq görülmüşdür.
• 70 illik yubileyi münasibətilə Azərbaycan Milli Elmlər Akademiyasının və Naxçıvan Dövlət Universitetinin Fəxri Fərmanları ilə təltif edilmişdir.
• 2024-cü ildə "Heydər Əliyevin 100 illiyi (1923–2023)" yubiley medalı ilə təltif edilmişdir.

Mənbə

• “Azərbaycanın elm və mədəniyyət xadimləri”, Azərbaycan Milli Elmlər Akademiyası Mərkəzi Elmi Kitabxana. İsmayıl Muxtar oğlu Hacıyev: bibloqrafik göstərici. Bakı: Elm. 2021. səh. 400. ISBN 978-9952-523-37-6.
• İsmayıl Muxtar oğlu Hacıyev
• AMEA Naxçıvan Bölməsi
• Zəhmətkeş alim, əsl ziyalı İsmayıl Hacıyev
• Azərbaycan Milli Elmlər Akademiyası Mərkəzi Elmi Kitabxanası tərəfindən AMEA Naxçıvan Bölməsinin sədri, tarix elmləri doktoru, akademik İsmayıl Hacıyevin anadan olmasının 70 illiyinə həsr olunan biobiblioqrafik göstərici nəşr olunub.