Azər Paşa Nemətov
Azər Paşa Zəfər oğlu Nemətov (13 avqust 1947, Bakı) — Azərbaycan teatr rejissoru, Azərbaycan Respublikasının xalq artisti (2002), Teatr Xadimləri İttifaqının İdarə Heyətinin sədri, Azərbaycan Dövlət Akademik Milli Dram Teatrının bədii rəhbəri-baş rejissoru (2015-ci ildən) və direktoru (2016-cı ildən).
| Azər Paşa Nemət | |
|---|---|
 | |
| Digər adı | Azər Paşa Zəfəroğlu |
| Doğum tarixi | |
| Doğum yeri | Bakı, Azərbaycan SSR, SSRİ |
| Milliyyəti | Azərbaycanlı |
| Vətəndaşlığı |
 SSRİ→ Azərbaycan |
| Atası | Zəfər Nemətov |
| Fəaliyyəti | Rejissor |
| Fəaliyyət illəri | 1972-ci ildən - indiyə kimi |
| Mükafatları |
       |
HəyatıRedaktə
Azərpaşa Zəfər oğlu Nemətov 1947-ci ildə Bakı şəhərində anadan olmuşdur. 31 saylı orta məktəbdə təhsil almışdır. Azərpaşa Nemətov Gənc Tamaşaçılar Teatrında fəaliyyət göstərmiş, yüzdən artıq tamaşaya quruluş vermiş, ad-san qazanmış rejissor Zəfər Nemətovun ailəsində dünyaya göz açıb. Uşaq çağlarından musiqiyə güclü duyumu, marağı olub. Valideynləri onu Bülbül adına orta musiqi məktəbinə aparıblar. Sonra Azərbaycan Dövlət Konservatoriyasında, dünya şöhrətli bəstəkar Qara Qarayevin sinfində təhsil alıb. Tələbəlik illərində mahnılar da bəstələyib, amma gözlənilmədən qənaətini dəyişib. 1965-ci ildə Teatr İnstitutunun rejissorluq fakültəsinə daxil olub. Məşhur rejissor Mehdi Məmmədovun kursunu bitirərək iki il sonra onun yanında assistent-müəllim işləyib. Diplom işi "Qardaşım klarnet çalır"" (A.Aleksin, Robert Rojdestvenski və Oleq Feltsman) Gənc Tamaşaçılar Teatrının rus bölməsində göstərilib. 1972-ci ildə GTT-də əvvəl rejissor assistenti, sonra quruluşçu rejissor işləyib. 1974–1977-ci illərdə Sankt-Peterburq teatrında. 1977-ci ildə Bakıya qayıdaraq GTT-də rejissor və baş rejissor (1983–1990) işləyib.
1990-cı aprel ayının 20-dən Azərbaycan Dövlət Akademik Milli Dram Teatrının quruluşçu rejissorudur. 1991 və 1996-cı illərdə isə Teatr Xadimləri İttifaqı İdarə Heyətinin sədri seçilib. Andrey Popov adına SSRİ ümumittifaq müsabiqəsinin laureatıdır (1985). Onun tamaşaları İstanbulda, Aşqabadda, Moskvada keçirilmiş festival və müsabiqələrdə uğur qazanıb.
18 iyul 2014-cü ildə Azərbaycan Respublikasının Prezidenti yanında Bilik Fondunun Himayəçilik Şurasının üzvü seçilmişdir.[1]
31 avqust 2015-ci ildə Azərbaycan Dövlət Akademik Milli Dram Teatrının bədii rəhbəri-baş rejissoru vəzifəsinə təyin edilmişdir.[2]
6 yanvar 2016-cı ildə Azərbaycan Dövlət Akademik Milli Dram Teatrının baş direktoru vəzifəsinə təyin edilmişdir.[3]
Təltif və mükafatlarıRedaktə
- "Azərbaycan SSR əməkdar incəsənət xadimi" fəxri adı — 20 mart 1987
- "Azərbaycan Respublikasının xalq artisti" fəxri adı — 24 dekabr 2002
- "Şöhrət" ordeni — 11 avqust 2007[4]
- 2-ci dərəcəli "Vətənə xidmətə görə" ordeni — 11 avqust 2017[5]
- "Qızıl Dərviş" mükafatı (Azərbaycan Teatr Xadimləri İttifaqı) — 1999, 2003
- "Zirvə" mükafatı (Mədəniyyət və Turizm Nazirliyi)
- Cəfər Cabbarlı mükafatı — 2017 ("Almaz" tamaşasına görə)[6][7]
- "Haldun Taner" mükafatı (TÜRKSOY) — 23 dekabr 2015[8]
- Azərbaycan Respublikası Prezidentinin fərdi təqaüdü — 1 aprel 2005-ci ildən[9]
- "Şərəf" ordeni — 12 avqust 2022-ci ildə[10]
Tamaşaya qoyduğu əsərlərRedaktə
Akademik Milli Dram Teatrında
- "Biganələr oteli" (1984) (Rüstəm İbrahimbəyov)
- "Tufandan əvvəl" (1987) (Arif Süleymanov)
- "Ah, Paris, Paris!.." (1997) (Elçin)
- "Mənim sevimli dəlim" (1998) (Elçin)
- "Mənim ərim dəlidir. Diaqnoz D" (1999) (Elçin)
- "Hamlet" (2002) (Uilyam Şekspir)
- "Boy çiçəyi" (2011) (İlyas Əfəndiyev)
- "Şah Qacar" (2013) (Əli Əmirli)
- "Ölülər" (2016) (Cəlil Məmmədquluzadə)
- "Almaz" (2017) (Cəfər Cabbarlı)
- "Cəhənnəm sakinləri" (2017) (Elçin)
FilmoqrafiyaRedaktə
İstinadlarRedaktə
- ↑ Azərbaycan Respublikasının Prezidenti yanında Bilik Fondunun Himayəçilik Şurası üzvlərinin təyin edilməsi haqqında Azərbaycan Respublikası Prezidentinin 18 iyul 2014-cü il tarixli Sərəncamı.[ölü keçid] e-qanun.az
- ↑ Lent.az. "Azərpaşa Nemətov Dram Teatrının bədii rəhbəri - baş rejissoru təyin edildi" (az.). lent.az. 31.08.2015 20:40. 2020-12-01 tarixində orijinalından arxivləşdirilib. İstifadə tarixi: 2015-08-31.
- ↑ Lent.az. ""Azdrama"ya yeni baş direktor təyin olundu" (az.). lent.az. 06.01.2016 11:23. 2016-03-05 tarixində orijinalından arxivləşdirilib. İstifadə tarixi: 2015-01-06.
- ↑ "A.Z. Nemətovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". e-qanun.az. 11 avqust 2007. 2021-08-24 tarixində arxivləşdirilib. İstifadə tarixi: 24 avqust 2021.
- ↑ "A.Z.Nemətovun 2-ci dərəcəli "Vətənə xidmətə görə" ordeni ilə təltif edilməsi haqqında Azərbaycan Respublikası Prezidentinin Sərəncamı". president.az. 11 avqust 2017. 2021-05-09 tarixində arxivləşdirilib. İstifadə tarixi: 24 avqust 2021.
- ↑ publika.az. ""Cəfər Cabbarlı Mükafatı- 2017" təqdim edildi" (az.). Publika.az. 21.05.2017. 2021-04-12 tarixində arxivləşdirilib. İstifadə tarixi: 2017-05-21.
- ↑ Ülviyyə Həsənqızı. "2017-ci ilin Cəfər Cabbarlı mükafatı təqdim olunub. Akademik Milli Dram Teatrında təqdimat mərasimi keçirilib" (az.). Primetime.az. 21.05.2017. 2017-05-24 tarixində orijinalından arxivləşdirilib. İstifadə tarixi: 2017-05-21.
- ↑ "Teatr xadimlərinə "Haldun Taner" mükafatı verildi". 2015-12-24 tarixində orijinalından arxivləşdirilib. İstifadə tarixi: 2015-12-27.
- ↑ "Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı". e-qanun.az. 1 aprel 2005. 2021-08-24 tarixində arxivləşdirilib. İstifadə tarixi: 24 avqust 2021.
- ↑ A.Z.Nemətovun “Şərəf” ordeni ilə təltif edilməsi haqqında Azərbaycan Respublikası Prezidentinin Sərəncamı