Bahar Muradova

Bahar Əvəz qızı MuradovaAzərbaycan Respublikasının Ailə, Qadın və Uşaq Problemləri üzrə Dövlət Komitəsinin sədri, Azərbaycan Respublikasının Milli Məclisinin sabiq sədr müavini, sabiq deputat.

Bahar Muradova
Bahar Əvəz qızı Muradova
BaharMuradova.jpg
bayraqAilə, Qadın və Uşaq Problemləri üzrə Dövlət Komitəsinin sədribayraq
12 mart 2020
Sələfi Hicran Hüseynova
bayraqAzərbaycan Milli Məclisi sədrinin müavinibayraq
2005 — 2019
bayraqAzərbaycan Milli Məclisinin II-III-IV-V çağırış üzvübayraq
2000 — 2019
Şəxsi məlumatlar
Partiya Emblem of New Azerbaijan Party.png Yeni Azərbaycan Partiyası
Təhsili BDU
Doğum tarixi (59 yaş)
Doğum yeri Füzuli, Azərbaycan SSR
Vətəndaşlığı Azərbaycan Azərbaycan
Elmi fəaliyyəti
Elmi dərəcəsi siyasi elmlər üzrə fəlsəfə doktoru[d]

Təltifləri "Şöhrət" ordeni — 2012 "Azərbaycan Ordusunun 100 illiyi (1918-2018)" yubiley medalı — 2018 "Azərbaycan Xalq Cümhuriyyətinin 100 illiyi (1918-2018)" yubiley medalı — 2019
Commons-logo.svg Vikianbarda əlaqəli mediafayllar

HəyatıRedaktə

Bahar Muradova 1962-ci il martın 20-də Füzuli şəhərində anadan olub[1]. O, əslən Füzuli rayonunun Yağlıvənd kəndindəndir. Milliyyətcə azərbaycanlıdır.

1977-ci ildə Füzuli şəhər 3 saylı orta məktəbin 8-ci sinfini tərifnamə ilə, 1981-ci ildə Bakı Yüngül Sənaye Texnikumunu fərqlənmə diplomu ilə, 1990-cı ildə Azərbaycan Dövlət Universiteti nin filologiya fakültəsini, 2000-ci ildə isə Azərbaycan Universitetinin hüquq fakültəsini bitirib.

1981-ci ildən Bakı 1 saylı tikiş fabrikində əmək fəaliyyətinə başlayıb. 1989–1992-ci illərdə Azərbaycan Könüllü Kitabsevərlər Cəmiyyətinin, 1992–1993-cü illərdə "Qayğı" Cəmiyyəti Yasamal rayon təşkilatının məsul katibi işləyib.

Mingəçevir şəhərinin qurucularından olan Şahvələd Quliyevin gəlinidir.

Siyasi fəaliyyətiRedaktə

1993–1995-ci illərdə Yasamal Rayon İcra Hakimiyyətinin təlimatçısı, 1995–2000-ci illərdə Azərbaycan Respublikası Prezidenti İcra Aparatının ictimai-siyasi şöbəsinin referenti vəzifələrində çalışıb. 1993-cü ildən Yeni Azərbaycan Partiyasının üzvüdür.

YAP-ın I (1999), II (2000) və III (2005) qurultaylarında partiyanın Siyasi Şurasının və İdarə Heyətinin üzvü seçilib.

1995-ci ildən YAP Qadınlar Şurasının sədr müavini, 1999-cu ildən partiyanın icra katibinin müavini olmuşdur.

Azərbaycan Respublikası Milli Məclisinin II (2000), III (2005), IV (2010), V (2015) çağırış deputatı seçilib.[2]

2005-ci il dekabrın 2-dən Milli Məclis Sədrinin müavini, ATƏT-in Parlament Assambleyasında Azərbaycan nümayəndə heyətinin rəhbəri olmuşdur.

12 mart 2020-ci il tarixində Azərbaycan Respublikası Prezidenti tərəfindən Ailə, Qadın və Uşaq Problemləri üzrə Dövlət Komitəsinin sədri təyin edib.

Yeni Azərbaycan Partiyasının VII qurultayında (5 mart 2021-ci il) YAP İdarə Heyətinin üzvü seçilib.[3]

Ailəlidir, bir qızı var.

Elmi fəaliyyətiRedaktə

AR Prezidenti yanında Dövlət İdarəçilik Akademiyasında 30 oktyabr 2009-cu ildə keçirilən müdafiədə Siyasi elmlər üzrə fəlsəfə doktoru elmi dərəcəsini almışdır (İxtisasın kodu və adı: 23.00.04 – Beynəlxalq münasibətlərin və qlobal inkişafın siyasi problemləri). Dissertasiyanın adı "Ermənistan-Azərbaycan, Dağlıq Qarabağ münaqişəsinin nizama salınmasında ATƏT-in rolu" olmuşdur. Elmi rəhbəri tarix elmləri doktoru, professor Ə.M. Həsənov, rəsmi opponentləri tarix elmləri doktoru, professor M.C. Qasımlı və siyasi elmlər namizədi H.B. Məmmədov olmuşdur[4].

MükafatlarıRedaktə

  • 2017-ci ildə Azərbaycanda parlamentarizmin inkişafında və parlamentlərarası əlaqələrin möhkəmləndirilməsindəki xidmətlərinə görə Milli Məclisin Fəxri medalı ilə təltif olunmuşdur.

Bir sıra yerli və beynəlxalq mükafatların laureatıdır.

İstinadlarRedaktə

Xarici keçidlərRedaktə