CS50
CS50 (ing. Computer Science 50, azərb. Kompüter Elmləri 50) — Harvard Universiteti və Yel Universitetində tədris olunan kompüter elmləri üzrə kampus əsaslı onlayn giriş kursu. 2016-cı ildə CS50 ali məktəb tələbələri üçün TY Kompüter Elmləri kursu kimi təqdim olundu. Kursun əyani forması 800 tələbə, 102 əməkdaş və müntəzəm hakatonlarında 2200-ə qədər iştirakçı ilə Harvardın ən böyük sinfini təşkil edir.[1][2]
Kurs materialı EdX platformasında ödənişsiz onlayn formatda əlçatandır, lakin sertifikatlaşdırma ödənişli əsaslarla həyata keçirilir. 2022-ci ildən etibarən CS50x kimi adlandırılan bu onlayn versiya, C, Python, SQL, HTML, CSS və JavaScript dillərini öyrətməkdədir. O, həmçinin massivlər və verilənlər strukturları və Flask freymvörkü daxil olmaqla fundamental kompüter elmi anlayışlarını öyrədir.[3] Kurs proqramının 2021-ci il yenilənməsi ilə kiber təhlükəsizlik, süni intellekt və texnologiya etikası olmaqla 3 yeni mühazirə əlavə olundu.[4]
Aparıcı təlimatçı Harvard professoru David Malandır.[5] CS50-nin keçmiş üzvü Brayan Yu[6] mühazirəçilərdən biridir.[7] Facebook-un həmtəsisçisi Mark Zukerberq və Microsoft-un keçmiş baş icraçı direktoru Stiv Balmer qonaq məruzəçi qismində mühazirələrlə çıxış ediblər.[8][9]
Format redaktə
Mühazirələr qeyd olunur və iTunes U, EdX və YouTube daxil olmaqla bir neçə xidmətə yüklənir. Professorlar və könüllü tələbələrlə əlavə video əlavələr çəkilir. Problem dəstləri və ya qısaca "psetlər" adlanan kurs sualları həm PDF, həm də HTML formatında mövcuddur. Tələbələr problem dəstinin cavablarını yükləyə bilər və bəzi suallar avtomatlaşdırma ilə qiymətləndirilir. Tələbələr həmçinin buludda kodlarını yoxlamaq üçün xüsusi proqram təminatından istifadə edə bilərlər. 2016-cı ildə CS50 tələbələrə bütün mühazirələri tamamilə virtual reallıqda izləmək imkanı təklif edən ilk universitet kursu oldu.[10] 2022-ci ildə kurs CS50 IDE-dən GitHub kod sahələrinə əsaslanan VS Kod veb əsaslı versiyasına keçdi və indi kurslar 4K HDR və SDR-də mövcuddur.[11]
Davamedici kursları redaktə
CS50 aşağıdakılar da daxil olmaqla bir neçə əlavə kurs təqdim edir:
- Veb Proqramlaşdırma üçün CS50 Kompüter Elmləri — HTML, CSS və JavaScript, həmçinin Flask və Django daxil olmaqla freymvörklərə daha dərin baxış.[12]
- CS50-nin Python ilə Süni İntellektə Giriş — axtarış alqoritmləri, maşın öyrənməsi və süni intellekti əhatə edir.[13]
- CS50-nin Oyun İnkişafına Giriş — Unity və Löve 2D oyun mühərriklərini, həmçinin 2D və 3D oyun prinsiplərini öyrədir.[14]
Başlanğıc kursları redaktə
CS50 həmçinin proqramlaşdırmaya yeni başlayan və texnologiya haqqında daha çox öyrənmək istəyən insanlar üçün də kurslar təklif edir.
- CS50-nin Scratch ilə Proqramlaşdırmaya Giriş — Proqramçı namizədlərin qrafik blokları sürükləyib ataraq kod yaza biləcəyi vizual proqramlaşdırma dili olan Scratch istifadə edərək proqramlaşdırmaya giriş.[15]
- CS50-nin Texnologiyanı Anlamaq — aparat təchizatı, internet və multimedia kimi əsas texnologiya anlayışlarını əhatə edir.[16]
- CS50-nin Hüquqşünaslar üçün Kompüter Elmlərinə Giriş[17]
CS50 Azərbaycanda redaktə
CS50 Azərbaycanda rəsmi olaraq Coders Azerbaijan tərəfindən tədris olunur.[18] Tədris ödənişsiz əsaslarla aparılır.[19] Proqrama Xəzər Universiteti[20] və UNEC[21] cəlb olunub.
İstinadlar redaktə
- ↑ Pappano, Laura. "10 Courses With a Twist". The New York Times. 2019-02-26 tarixində arxivləşdirilib. İstifadə tarixi: 2014-05-04.
- ↑ Farrell, Michael. "Computer science course fills seats, needs at Harvard". The Boston Globe. 2018-10-29 tarixində arxivləşdirilib. İstifadə tarixi: 2022-06-21.
- ↑ "CS50x 2021". cs50.harvard.edu (ingilis). 2022-09-02 tarixində arxivləşdirilib. İstifadə tarixi: 2021-03-25.
- ↑ "What's new for 2021? - CS50x 2021". cs50.harvard.edu (ingilis). 2022-04-07 tarixində arxivləşdirilib. İstifadə tarixi: 2021-03-25.
- ↑ Orbey, Eren. "How Harvard's Star Computer-Science Professor Built a Distance-Learning Empire". The New Yorker. 2022-02-24 tarixində arxivləşdirilib. İstifadə tarixi: 2022-06-21.
- ↑ "Brian Yu's web page". brianyu.me (ingilis). 2022-06-21 tarixində arxivləşdirilib. İstifadə tarixi: 2022-06-21.
- ↑ Feldt, Brian. "LaunchCode hackathon to feature global computer science educator". St. Louis Business Journal. 2014-03-11. 2017-09-14 tarixində arxivləşdirilib. İstifadə tarixi: 2014-05-04.
- ↑ "CS50 Guest Lecture by Mark Zuckerberg". Harvard University. 2019-03-31 tarixində arxivləşdirilib. İstifadə tarixi: 2022-06-21.
- ↑ "CS50 Guest Lecture by Steve Ballmer". Harvard University. 2022-06-21 tarixində arxivləşdirilib. İstifadə tarixi: 2022-06-21.
- ↑ Fahs, C. Ramsey. "CS50 Moves Away from Traditional Lectures, Toward Virtual Reality". The Crimson. 2016-08-31. 2022-05-31 tarixində arxivləşdirilib. İstifadə tarixi: 2022-06-21.
- ↑ "What's new for 2022? - CS50x 2022". cs50.harvard.edu (ingilis). 2022-06-25 tarixində arxivləşdirilib. İstifadə tarixi: 2022-02-19.
- ↑ "Computer Science for Web Programming Professional Certificate". edX (ingilis). 2022-07-13 tarixində arxivləşdirilib. İstifadə tarixi: 2021-03-25.
- ↑ "Computer Science for Artificial Intelligence Professional Certificate". edX (ingilis). 2022-06-21 tarixində arxivləşdirilib. İstifadə tarixi: 2021-03-25.
- ↑ "Computer Science for Game Development Professional Certificate". edX (ingilis). 2022-06-21 tarixində arxivləşdirilib. İstifadə tarixi: 2021-03-25.
- ↑ "CS50's Introduction to Programming with Scratch". cs50.harvard.edu (ingilis). 2022-06-21 tarixində arxivləşdirilib. İstifadə tarixi: 2022-06-21.
- ↑ "CS50's Understanding Technology". cs50.harvard.edu (ingilis). 2022-08-27 tarixində arxivləşdirilib. İstifadə tarixi: 2022-06-21.
- ↑ "CS50's Computer Science for Lawyers". cs50.harvard.edu (ingilis). 2022-04-08 tarixində arxivləşdirilib. İstifadə tarixi: 2022-02-19.
- ↑ Hello, World - CS50x Coders Azerbaijan (ingilis), 2022-09-01 tarixində arxivləşdirilib, İstifadə tarixi: 2022-06-21
- ↑ ""CS50x" tədris proqramı "Coders Azerbaijan" tərəfindən tədris olunacaq". coders.edu.az. 2023-07-04 tarixində arxivləşdirilib. İstifadə tarixi: 2022-06-21.
- ↑ "CS50x proqramının tədrisinə ilk olaraq Xəzər Universitetində başlanılacaq". coders.edu.az. 2022-06-21 tarixində arxivləşdirilib. İstifadə tarixi: 2022-06-21.
- ↑ ""CS50x" proqramı Azərbaycan Dövlət İqtisad Universitetində". coders.education. 2023-07-04 tarixində arxivləşdirilib. İstifadə tarixi: 2022-06-21.