Həsən Dəmirçi
Bu səhifənin neytrallığı şübhə doğurur. Məqalədə tərəf tutma və ya pisləmək məqsədi daşıyan və doğruluğu sübut edilməyən fikirlər olduğu iddia edilir. Xahiş olunur bu məsələ ilə əlaqədar müzakirələrdə iştirak edəsiniz. |
Həsən Dəmirçi ( 1941–2018 24 iyun) Güney Azərbaycanlı tanınmış milli-mədəni fəal, şair, yazıçı, incəsənət xadimi və musiqi müəllimi.[1][2][3][4]
| Həsən ağa Dəmirçi | |
|---|---|
| Həsən Dəmirçi | |
 | |
| Digər adları |
Həsən Azərbaycan Həsən ağa Hərgülü |
| Doğum tarixi | |
| Doğum yeri |
Təbriz Cənubi Azərbaycan  İran |
| Vəfat tarixi | (77 yaşında) |
| Vəfat yeri |
Təbriz Cənubi Azərbaycan İran |
| Vətəndaşlığı |
İran İslam Respublikası İran |
| Milliyyəti |
Azərbaycanlı  |
| İxtisası | Musiqi |
| Fəaliyyəti | musiqiçi |
| Fəaliyyət illəri | 1960-cı illərdən |
| Tanınır |
Milli-mədəni fəal musiqiçi |
HəyatıRedaktə
Həsən Dəmirçi 1941-ci ildə Güney Azərbaycanın Təbriz şəhərində anadan olmuşdur.[2]
Güney Azərbaycan milli-mədəni hərəkatında roluRedaktə
Həsən Azərbaycan adı ilə tanınan mərhum Həsən Dərmirçi Azərbaycan türk millətinin demokratik və milli hüquqları uğrunda apardığı mədəni mübarizəyə görə dəfələrlə təhlükəsizlik qüvvələri tərəfindən saxlanılıb və müxtəlif təzyiqlərə məruz qalmışdır.[3][5][6]
Azərbaycanlı fəal, mərhum Prof. Zehtabi ilə birlikdə 1986-cı ildə Təbrizdə "Azərbaycan Mədəniyyət Ocağı" Dərnəyinin qurucularından biri olub. O həmin zaman dərnəyin musiqi bölümü üzrə məsul seçilib.[2]
HəbsiRedaktə
Dəfələrlə həbs edilmiş Həsən Dəmirçi müxtəlif növ cəzalara məruz qalmışdır. 2013-cü ilin noyabrın 4-də Təbrizdəki evində həbs edilmişdir. İnqilab Məhkəməsinin hakimi Bağırpurun iyul ayında çıxardığı hökmə görə, Həsən Hərgülü və Həsən Azərbaycan adları ilə də tanınan musiqiçi İrana müxalif olan etnik qrupların xeyrinə müqəddəs İran İslam Respublikası nizamına qarşı təbliğat aparmaqda ittiham olunmuşdu. Məhkəmə sənədində yazılıb ki, cənab Dəmirçi icazə almadan musiqi sinifləri təşkil etmək və gizli musiqi tədris etmək, Türkiyədə və ölkə daxilində BMT-dən İran Azərbaycanında referendum keçirilməsi tələbi ilə təşkil edilən toplantılara qatılmaq, səlahiyyətli orqanlardan icazə almadan əhalidən ianə toplamaq və həbsdən azad olmuş separatçı fəallarla toplu şəkildə görüşmək kimi fəaliyyətlərlə bağlı olaraq altı ay həbsə məhkum edilib. Sənəddə qeyd edilən, əhalidən ianə toplanılması Dəmirçinin 2012-ci ildə Şərqi Azərbaycan vilayətinin Qaradağ bölgəsində baş verən zəlzələ zamanı zərərçəkənlərə yardım etmək üçün apardığı fəaliyyətlərlə bağlıdır.[3][6]
Digər təqiblərRedaktə
2015-ci ilin yanvar ayında Bakıya səfər etdikdən sonra İran dövləti tərəfindən xaricə çıxışına qadağa qoyulmuşdu.[5] Çoxsaylı müraciətlərinə baxmayaraq heç bir rəsmi cavab verilməmişdi. Ettelaat Nazirliyinin Təbriz şöbəsi əməkdaşının verdiyi qeyri-rəsmi məlumata görə İran Ettelaat Nazirliyinin Mərkəzi Ofisi tərəfindən Həsən Ağa Dəmirçinin ölkədən çıxışına qadağa qoyulub və artıq Həsən bəyin durumu ilə birbaşa Tehran maraqlanır.[5][6]
Güney Azərbaycan milli-mədəni hərəkatında göstərdiyi fədakarlığa görə Güney Azərbaycanda Həsən Ağa Azərbaycan və Həsən Hərgülü ləqəbi ilə anılır.
İcazəsiz musiqi dərsləri keçdiyi bəhanə edilərək, özünün təsis etdiyi və dərs dediyi musiqi mərkəzi qapadılmışdır.
Musiqi sahəsində fəaliyyətiRedaktə
Həsən Dəmirçi Güney Azərbaycanın klassik və muğam musiqisi üzrə ən tanınmış incəsənət xadimlərindən biri olub. Azərbaycanlı fəal, mərhum Prof. Zehtabi ilə birlikdə 1986-cı ildə Təbrizdə Azərbaycan Mədəniyyət Ocağı Dərnəyinin qurucularından biri olub. O həmin zaman dərnəyin musiqi bölümü üzrə məsul seçilib. Azərbaycan Mədəniyyət Ocağı Dərnəyi musiqi sahəsində böyük uğurlara imza atıb. Bu dərnəyin sayəsində Əli Səlimi kimi böyük ustadlar musiqi sahəsində addımlamağa imkan tapıblar. Dərnəyin kurslarında tar, kamança, qarmon, qara zurna, qaval və s. kimi Azərbaycan musiqi alətləri öyrədilmişdir. Dərnəkdə həmçinin türk dilində muğam oxumaq və Azərbaycan rəqsi kusrları təşkil olunmuşdur.[6]
Türkiyə Radio Televiziya Qurumunun (TRT) yayımladığı musiqi proqramlarında iştirak edib.[6]
Həsən Dəmirçi muğam musiqisi haqda Muğam: öyrəncilər üçün və başqa bir neçə cild kitabın müəllifidir.[4][6]
ÖlümüRedaktə
2018-ci ilin 24 iyununda Təbriz şəhərində yerləşən xəstəxanada vəfat etmişdir.[7][8]
XatirəsiRedaktə
Həsən Azərbaycan xəstəxanada müalicə olunarkən yanına ziyarətə gəlmiş bir qrup Güney Azərbaycanlı milli-mədəni fəallara ziyarət üçün hökumət rəsmiləri tərəfindən icazə verilməmişdi. Vəfat etdikdən sonra isə Güney Azərbaycanın bir çox iri şəhərlərində izdihamlı anım tədbirləri keçirilmişdir.[7]
Xarici keçidlərRedaktə
İstinadlarRedaktə
Bu məqalədəki istinadlar müvafiq istinad şablonları ilə göstərilməlidir. |
- ↑ Tanınmış azərbaycanlı fəal ustad Həsən Dəmirçi vəfat edib
- ↑ 1 2 3 Tanınmış azərbaycanlı milli-mədəni fəal, musiqi ustadı Həsən Dəmirçi Təbrizin "Ali nəsəb" xəstəxanasında vəfat edib.[ölü keçid]
- ↑ 1 2 3 Həsən Dəmirçi həbs edilib
- ↑ 1 2 Azərbaycanın tanınmış tarzəni Həsən Dəmirçi dünyasını dəyişdi
- ↑ 1 2 3 Həsən Ağa Dəmirçinin ölkədən çıxışına qadağa qoyulub
- ↑ 1 2 3 4 5 6 Həsən Dəmirçi həbs edilib[ölü keçid]
- ↑ 1 2 Həsən Dəmirçi vəfat etdi
- ↑ Azərbaycanın tanınmış musiqiçisi vəfat etdi[ölü keçid]