Heydər Abbasi
Heydər Abbasi (fars. حیدر عباسی; 24 fevral 1943, Marağa, Şərqi Azərbaycan ostanı) — daha çox öz təxəllüsü ilə tanınır - Barışmaz (farsca: باریشماز) - İran azərbaycanlılarından olan şair, yazıçı, tərcüməçi və Azərbaycan ədəbiyyatı tənqidçisi.[1][2]
| Heydər Abbasi | |
|---|---|
| fars. حیدر عباسی | |
| Təxəllüsü | Barışmaz |
| Doğum tarixi | |
| Doğum yeri | Marağa şəhəri |
| Vətəndaşlığı | İran İslam Respublikası |
| Milliyyəti | Azərbaycanlı |
| Təhsili | |
| İxtisası | İngilis dili |
| Fəaliyyəti |
Şair Yazıçı Tərcüməçi Ədəbiyyat tənqidçisi Rəssam Xəttat |
| Əsərlərinin dili |
Azərbaycanca Farsca |
| Tanınmış əsərləri | Çağırılmamış qonaqlar Səs və divarlar Dartılmış dənələr |
Həyatı
redaktəHeydər Abbasi 1943-cü ildə Şərqi Azərbaycan ostanının Marağada şəhərində anadan olmuşdur.
2017-ci ilin dekabr ayının 7-də Marağa şəhərinin Əbdülqadir Marağalı adına Mədəniyyət və İncəsənət Kompleksində Heydər Abbasi üçün yaradıcılıq gecəsi keçirilmişdir. Mərasimdə Cənubi Azərbaycanın tanınmış şairləri, o cümlədən Kərimi Marağalı, Nadir İlahi, Vədud Dusti və daha bir neçə şair də iştirak etmişdir.
Təhsili
redaktəTəbriz Universitetində ingilis dili üzrə bakalavr təhsili almışdır. Tehran şəhərində isə magistr pilləsində təhsil almışdır.[1]
Yaradıcılığı
redaktə45 ədəbi əsəri vardır. Heydər Abbasi ədəbi yaradıcılıq və ədəbi tənqidçiliklə yanaşı tərcüməçiliklə də məşğuldur. Onun ən yaxşı tərcümə əsərlərinə Nəhcül-bəlağəni həm ərəb, həm də latın əlifbasında Azərbaycan dilinə tərcüməsini (həmçinin həmin əsərin təfsirini 2 cilddə yazmışdır), Mövlanə Cəlaləddin Ruminin Məsnəvisini həm ərəb, həm də latın əlifbasında (4 cilddə) Azərbaycan dilinə tərcüməsini misal göstərmək olar.
Heykəltaraş, xəttat və rəssam kimi də tanınan ustad Barışmaz türk, ərəb, ingilis, fransız, rus və fars dilllərini mükəmməl bilir. Ən çox Azərbaycan türkcəsində yazıb-yaradan şair 50-dən çox dəyərli əsərin müəllifidir.[3]
Məşhur əsərləri:
- Nəğmə Daği və İstimar
- Kəbə və qanlı azan
- Güləndə hərzaman Məşair və şeytan
- Səs
- Divarlar
- Ödümlü Dirək[4]
- Çağirilmamiş qonaqlar
- Müxannaslər
- Val-əsr
- Dartılmamış dənlər
İstinadlar
redaktə- ↑ 1 2 Tanınmış azərbaycanlı şair ustad Barışmazın yaradıcılıq gecəsi keçirilib[ölü keçid]
- ↑ "اعضای کمیسیون فرهنگی مجلس با شاعر مراغه ای دیدار کردند". 2019-03-23 tarixində arxivləşdirilib. İstifadə tarixi: 2018-09-21.
- ↑ Video: Günaz TV Yanvar.27.2017 Qonu: Şair və yazıçı Heydər Abbasi (Barışmaz) ilə ədəbi görüş, İranda vətəndaş haqları bəyannaməsi, Ümummilli mənafeyimizin müştərək nöqtələri və birgə mübarizə .[ölü keçid]
- ↑ Heyder Abbasi Barışmaz